هل تقبلين الزواج باصغر منك سنا ؟!!

[White Pearl]

مرحبا يا جماعة كيفكن​

حبيت اطرح عليكم هالسؤال
صارلو فترة ببالي ...
وحابه اعرف رايكم فيه ​

والسؤال واضح من العنوان ..بس يمكن جوابه صعب​

للبنات : هل تقبلين الزواج بشاب اصغر منك سنا ؟؟
للشباب: هل تقبل الزواج ببنت اكبر منك سنا ؟؟​

طيب ازا كان يا بنات هالشاب اللي رايد يرتبط فيكي مجتمعة فيه كل المواصفات اللي انت بتحبيها
بس القصة الوحيدة انو اصغر منك ..شو بيكون ردك ؟؟​

وانتو يا شباب ازا البنت اللي بتتمنو ترتبطو فيها لقيتوها مطابقة كمان للمواصفات اللي بتحبوها
بس هالبنت اكبر منكن ..شو بتعملو ... بتفكرو ترتبطو فيها او شو ؟؟​

وياريت كل واحد ازا كان جوابه اي يقول رايه والسبب...
وازا رايه لاء كمان يقول السبب...​

عم استنى ردودكن
:Albilsan (115)::Albilsan (115):​

 

[eyad]

اختي العزيزة الرسول الكريم عليه الصلاة والسلام اتزوج ستنا خديجة وهي اكبر منه ب20 سنة لحتى يعلما انو هالامر مو غلط وطبيعي جدا وانا هاد رأيي
​

 

[عهد القمر]

مامنعرف وين نصيبنا ...بس لجواب
ليش ما ارضى ؟؟؟؟
​

 

[White Pearl]

اختي العزيزة الرسول الكريم عليه الصلاة والسلام اتزوج ستنا خديجة وهي اكبر منه ب20 سنة لحتى يعلما انو هالامر مو غلط وطبيعي جدا وانا هاد رأيي​

​

اخي شكرا الك جوابك عجبني كتير
وخير واعظم قدوة النا هوي الرسول عليه الصلاة والسلام
بس حاليا بمجتمعاتنا يمكن في كتير ناس ما بيتقبلو الفكرة فمن باب الفضول منحب نعرف شو السبب
وانا شخصيا رايي من رايك.... مو غلط

يسلمو عالمرور

 

[The Don]

انا مع اياد بكلامو ,,,,, والزواج مو حرام ولا عيــــب

بـــــس حاليـــــاً تغيرت شوي مقاييس الارتباط وصار الشب اللي بيتجوز اكبر منو كأنو عم يدفن حالو بالحيا

ونفس الشي للبنت كمـــــان ,,,


انا برأيي اذا الشخص تزوج بأكبـــر منو بفرق شاسع بغض النظر ان كان بنت ولا شب

98% هذا الزواج محكـــوم عليـــه بالفشـــل مسبــــقـاً

بــس اذا ما بدنا نعقـــد الأمـــــور :

[فرق من سنة لخمس سنين ] تكون البنت اكبر من الشب كافي

و [ فرق من سنة لعشر سنين يكون الرجل اكبـر ] بيكفـي

تقبلــي مروري

تحيــــاتــي .... ​

 

[White Pearl]

مامنعرف وين نصيبنا ...بس لجواب

ليش ما ارضى ؟؟؟؟

​

عهد اكيد ما حدا بيعرف وين نصيبه او شو الله كاتبله
بس في ناس بترفض الفكرة بشدة وناس بتتقبلا ببساطة

حبيت اعرف الراي؟؟ وجوابك ليش لاء>>كتير حلو
نورتي بمرورك

 

[White Pearl]

انا مع اياد بكلامو ,,,,, والزواج مو حرام ولا عيــــب ​

بـــــس حاليـــــاً تغيرت شوي مقاييس الارتباط وصار الشب اللي بيتجوز اكبر منو كأنو عم يدفن حالو بالحيا ​

ونفس الشي للبنت كمـــــان ,,, ​

انا برأيي اذا الشخص تزوج بأكبـــر منو بفرق شاسع بغض النظر ان كان بنت ولا شب ​

98% هذا الزواج محكـــوم عليـــه بالفشـــل مسبــــقـاً ​

بــس اذا ما بدنا نعقـــد الأمـــــور :​

[فرق من سنة لخمس سنين ] تكون البنت اكبر من الشب كافي ​

و [ فرق من سنة لعشر سنين يكون الرجل اكبـر ] بيكفـي ​

تقبلــي مروري ​

تحيــــاتــي .... ​

مية اهلا مرورك منور دائما اخ اتاشي
بس السؤال لي الشاب اللي بيتزوج اكبر منه بيدفن حاله بالحيا
ممكن تكون في كتير زيجات من هاد النوع وتكون ناجحة ازا كان في تفاهم ومحبة بغض النظر عن العمر ....

