رحله الى حيث كانت طفولتكم ؟؟

[♥البرنسيسة♥]

[ الطفولة ]​

\​

:​

أحلى مافي هالحياه .. مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني​

[ بسمه فينا ترتسم ]​

​

رحلة إلى تلك الأيآم ..​

حيث البراءة ...الطهارة ... العفوية ... الحب الخالص ... والعواطف النقية...​

هنآك فقط .. حيث الطفولة .. ،​

㋡ رحلة الى حيث كانت طفولتكم ㋡ ​

دعونا نتعرف على جانب جميل عشناه جميعنا وتمنينآ عودته جميعا ً​

!​

[ المحطه الاولى ]​

اوصف طفولتك بجملة واحدة ؟​

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟​

​

​

ياريت الكل يجاوب :10::10:​

​

 

[Bilal Mohammad]

ميرسي امولتي موضوع كتيير حلو :10:

راجع شوي بس
​

 

[♥البرنسيسة♥]

المحطه الاولى ]


اوصف طفولتك بجملة واحدة ؟

احلى مرحله بحياتي حلوه بكل معنى الكلمه

[ المحطة الثانية ]



ما هو اجمل موقف او اجمل ذكرى تتذكرها من طفولتك ؟

كنت صغيره عمري سبع سنين ​

وكنت مدلله كتير عند اهلي ف كان عندي باربي اول ماطلعو الباربيات

ومبسوطه فيا كتير ف تخانئت مع اخي اكبر مني بسنه

وكسرلي ياها انا كتير زعلت وانئهرت ونمت وانا عم ابكي

فئت الصبح لقيت بابا شاريلي وحده وحاططلي ياها حد مخدتي

انو بس فيئ شوفا عن جد كتير بيأثر فيني هالموقف وبحبو :10:

[ المحطة الثالثة ]



ما هو أصعب أو أحزن موقف مر عليك في طفولتك ؟

هاد الموقف زعلت في كتير بتذكر

انو ماما كانت رايحه على عرس وانا لبست فستاني وكل شي :10:

ورحت معاها قام طلع ممنوع اصطحاب الاطفال

ورجعت مع ابي بس كتير كتير بكيت

ولهلأ العرس حرئه بقلبي وانن كيف كسرو بخاطري

[ المحطة الرابعة ]



ما هي أجمل هدية تلقيتها في طفولتك ولم تنساها لليوم ؟

كانت هديه من رفيئ اخي

لعبة مطبخ بس كتير كتير غريبه

الصحون الي فيا صغار كتير كتير والمعالق والشوك بيجننوقد النتفه :10:

يعني الصحن دوبك تحط فيه نقطة مي

بحبا كتير هاللعبه لهلا عندي ياها :10::10:

[ المحطة الخامسة ]



هل هناك انسان معين كرهته في طفولتك .. ولماذا ؟

كرهت خالي ولهلا بكرهو

عمل موقف بكرهو كتير ومابحب اتذكرو :80:

[ المحطة السادسة ]



ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

مره اكلت كف من بابا

كان كتير صعب علي لانو بحياتي مانضربت

والسبب (عرف اني عم احكي مع واحد )

[ المحطه السآبعـه ]



هل كنت غيور بطفولتك من اخوانك وتحس فيه تمييز بينك وبينهم ؟

لا ابدا الحمدالله ماكان في تميز بنوب ​

اهلي بيميزو الكل :10:

[ المحطة الثآمنه ]



ما هي اكثر وافضل لعبة كنت تلعبها و أنت صغير ؟

كنت العب جاره وجاره :10:​

وكمان لعبة موظف المطار

انو انا الموظف والعالم بيجو ليسافرو ولازم وقعلن وهيك قصص:10::10:

[ المحطة التاسعة ]



هل ستربي اولادك بنفس الطريقة التي تربيت بها في طفولتك؟

اي انشالله وعم بربين بدلال اكتر

​

 

[lilo]

