المنتدا بعد 10 سنوات..!!!

[shadoo]

هلوووو كيفكم يا حلوووين
إن شاء الله تمام يارب تكونو بخير​

بعد التفكير بموضوع قررت إنو نوقف شوي ونتخيل نعطي مجال لمخنا يشتغل يعني​

تخيلوو معي الكل يسرح بتفكيرو مابدي حدا يضل بأرض الواقع الكل فوق الغيوم​

مو تناموووو​

المهم
تخيلو إنكم إنقطعتو عن المنتدا لمدة عشر سنين كبرتو تخرجتوا تجوزتو وصار عندكم ولاد ومسؤوليات
وفجاة وإنت قاعد تتذكر أيام زمان قلت والله كنت مشترك بمنتدا​

أرض البيلسان​

مابعرف شوصار فيه وشو أخبارو
المهم قررت إنك تفوت على المنتدا
ودور ولطش وتذكر كلمت السر هيك ليمشي الحال وتفوت على المنتدا
وهون الصدمه بتلاقي المنتدا غير شكل
مانك عرفات تسوق فيه
وبدور على صحابك وناسك ويا بتلاقي يا ما بتلاقي
وبتشوف مواضيعك ومشاركاتك وبتفتح ملفك الشخصي لدور على رسائل صحابك وتدور


وهيك ل الله يجمعك بناسك
وتذكرو أياماتكم وهيك يعني
وخلصت الحكايه

إلي بدي أوصلو إنو نحنا هون عيله وحده
لاتخلو المشاكل تفرق بيناتنا
بكرا مابعرف الواحد شو بصير معو ليش تكون ذكرياتنا مو حلوه
خليها تكون بتجنن وتقول والله كنت حب هل المنتدا وهل الأعضاء
وكنت رفيق الكل وتكبر وتطلع وتمضي الأيام وإنت مافي بصفحتك نقطه سوده
الله يسعدكم ويكبر جمعتنا ويجمعنا على خير إذا مو بالدنيا بالجنه إخوان وحبايب

هلأ بدي أعرف شعوركم وإنتو عم تقرأو الموضوع؟
ووين سرحتو؟وبشو فكرتو؟
وكيف رح تكونو؟؟؟
وهاتو لشوف شو عندكم؟؟؟​

وتحياتي ​

 

[قيــ الروح ــثارة]

موضوعك كتير حلو تقبريني وعن جد شي بيخليك هيك تحني للمنتدى من هلئ وللأعضاء طبعا



هلأ بدي أعرف شعوركم وإنتو عم تقرأو الموضوع؟

شعور حب وحنين وشوق من هلئ للمنتدى و الأعضاء

ووين سرحتو؟وبشو فكرتو؟
سرحت بعالم الخيال (متل هنيك شادو )
وكيف رح تكونو؟؟؟
أكيد رح نكون نيو كوبي سنة 2019
وهاتو لشوف شو عندكم؟؟؟

عندي أنو بدي أحكي حتى لو تركت هالمنتدى ما رح أنسى اللي حبيتون حتى لو ختيرت وصار عمري 60 سنة يعني في اعضاء بينحفرو بمخك حفر من شدة اعجابك واحترامك الووون
و في اعضاء قدرو يأثرو بقناعتي انو لسا الدنيا بخير (ع قولة أبو وديع )

ميرسي شادو

​

 

[♥البرنسيسة♥]

أنا حسيت بدقات بقلبي قويه كتيييييييييييير

لأني أنا من الناس الي متعلئه بلبيلسان كتيييييييير

والكل بيعرف مو بسهوله فينو اتركو

ولو تركتو ف ح يكون الو حنين بقلبي كبير كتير

والله لايجيب هاد اليوم

يسلمن​

 

[بيري 2009]

لو ضليت بلبيلسان ومانطردت ل 10 سنين .. وقتها رح يكون شعوري قدر كبير من الفضول


شكرا

 

[shadoo]

ياهلا فيكن جميعا


فتون مرسي كتير حياتي إلك وعلا ردك الأروع


أموووول الله لايحرم المنتدا منك وأنا على الرغم من إني جديده بس والله حبيتك
وباين معزتك لهل المنتدا إلي منور بوجودك



N£M£я نورت خيو وإن شاء الله مابتقلع
​

 

[روح الشام]

اكيد مابقدر اترك البيلسان

والله وانتي عم تحكي هالحكي اعدت اتصور

اكيد يمكن لاقي اعضاء غير االأعضاء وماحدا بعرفو

انا غبت عن منتدى شهر اجيت مالقيت حدا

يعني شعور حزين اذا صار هيك

يسلمو ايديكي

 

[Cosette]

يعني طبعا ما رح نترك البيلسان
بس ما بنعرف شو بيصير
بس طبعا البيلسان صار شئفة مني
يعني شعور لا يوصف اذا رجعلتو
ولقيت بعدون الناس نفسون فيه
ذكرياااااااااااااااااااااات
:10::10::10:
ما بيكفي انو طلعت مواهبي الشعرية هون

 

[shadoo]

شكرا كتير على مروركم نورتو والله
روح إن شاء الله مابتشوفي زعل يارب ومابتحزني

لولو الله لايقدر وتتركي هل المنتدا يارب وتعيشي وتكتبي كلام روعه

​

 

[مختار]

مستحيل اتركو
ئلا وقت روح عالجيش
هدول يمكن بيكونو بمثابة 10 سنين
متل هلئ ابو الريم
رح يروح وقلبو عنا
انشالله يروح ويرجعلنا بالسلامة
كتير موضوع حلو شادو
وانشالله مابنترك بعض
طول العمر
​

 

[shadoo]

ياهلا أبو الشود نورت والله وإن شاء الله كل العساكر بروحو وبرجعو بالسلامه
وبنورو هل المنتدا والله لايبعد حدا عن هل المنتدا الرائع​

 

[Senior Anas]

ما بدي اترككن





​

 

[galal2]

يحصل اكيد

لكن سيبقى تواصلنا مع من نحب على الخاص في حالة الانقطاع عن المنتدى لفترة طويلة
ولو حصل
وهو ممكن
ما عاد بايكون للمنتدى ذلك الطعم
لان المنتدى بشر واحاسيس وتفاعل
وليس مجرد موقع الكتروني ويا مكثرها

مع الشكر والتحية