صدق أولا تصدق ..سيحدث في سورية

[عشتار]

​

" أجهزة كمبيوتر محمولة بالتقسيط للمعلمين لتحل محل دفتر التحضير"

هذا ما ستسعى إليه وزارة التربية ..

" في حال " تم إيجاد طريقة مناسبة للقروض والتقسيط مع المصارف المالية

و يبدو أن هذه الطريقة معقدة !!..مما أجّل الإعلان عن ذلك العام الدراسي الحالي

كما تحاول الوزارة تخفيف عبء ثقل الحقيبة المدرسية على الطالب عن طريق الآلية التالية :

يقوم الطالب بسحب الوحدة الدراسية الخاصة - بالعربي الحصة - باليوم التالي من الكتاب المقرر

من موقع الانترنت

الذي سيتضمن المقررات المطلوبة ويضعها داخل مصنف يحمله في اليوم التالي إلى المدرسة

طبعاً إن كان ذلك لا يشتت تركيز الطالب بين الأوراق " الحديث للوزارة "


سؤال صغير في الختام ..

هل ينسجم الحديث مع الصورة .. أم تشاركوني الرأي بأن لكل منها كوكب


​

 

[Gabriel]

والله يا صديقتي
الوزارة بالمريخ والتدريس والطلاب على الارض
يعني هي الصورة بنظري احسن الموجود يوجد ما هو اسوء بكثير
من سوء خدمات والزحمة الي بالصفوف
بس تعرفي اذا عمولها هالشغلة المعلم راح يصير شاطر بلعبة السولتير
او التريكس او الطرنيب على الكمبيوتر المحمول



​

 

[دموع الورد]

تدريس اخر زمن
​

 

[عكــ البيلسان ــيد]

خير اللهم اجعله خير
ما حدا بيعرف الدنيا واحوالها
كل شي ممكن يصير ...
هو للصراحة في بسورية عالم كتير تفكر وتحط نظريات وفرضيات
وافكار نيرة
بس في عنا قحل بالعالم المنفذة
مدري مقحولة غصب عنها
لك يعني من وئت اللي كان جيلنا
جيل التمانينات عم يدرس ابتداائي
ولحد هلأ لما شفت هالصورة
الله وكيلكن ما اتغير شي
غير لون الصدرية
اللي كنا نلبسها ​

بكل الاحوال
ما منحكي غير الله يئدم اللي فيه الخير
​

وخضرا يابلادي خضرا ​

 

[احلى دنيا]

انو بس ما حددو باي سنه ممكن يصير هالشي

 

[عهد القمر]

هنن خليون يغيرولون الطاولات بعدين يفكروا بالكمبيوترات

​

 

[The Hero]

انا بفضل التدريس بسوريا عن باقي البلدان العربية وخصوصا بعد تغير كامل المنهاج لكافة المراحل


​

 

[- ]Safee[ -]

انا بفضل التدريس بسوريا عن باقي البلدان العربية وخصوصا بعد تغير كامل المنهاج لكافة المراحل


​

و انا كمان خصوصي ان التعليم عنا مجاني بالكامل

و مشان الكمبيوتر المحمول بظن تتنفد الخطة بعد شي عشر سنين بالأليلة​

 

[عشتار]

شكرا ً لكل من علّق ..

وسأضيف تعليقا ً أعجبني حول الموضوع .. يقول أحدهم :

" لان مو ناقصن غير لابتوب ؟؟ "
اعتقد بانهم اما سيبيعونه ليستفيدوا من ثمنه!!
او سيتسخدمونه "تسميكة" لدفتر التحضير ..؟؟!!

ما بعرف ليش عم تخطر على بالي كتير ماري انطوانيت بهل الايام ؟؟!


وماري انطوانيت هي الملكة التي أخبروها عندما سألت عن سبب المظاهرات بأن الشعب ليس لديه خبز ..فقالت :


فليأكل البسكويت !!
​

 

[Black Hawk]

​

هو للصراحة في بسورية عالم كتير تفكر وتحط نظريات وفرضيات
وافكار نيرة
بس في عنا قحل بالعالم المنفذة
مدري مقحولة غصب عنها

والله يا عكيدنا المشكلة الاكبر تكمن في هؤلاء المخططين واصحاب النظريات الفذة

لانو بكل تأكيد اقتراحاتهم وخططهم للتطوير لا تستطيع امامها الا ان تجزم ان الدراسة كانت لبلد اوربي او على بشر من غير الذين نعرفهم في واقعنا

وأغلب الظن انو الاقتراحات ( كوبي ,, بيست ) من شي موقع لوزارة اوربية او احدى دول العالم الاول


​

 

[عكــ البيلسان ــيد]

والله يا عكيدنا المشكلة الاكبر تكمن في هؤلاء المخططين واصحاب النظريات الفذة

لانو بكل تأكيد اقتراحاتهم وخططهم للتطوير لا تستطيع امامها الا ان تجزم ان الدراسة كانت لبلد اوربي او على بشر من غير الذين نعرفهم في واقعنا

وأغلب الظن انو الاقتراحات ( كوبي ,, بيست ) من شي موقع لوزارة اوربية او احدى دول العالم الاول


​

هنا يكمن مربط الفرس أبا لؤي
يعني ما شين على مبدأ
شو بيعملوا نحنا منعمل
واللي عم يطبخوه
عم ناكل منه
مهما كانت المكونات
​

 

[RaNoSh]

بس على فكرة كتير لذيذين الطلاب

الله يحميهن ​

 

[Pure Feelings]

اي شبكن ياجماعة

شوي شوي بتصير

يعني اذا نفذوها بيكون شي كتير متطور

بالنسبة للتعليم بسوريا

صارت هيي اكيد رح بيصير شي احسن

ف ان شالله خير

يسلمن

 

[ضجيج الصمت]

كما تحاول الوزارة تخفيف عبء ثقل الحقيبة المدرسية على الطالب عن طريق الآلية التالية :

يقوم الطالب بسحب الوحدة الدراسية الخاصة - بالعربي الحصة - باليوم التالي من الكتاب المقرر

من موقع الانترنت

مين أنترنت؟ هاد أخو الطباعة ما؟

ليش صار في أنترنت بسوريا ؟؟ بالله أنترنت ؟ مين سمير ؟

لك لهلأ في ناس ما بتعرف شو هو الكمبيوتر مو الأنترنت
لك مو بس الكمبيوتر لهلأ الناس عم يتقاتلوا على خط التلفون الأرضي

خلي هالطابق مستور أحسن شي

وعلى قولة عكيدنا
خضرة يا بلادي خضرة

​