اوصف طفولتك بجملة واحدة ؟​

​

الطفولة هيي انك تسمع صوت سيارة البوظة وتركد بسرعة لتجيب مصاري من الماما لتشتري ​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟
أجمل ذكرى لما كنت انا وبنت عمي يلي بجيلي نمسك سماعة التلفون وندق على ارقام نحنا ما بنعرفون ونصير نغني ونقول ماما بتحكي ماما تعي عالبيت انا خايفة ونحنا فكرنا انو أي رقم منجقوا بترد ماما :19::19::19::19::19:
يا الله ​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟
لما مات جدي وانا عمري 5 سنين وما شفتوا الا قبل ما يروح على المستشفى بساعة بستوا وحضنتوا وقلتلوا اني رح زورك جدو
الله يرحموا ..​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟
بيت للعبة الباربي كبببببببببببببببببير هالقد وكنت اتقاتل انا واخواتي علي قوم انا قلوون هاد ابي جبلي اياه هدية عيد ميلادي بس ييجي دورك بتاخدي هدية
:19::19::19::19:​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟
اي ابن خالي لأنو كان دايما يشدلي شعري...(ولحد هلق مجنني مع انو أكبر مني بسنتين )
:19::19::19::19::19:​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟
ابي ضربني كف ...
لأني كبيت كاسة المي على قميصو يلي امي كوتلو ااياه لأنو كان بدو يطلع على عرس صديقو
​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟
احيانا ..لما شوف اختي عم تحضن امي وامي تبوسا وتقلا يا حبيبتي يا قلبي
قوم انا طق وقول بعقلي يعني بتحبا وأنا لأ
:19::19::19::19::19::19:​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟
كنت العب انا وأخواتي بيت بيوت كنا نعمل غرفتنا الي ما بيوسع فيا طاولة ...نعملا غرفة ضيوف وحمام ومطبخ وكل شي
وانا كون البيبي واختي الكبيرة الأم وما في ابو لأنو ماي اخوات كبار :19::19::19::19::19:
​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟
اي رح ربيون متل ما ربتني امي ورباني ابي ..... ليطلعو متل امون حلوييييين
​

​

لك موضوعك بجنن يا امول دايما بتفاجئينا بمواضيعك الرائعة
يعطيكي ألف ألف عااااااااافية ​

 

[آلبتول]

[ الطفولة ]​

\​

:​

أحلى مافي هالحياه .. مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني​

[ بسمه فينا ترتسم ]​

​

رحلة إلى تلك الأيآم ..​

حيث البراءة ...الطهارة ... العفوية ... الحب الخالص ... والعواطف النقية...​

هنآك فقط .. حيث الطفولة .. ،​

㋡ رحلة الى حيث كانت طفولتكم ㋡ ​

دعونا نتعرف على جانب جميل عشناه جميعنا وتمنينآ عودته جميعا ً​

!​

[ المحطه الاولى ]​

اوصف طفولتك بجملة واحدة ؟​

كنت وحيدة
​

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟​

لمى شاركت بالاذاعة
​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟​

لمى اتنقلت على مدرسة جديدة وتركت فيها صحباتي
​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟​

​

ممممممممم ما فيه
​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟​

ايه استاذة كانت بدرسني:80:
لانها كانت تعمل عنصريه بين البنات
​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟​

.............
​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟​

لا لاني انا البكر وما كان عندي اخوات
​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟​

:19:لعبة العروسة او البيت وانا دائماً كان بحطوني انو كون الام:80:
:19::19:​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟​

لا طبعاً
​

​

​

ياريت الكل يجاوب :10::10:​

يسلموووو يا احلى نجمة بالكون
موضوع رائع
وبتجنن مثلك :10:
​

 

[♥البرنسيسة♥]

منورين ليلو وصمت

ليلو طفولتك غير شكل والله

فطوم انشالله بتجيبو ولاد وبتربين متل مابدك ​

 

[دلوعه وكلمتي مسموعه]

[ المحطه الاولى ]​

اوصف طفولتك بجملة واحدة ؟

طفولتي بتجنن لهلا بعدني عم عيشا :10:​

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟
اخي كان ياخدني يشتريلي اكلات طيبه
ويدخن هنيك
كل ما بدو يدخن يقلي امشي ع الدكان
صرت مرة ع مرة قلو خالد امشي ع الدخان


​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟
مرة ضعت بملاهي الخيمه
وضليت ابكي ابكي لحتى اجو اخدوني
​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟
ماما مرة كانت بدها تسافر ع الشام وتتركني مع اخواتي
طبعا انا كتير بكيت وما كنت ارضا لانو كتير متعلئه فيها
فوعدتني انو تشتريلي دبدوب اكبر من وما اقدر احملو
وفعلا جابتلي ياه لونو زهري لهلا عندي ومارح فرط فيه
بدي طالعو بجهازي :10:​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟
لا الحمد الله مافي حدا ​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