 

[The Don]

مية اهلا مرورك منور دائما اخ اتاشي
بس السؤال لي الشاب اللي بيتزوج اكبر منه بيدفن حاله بالحيا
ممكن تكون في كتير زيجات من هاد النوع وتكون ناجحة ازا كان في تفاهم ومحبة بغض النظر عن العمر ....

له له ,,, لا تزعليني منك انا قلت ونفس الشي للبنت كمــــــــان


وبكل شي ساويت بين البنت والشب ...........

تمعني بالرد منيـــح

دمت بود ....... ​

 

[ندى القلب]

متل ماحكا اخي اياد النا في رسولنا الكريم اسووه حسنه

العمر لايشكل اساس للحكم يل الوعي وحسن الخلق


يعني عادي لو البنت ارتبطت بانسان اصغر منها

بس برايي لحد خمس سنين اقصى شي

هيك بيكبرو مع بعض ومابيحسو بالفرق خصوصا اذا الزوجه انتبهت لنفسها

يسلموو غدوشه لطرح الموضوع:Albilsan (115):​

 

[STELLA]

هاد الشي مو غلط ولا عيب ولا حرام

والرسول عليه أفضل الصلاة والتسلم تزوج انسانة اكبر منو

بس المجتمع الشرقي .. يرفض الفكرة رفضا قاطعا ..

مثلا لو أم بدها تروح تخطب لأبنها .. ولقت البنت اصغر منو بسنتين بتقلك مابدي .. بدولو على أصغر

فمابالك اذا كانت أكبر منو .؟ بتوقع ردت الفعل لح تكون عنيفة

علما أنو العمر مو هو الأساس بنجاح الزواج أو فشلو .. طالما الزواج مبني على التفاهم والمودة فأكيد لح يكون ناجح بإذن الله بغض النظر عن العمر

أنا فكريا بتقبل الفكرة .. لو كنت بعمر انضج وأكبر من هيك .. اما انا وعمري عشرين سنة كيف بدي ارتبط بشب اصغر مني ؟ يعني مراهق مثلا ؟ ما بظن انو بتصير ..

يعني نضوج العمر عامل اساسي حتى نحدد نحنا منقدر نرتبط بشخص اصغر منا او اكبر منا ..

الفكرة مانها محصورة بأني ارضى بالارتباط بشخص اصغر مني فقط .. لازم يكون بهالشخص مقاييس فعلا بتخليه بنظر الجميع مؤهل للزواج والارتباط .. متل ما سبق وقلتلك ما يكون مراهق .

يعطيكي العافية أختي غدوشة

تقبلي مروري و ودي



​

 

[KiNg of Pc]

ياشباب صبايا
والله بدي ئلكم انو هالشي مو غلط ابدا
بس المهم التفاهم فإذا صار تفاهم
لك ليش لحتى غلط والله شو نفع اتجوز وحدة اصغر مني
وما اتفاهم معاها ولا تفهم علييي
بالعكس اذا كان من نفس العمر او اكبر بشوي ليش لاء لأنو بضل من نفس الجيل

يسلموا غدوشه

​

 

[White Pearl]

له له ,,, لا تزعليني منك انا قلت ونفس الشي للبنت كمــــــــان ​

وبكل شي ساويت بين البنت والشب ...........​

تمعني بالرد منيـــح ​

دمت بود ....... ​

تمعنت...
شكرا الك على المرور

 

[White Pearl]

متل ماحكا اخي اياد النا في رسولنا الكريم اسووه حسنه​

العمر لايشكل اساس للحكم يل الوعي وحسن الخلق​

يعني عادي لو البنت ارتبطت بانسان اصغر منها​

بس برايي لحد خمس سنين اقصى شي​

هيك بيكبرو مع بعض ومابيحسو بالفرق خصوصا اذا الزوجه انتبهت لنفسها​

يسلموو غدوشه لطرح الموضوع:albilsan (115):​

الله يسلمك ندى القلب
نورتي بمرورك وردك
بس افرضي كان فرق العمر اكتر من 5 سنين
طيب شو فرقت طالما هيه هيك هيك اكبر منه او هوي اصغر منها ؟؟!

