نظرت الغرب .. شي بخجل

يومين اجى صديقي من ايطاليا

ولما كنا قاعدين بقهوة القلعة وعم نأركل صار يحكيلي عن ايطاليا وقصصو بإيطاليا

ومن الحكي تخيلو ياجماعة اني في نسبة كتير كبيرة بإيطاليا لما يسألو اني انت من وين يقلن من سوريا نسبة 90% ما بيعرف سوريا وطبعا ما بيعرفو شي غير عرب

تخيلو اني صار يسألو اني انتو العرب في عندكن زفت ؟؟
في عندكن سيارات ؟؟
في عندكن شوارع ؟؟


تخيلو اني نسبة كبيرة من الغرب اخدين فكرة عن العرب اني صحراء ورمل ومنتنقل عالجمل

بدي اعرف شو السبب ؟

بصراحة بعد مخمخة وتفكير
خطر ببالي ليش الصين صارت متل اسم على علم بكل العالم ؟؟
ليش لما تشوف شحاد ياباني تقول يالله هاد مخو شغلة وهوي ولا شي ببلدو لاني اليابان اشتهرت لالاختراعات والصناعة الدقيقة والجودة العالية ؟

بقولكن نحنا لايمتى بدنا نضل هلك

المصدر: أرض البيلسان

---

k/vj hgyvf >> ad fo[g gs,vdh Hyvf hguvf ,hgyvf

والله هالكلام مزبوط لايمتا بدنا نضل هيك

مو لازم نئب على وش الارض




مشكور على هالموضوع ميدو

ما بعتقد إنو الغرب كلو بينظر إلنا هالنظرة
التلفزيون والدش والنت وكل وسائل الإعلام كانت ومازالت
بتعرف الغرب بالعرب وبلاد العرب
إذا كانت شريحة معينة مابتعرف
فهي مشكلتن وبسبب جهلن وعدم إطلاعن
وأنا إلي تجارب ومعارف أجانب من فرنسا وألمانيا والدنمارك وأمريكا وحتى من
أستراليا كانو سواح وجايين يعملو جولة ببلاد المنطقة
وهن بيعرفوا لوين جايين .
حضارتنا كفيلة إنو تعرف العالم عنا
شاء من شاء وأبى من أبى
وكمان لما هالجهلة يسألوا هيك أسئلة بعتقد بيكون من باب الإسخفاف
والحقد الدفين لدى الغرب اتجاه العرب وخصوصا"المسلمين.
عذرا"للإطالة وتقبل مروري

لاتعليق ...........
:80::80::80:
معون حق

المشاركة الأصلية كتبت بواسطة دلع الشام

والله هالكلام مزبوط لايمتا بدنا نضل هيك

مو لازم نئب على وش الارض




مشكور على هالموضوع ميدو

اي والله لازم نئب

شرفتي دودو

المشاركة الأصلية كتبت بواسطة عهد القمر

لاتعليق ...........
:80::80::80:
معون حق

هلا عهد شرفتو الموضوع

هالكلام صحيح يعني صار لازم ننتقلمن بند البلدان المستهلكة ونصير من البلدان المنتجة
بس ما في امل
بعين الله...

اي ودخلك شبدنا فيهن اذا نظرو هيك ولا نظرو هيك
ما رح يفيدونا بشي بنوب
هنن يتركونا بحالنا ونحنا مندبر راسنا
يسلموووووون

اي شو الغرب المتخلف اللي ما بيعرفنا

ما بعرف ع مين الحق علينا اللي ما عم نحسن نوصل ثقافتنا وتاريخنا للعالم
ولا عالغرب اللي عندون كل شي عرب يعني همجية و تخلف وجزء كبير منون ما حاولو يشوفو شوفي ورا هالبحر وبرات حدودون

بس ما بعتئد انو سوريا من البلاد المغمورة لهالدرجة