بابا بحياتو ما ضربني
بس ماما مرة ضربتني ع ايدي لاني شغلت الشوفاج بالصيف
كتير حزت بنفسي لانو كنت صغيرة وماكنت اعرف ليش ضربتني
بعد شي تلات اربع سنين لعرفت
​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟

لا ابدا اهلي ما بميزو حدا عن حدا
يعني كل وحده الها وضع بالبيت غير عن التانيه​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟

كنت دائما جيب اشرطه واعد سجل صوتي
وجمع الولاد واعمل معهون لقائات
وطول الوئت غني واشتري مكريفونات لهلا فيمني هالسوسه تبع المكرفونات بس ع الخفيف هلا ​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟

نشالله اكيد الله يادرني انو ربيهن وعيشن عيشه متل مو انا عايشه ​

​

​

ياريت الكل يجاوب :10::10:​

يسلمووو اموووووووووول ​

 

[دلوعه وكلمتي مسموعه]

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟​

مره اكلت كف من بابا ​

كان كتير صعب علي لانو بحياتي مانضربت ​

والسبب (عرف اني عم احكي مع واحد )​

​

​

شو مشانك :19:​

 

[♥البرنسيسة♥]

اي كان وقتا عمري 12 سنه

ابن الجيران شو بعمل طيب :19::19:​

 

[STELLA]

​

​

[ المحطه الاولى ]​

اوصف طفولتك بجملة واحدة ؟

المرحلة الي ما كنت حب أني أكبر فيها ​

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟

دفاتر التلوين الي كان يجبلي أياها اخي .. والصور الي منلزقها ع الدفاتر ​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟
لما رجعوا أخواتي من السفر وفرحت فيون كتير .. بس وئت سافروا .. راحوا بدون ما يودعوني .. كنت نايمة وقتها بوسوني وراحوا​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟
تعليقة دهب أخدتها بالمدرسة .. لأني متفوقة ... ودبدوب جابتلي اياه ماما لهلئ محتفظة فيه بيطالع موسيقى :10::10:​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟
من موقف صار كرهت خالة ماما .. بس بعدين رجعت عادي​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

مره كان عمري ست سنين .. وكانوا اهلي مسجليني بالروضة .. وأنا ما حبيت الروضة ..وكل يوم ماما تئعد تترجى فيني ئومي روحي ئومي روحي .. وانا اعملها مناحه .. بالاخيربعد ما صبرها نفذ وصبرت عليي أكتر من شهر ئامت طجتني ئتلة ع ئد ما عصبتها يا حرام ​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟​

أبدا ما كنت حس بغيرة .. لأنو كنت اخر العنقود ومدلله :10:​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟

بيع ومشترى
الفكرة من هي اللعبة أنو منكون كزا شخص .. منطالع الألعاب ومنتقاسمون .. ومنقطع ورق ومنكتب عليه ومنعملو مصاري ع اساس .. وكل واحد بياخد ئرنة بالصالون وبيفتح عليها بسطة وبصير يبيع:19::19: ...بحب التجارة من أنا وصغيرة :10:كنت ألعابها مع ولاد عمي الصبيان ​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟
لوقت ولادي فرج ورحمه .. بس ممكن أتبع بعض الأساليب .. لأنو العصر كل مالو على تطور .. ويمكن أساليب أمي وأبي ما تمشي مع الجيل الجاية ​

​

​

يسلمون امولة العسل ع هالموضوع الي رجعني كم سنة لورى ... ختيارة انا لانو :19::19:​

 

[جمانة]

[ المحطه الاولى ]

اوصف طفولتك بجملة واحدة ؟

​

طفولة بتجنن :10:


[ المحطة الثانية ]

ما هو اجمل موقف او اجمل ذكرى تتذكرها من طفولتك ؟


لما كنا نخلي اخي يلعب معنا بالباربي
كان نهفة
و كان كتير يندمج معنا باللعب
على شرط انو بس نخلص لعب بالباربي نلعب معو مصارعة
:19::19::19:


[ المحطة الثالثة ]

