شبه بيتزا بالتوست .... اختراعي

[اميرة الشام]

مرحبااااااااااااااااااااا شباب و صبايا بما انو اليوم امي ما

عملت غدا قال مو لازم تتغدوا و طلعت لأنو عندها شغل

و طبعا اخواني وحوش كاسرة ما بيتحملوا الجوع فا

نزلت عالسوبر ماركت و اشتريت اغراض على الاساس

رح اعمل بيتزا بس طبعا طلعت شبه بيتزا ه

و انا ما بعرف اعملها بالعجينة فا عملتها بالتوست

المهم هي هيا المكونات :

توست

نقانق

فلفل اخضر

مايونيز

صلصة بيتزا

زيتون مقطع شرايح

جبنة موزريلا

اول شي صفيت التوست بالصينية

و بعدين حطيت شوية مايونيز على كل قطعة

و بعدين حطيت الصلصة

و بعدها النقانق و الزيتون و الفلفل

و أخر شي حطيت الجبنة

و هي صورة شبه بيتزا قبل ما حطها بالفرن

و هي بعد ما طلعت سليمة من غير تشوهات

ست بيت ما شاء الله علي ​

 

[RoOoR]

اي ما شاء الله عليكي

ست بيت و مافي منك

بس فكرة خطييييييييييييييرة و سريعة

 

[عكــ البيلسان ــيد]

عن جد ماشا الله عليكِ

يعني طلعو من الفرن ئبل ما يصيرو فحمة

نيالو صاحب النصيب

 

[اميرة الشام]

اي ما شاء الله عليكي

ست بيت و مافي منك

بس فكرة خطييييييييييييييرة و سريعة

انتي الخطيرة عنوني

نورتي يا قلبي

 

[اميرة الشام]

عن جد ماشا الله عليكِ

يعني طلعو من الفرن ئبل ما يصيرو فحمة

نيالو صاحب النصيب

اي و الله يا عبد الحمدلله من غير تشوهات

اي الله بيعينو إلي ياخدني

قصدي نيالوووو طبعا

نورت عكيد

 

[ღRosa Blancaღ]

والله انا البيتزا كيف ماكانت بحبا
شهيتيني والجبنة سايخة وليييي
يسلمو ايديكي حبيتبي
بس سؤال صارلن شي اخواتك بعد ما اكلوها

 

[ČốηťĕṨṩก]

ولييييييييييييييييي

بحب الاختراعات انا

بس شكلا طيبة


يعطيكي العافية اموررتي

 

[اميرة الشام]

والله انا البيتزا كيف ماكانت بحبا
شهيتيني والجبنة سايخة وليييي
يسلمو ايديكي حبيتبي
بس سؤال صارلن شي اخواتك بعد ما اكلوها

الله يسلمك

لا و الله للأسف ما صارلن شي

قصدي الحمدلله انو ما صارلن شي

نورتي عنوني

 

[اميرة الشام]

ولييييييييييييييييي

بحب الاختراعات انا

بس شكلا طيبة


يعطيكي العافية اموررتي

الله يعافيكي خوخة

 

[أمورة سوريا]

اووووووه شو طيبة هية صح شبه بيتزابس باين عليها بتشهييييييي
يسلم هالايدين الطباخة الماهرة

​

 

[Faby]

العنوان بحد ذاتو نهفة شبه البيتزا
بس بالفعل بتشهي
يعيشو يا اميرة

 

[{*B*A*T*M*A*N*}]

مافي قطعة الي

​

 

[اميرة الشام]

اووووووه شو طيبة هية صح شبه بيتزابس باين عليها بتشهييييييي
يسلم هالايدين الطباخة الماهرة

​

الله يسلمك

نورتي صبصوووب

 

[اميرة الشام]

العنوان بحد ذاتو نهفة شبه البيتزا
بس بالفعل بتشهي
يعيشو يا اميرة

هه طلعت حلوة يعني ماشي الحال هي هيا البداية شوي شوي بتعلم

نورتي فابي

 

[اميرة الشام]

مافي قطعة الي

​

اييييييييييي لك كل القطع إلك عبودة

نورت يا غالي

 

[نور السما]

تسلم ايدك
​

 

[اميرة الشام]

الله يسلمك نورتي يا عسل ​

 

[اميرةالنجمات]

طريئة سهلة وانا شخصيا كتير بعملاها هيك
بس بشيل حواف التوست
يسلمو امورة ماننحرم مواضيعك واختراعاتك

 

[اميرة الشام]

الله يسلمك

نورتي ​

 

[JuSt RaMoOTa]

كل كل كل القطع الي...
مافي لا انتي ولا اخواتك يصطفلو


يسلمو دياتك يا رب

​