 

[eyad]

بس فعليا هالامر بدو دراسة عميقة يعين اكيد ما حدا رح يعمل هيك الا اذا كان الزواج عن حب وحب كبير جدا
وازا كنا واقعيين
شوي لان المرا بطبيعتها بتكبر اسرع من الرجل ولهيك ازا ما عرفت تحافظ على هالحب هاد رح يتزوج عليها​

 

[eyad]

حتى صدقوني انا بعرف صديق الي متزوج من اكثر من 8 سنوات وزوجته اكبر منه بحوالي 6 سنين
ومو بس هيك اخدها مطلقة يعني ثيب وليست بكر ومع هيك عين الله عليهون
مبسوطين ومكيفين وبينحسدو​

 

[ندى القلب]

الله يسلمك ندى القلب
نورتي بمرورك وردك
بس افرضي كان فرق العمر اكتر من 5 سنين
طيب شو فرقت طالما هيه هيك هيك اكبر منه او هوي اصغر منها ؟؟!

انا براي انو كل مازاد عن خمس سنين رح يصيرو يحسو بالفرق العمري

بينهم مع مرور الايام والاولاد

لكن طبعا متل ماحكا اخي اياد ممكن ببعض الحالات

يعيشو بسعاده لاخر العمر برغم الفارق بينهم

كلوو حسب طريقه تفكيرهم واستقلاليتهم عن المجتمع

وثقافتهم .

:Albilsan (115):​

 

[Cosette]

هلأ يمكن تكون هالشغلة عادية
بس انا بالنسبة الي
بفضل يكون زوجي اكبر مني
على الاقل بين الـ5 والـ7سنين

بس كمان ما بيعرف الانسان وين نصيبو

شكرا عالسؤال الحلو

 

[White Pearl]

هاد الشي مو غلط ولا عيب ولا حرام ​

والرسول عليه أفضل الصلاة والتسلم تزوج انسانة اكبر منو ​

بس المجتمع الشرقي .. يرفض الفكرة رفضا قاطعا .. ​

مثلا لو أم بدها تروح تخطب لأبنها .. ولقت البنت اصغر منو بسنتين بتقلك مابدي .. بدولو على أصغر ​

فمابالك اذا كانت أكبر منو .؟ بتوقع ردت الفعل لح تكون عنيفة​

علما أنو العمر مو هو الأساس بنجاح الزواج أو فشلو .. طالما الزواج مبني على التفاهم والمودة فأكيد لح يكون ناجح بإذن الله بغض النظر عن العمر ​

أنا فكريا بتقبل الفكرة .. لو كنت بعمر انضج وأكبر من هيك .. اما انا وعمري عشرين سنة كيف بدي ارتبط بشب اصغر مني ؟ يعني مراهق مثلا ؟ ما بظن انو بتصير .. ​

يعني نضوج العمر عامل اساسي حتى نحدد نحنا منقدر نرتبط بشخص اصغر منا او اكبر منا .. ​

الفكرة مانها محصورة بأني ارضى بالارتباط بشخص اصغر مني فقط .. لازم يكون بهالشخص مقاييس فعلا بتخليه بنظر الجميع مؤهل للزواج والارتباط .. متل ما سبق وقلتلك ما يكون مراهق .​

يعطيكي العافية أختي غدوشة ​

تقبلي مروري و ودي ​

​

تسلميلي ستيلا
والله ردك رائع و ومنطقي
نورتي الموضوع متل دائما
واكيد نضوج العمر هوي عامل اساسي بهالقصة
نورتي :Albilsan (115):

 

[White Pearl]

ياشباب صبايا ​

والله بدي ئلكم انو هالشي مو غلط ابدا
بس المهم التفاهم فإذا صار تفاهم
لك ليش لحتى غلط والله شو نفع اتجوز وحدة اصغر مني
وما اتفاهم معاها ولا تفهم علييي
بالعكس اذا كان من نفس العمر او اكبر بشوي ليش لاء لأنو بضل من نفس الجيل ​

يسلموا غدوشه
​

الله يسلمك يراب
ومعك حق شو نفع الواحد ياخد وحدة اصغر منه و متفاهم معها
بس في ناس ما بترضى غير هيك
نورت بمرورك

 

[White Pearl]

بس فعليا هالامر بدو دراسة عميقة يعين اكيد ما حدا رح يعمل هيك الا اذا كان الزواج عن حب وحب كبير جدا

وازا كنا واقعيين

شوي لان المرا بطبيعتها بتكبر اسرع من الرجل ولهيك ازا ما عرفت تحافظ على هالحب هاد رح يتزوج عليها​

اي اكيد الامر بده دراسة عميقة وهاد النوع من الارتباط 99 % بيكون عن حب
بس بالنسبة لانه المرا بتكبر اسرع من الرجل
يمكن هالحكي تغير حاليا يعني صارت المرا عم تهتم بحالها اكتر من الرجل بهالايام
وما عم يبين انو هيه اكبر منه
والشطارة هون بانه يحافظو على هاد الحب