ما هو أصعب أو أحزن موقف مر عليك في طفولتك ؟


ما في مواقف حزينة
بس بتزكر مرة ضعت بالجنينة
وقتها يلي كنت بعرفو انو انا عايشة بالبحرين
بس من وين و شو هي البحرين و شو هي ايران الله اعلم
المهم ضعت بالجنينة
قام لقاني واحد
قلي وين ابوكي
قلتلو بالبحرين
قلي وين امك قلتلو بالبحرين كمان
قلي طيب وين بيتكون
قلتلو بالبحرين
قلي طيب كيف رح نلاقي اهلك
قلتلو اوقات نحنا منروح ايران
:19::19::19:
شكلو الزلمة قال شبها هالبنت مجنون

بعدين شفت بابا من بعيد وركضت لعندو
:19::19::19:


[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

​

بيت باربي


[ المحطة الخامسة ]

هل هناك انسان معين كرهته في طفولتك .. ولماذا ؟

كنت بكره ابن خالتي لانو كان يضربني :80:


[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

:80::80::80:
مرة وحدة بس
اختي يلي اكبر مني كانت دايما تضربني
عاد انا مليت من هالشي
وكان عندي شي حديد ما بتزكر شو كان
قمت ضربتا ع راسا
و سالت الدماء منه



ولي بعدها اكلت ئتلة مرتبة

:80::80:



[ المحطه السآبعـه ]

هل كنت غيور بطفولتك من اخوانك وتحس فيه تمييز بينك وبينهم ؟

لا لاني الصغيرة
هنن بيغارو مني:19:


[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

باربي :10:


[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

اي ليش لا

يسلمو امولتي :10:
​

 

[سعد قيس]

ألي رجعة قريبا ​

 

[أميرة كل النجمات]

دعونا نتعرف على جانب جميل عشناه جميعنا وتمنينآ عودته جميعا ً
يلااااااااااااااااااااااا​

!​

[ المحطه الاولى ]​

اوصف طفولتك بجملة واحدة ؟​

حب الحياة

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟
اشياء كتييييير
وكلهن حلوين بتذكر وقت العبت بثلج
كانت اخر مره وكيف صرت اضرب الكل بثلج
وبتذكر وقت كنت اعمل حالي كبيره وفوت على مطبخ
وقت كنت كتيييير غنوجه وبكلمه كنت ازعل وارضا وخجوله
كتييير :10:وقت حلاقه شعراتو لابن عمي
يا الله اشياء كتيييير حلوي
ومالح انساها ​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟
الحمد لله طفولتي كانت حلوى ومافي شي اثر عليها
بس وفاة ستي اصعب موقف كان ​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟
مممممم مابتذكر لانو كان يجيني كتييير
وتدللت كتييير فا مابتذكر بزبط بس
كلهن حلوين ومالح انساهن لانو بعدهن
عندي​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟
مممم لا مافي لانو الكل كان حبابين معي :10:​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟
:19::19::19::19:
لانو كنت عم العب بالئداحه وحرقت التخت
ولهلئ ما بنساها اخي اكل اتله وانا بس كانت تبعي خفيفه​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم ؟
لا لا الحمد لله كنت اكبر وحده واخدت الدلال كلو بس هلئ هنن
الي بغارو مني لاني انا الي ميزه بينهن :10::10:​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟
ممممم مافي شي محدد​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟
اي اكيد لانو كانت طفولهما ابتنتسى ومميزه
كتييير ​

​

​

ياريت الكل يجاوب :10::10:​

[/quote]
يسلمووووووووو دياتك

 

[§ أبو المر §]

أحلى المحطات يعطيكي ألف عافية أمووول روعة

 

[shadoo]

[
㋡ رحلة الى حيث كانت طفولتكم ㋡ ​

دعونا نتعرف على جانب جميل عشناه جميعنا وتمنينآ عودته جميعا ً​

!​

[ المحطه الاولى ]​

اوصف طفولتك بجملة واحدة ؟

أحلا شي بحياتي وياريت ترجع​

​

​

[ المحطة الثانية ]​

ما هو اجمل موقف او اجمل ذكرى تتذكرها من طفولتك ؟

لما تعلمت السباحه بالبحر
كان أبي ماسك إدي أنا عم بتعلم وصارع
كان عمري شي 6 سنين
ولازق بعقلي هل المنظر لهلأ​

​

​

[ المحطة الثالثة ]​

ما هو أصعب أو أحزن موقف مر عليك في طفولتك ؟


مره كنا شارين أواعي العيد
وقامت إختي يلي أكبر مني مباشره
قال بدا تقيس بوتي واقمت قطعتو
وأنا لسه ماتهنيت عليه
​

