ثقافة ينبااااااع بالعزا .. آخر موضة ..

[نُـور]

مو كتير صايرين عم نستخدم هي الكلمة بحياتنا ؟؟؟
منشوف حدا مكتئب ومقهور مامنعرف شو صاير معو منقول: ينباااع بالعزا ،
الله لايردو اللي فينا مكفينا !!!
منشوف ستّ بالباص واقفة بتسمع اللي قاعدين عم يقولوا ليللي استنكر : تنباااااع بالعزا
والله مالي قايم لستي إذا بتطلع ع الواقف!
بينطق لرفيقنا بالشغل برغي ، بتحاول تحشدلو أنصار كمان بيقلك رفيقو اللي كتير
يعني رفيقو : ينباااااااع بالعزا ، والله مالي فايت بهالقصة وموجع راسي
أخي اللي من إيدو الله يزيدو ..
وهيك منسمعها بالنهار شي ألف مرة
هلأ بالليل نحن وعم نحضر الأخبار ونشوف إسرائيل نازلة بالفلسطينين قصف
وتهويل وتجويع وإذلال وشي بيبكي القلب
إلا ما يطلعلك حدا يقول: ينبااااااعوا بالعزا ، شو أنا أفهم من الله اللي خلقهن؟؟
شو صايرلنا ؟ ليش هيك ما بقى حدا بيطلع بحدا بعين الرفق؟
وين راحت الإنسانية ؟ ليش صار التعاطف مع الناس قلة عقل ومضيعة وقت؟؟
صار لازم ننتبه لنفوسنا .. كتير عم نتغير نحن !!! صح ؟؟؟​

 

[فرآشة الياسمين]

صح والله عم يتغيروا هالبشر بس انا ما بتغير

 

[بلسم الشام]

عن أنس بن مالك رضي الله عنه عن النبي صلى الله عليه وسلم قال:
لا يؤمن أحدكم حتى يحب لأخيه ما يحب لنفسه

يكفينا قوله صلى الله عليه وسلم لنعتبر
​

 

[Cosette]

مو بكل الأوقات بستعمل هالكلمة

بس جد في ناس بنكون بنعرفن
عملو شي أذانا
وهني بمشكلة او موقف معين
اي طبيعي ينباعو بالعزا
عمرينن

 

[نُـور]

صح والله عم يتغيروا هالبشر بس انا ما بتغير

نورتي الله لا يغيرك ولا يغيرنا


​

 

[نُـور]

عن أنس بن مالك رضي الله عنه عن النبي صلى الله عليه وسلم قال:
لا يؤمن أحدكم حتى يحب لأخيه ما يحب لنفسه

يكفينا قوله صلى الله عليه وسلم لنعتبر
​

بالفعل بكفينا قول الرسول عليه الصلاة والسلام الله يهدينا يارب
شكرا لمرورك
​

 

[btoul]

عم بتدور الدنيا بهالبشر
ونحنا عم ندور معا انا عن نفسي
رفيقة رفيقي ومو رفيقي حتى
يعني بفزع للغريب قبل القريب
اما الناس التانين اوقات بعذرون
افقن محدود وثقافة السلبية
صايرة مووووضة​