​

​

[ المحطة الرابعة ]​

ما هي أجمل هدية تلقيتها في طفولتك ولم تنساها لليوم ؟

لعبة ميني ماوس
جبلي ياها أبي لما نجحت بالصف ال3
كبيره كتير ولهلأ عندي
مابنام إلا لما يكون جنبي:10:​

​

​

[ المحطة الخامسة ]​

هل هناك انسان معين كرهته في طفولتك .. ولماذا ؟

إيه ولهلأ بنت خالتي
كتير كانت تعمل في مقالب
ولهلأ مابطيقها والله:80:​

​

​

[ المحطة السادسة ]​

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟


مره أكلت قتله مرتبه
كنت مخربشه وكاتبه ع الحيط
كنت بالصف 4
وإمي تسئل مين كاتب ع الحيط؟؟
وأنا قول مو أنا
وأكلت قتله مو منشان الكتابه
من شان الكذب
وبعدها حرمت كذب بحايتي
تربيت يعني
​

​

​

[ المحطه السآبعـه ]​

هل كنت غيور بطفولتك من اخوانك وتحس فيه تمييز بينك وبينهم
؟

نهائيا ما كنت غار
لأني أنا دلوعت البيت
يعني بغارو مني مو أنا يلي بغار
مع إني الوسطانيه بس جيت بعد 6 سنين
بيني وبين يلي قبلي وضليت لهلأ
ع دلال ودلع​

​

​

[ المحطة الثآمنه ]​

ما هي اكثر وافضل لعبة كنت تلعبها و أنت صغير ؟

لعبت الحجله
دائما كنت ألعبها مع بنات الحاره​

​

​

[ المحطة التاسعة ]​

هل ستربي اولادك بنفس الطريقة التي تربيت بها في طفولتك؟

رح حاول قدر الإمكان
لأنو بصراحه أفضل تربايه بشوفها
تربايت إمي
ماخلت شي ماعملتو معنا
وياريت إقدر كون متلا
وبوجهلها احلا بوسه موووووووواه​

​

​

ياريت الكل يجاوب :10::10:​

أمول دائما مبدعه
تئبشي ألبي رجعتيني لطفولتي
وتذكرت كتير شغلات
​

 

[ღRosa Blancaღ]

[ المحطه الاولى ]



اوصف طفولتك بجملة واحدة ؟

احلى ايام حياتي وابرأها :10:

[ المحطة الثانية ]



ما هو اجمل موقف او اجمل ذكرى تتذكرها من طفولتك ؟

لما كانو يطلعوني بالمدرسة عالمنصة وقدام المدرسة كلا ويقلولي قولينا شي شعر يا شاعرة المستقبل:10::10:

[ المحطة الثالثة ]



ما هو أصعب أو أحزن موقف مر عليك في طفولتك ؟

الحمدلله مافي

[ المحطة الرابعة ]



ما هي أجمل هدية تلقيتها في طفولتك ولم تنساها لليوم ؟


طوق دهب من مامي يوم عيد ميلادي

[ المحطة الخامسة ]



هل هناك انسان معين كرهته في طفولتك .. ولماذا ؟
اي مرت خالي ما بحبا لهلا

لانها ما بتحب حدا وقوية :80:

[ المحطة السادسة ]



ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟


كان عمري شي 8 سنين
جائرت امي وهي معصبة قامت ضربتني

[ المحطه السآبعـه ]



هل كنت غيور بطفولتك من اخوانك وتحس فيه تمييز بينك وبينهم ؟

لاء الحمدلله كنت وما زلت مدللة الكل من جدي وستي للاخواتي:10::10::10:

[ المحطة الثآمنه ]



ما هي اكثر وافضل لعبة كنت تلعبها و أنت صغير ؟

كتير لعبات منون كنا نلعب انو انا عاساس دكتورة وبداوي رفقاتي

وكنت حب الطميمة ودقة عيش:19::19:

عفريتة لاني

[ المحطة التاسعة ]



هل ستربي اولادك بنفس الطريقة التي تربيت بها في طفولتك؟

اي انشالله انا كتير انبسطت بطفولتي وما انحرمت شي منها الحمدلله ورح عيش ولادي بنفس الحرية اللي اخدتا

بس طبعا في شوية اغلاط اكيد ما رح عيدا

يسلمون امل حلو موضوعك ​