قصتي

[the loOord]

اول شي مسا الورد او صباح الفل
الموضوع مبين من عنوانو رح اكتب ئصتي
بس رح يكون فيها شوي تضخيم
رح تكون فيها تجاربي ومشاكلي وكذباتي وحقيقتي
يمكن حط شوي ئصص عن الناس الي حولي والي عشت معن
الموضوع رح يكون اول موضوع بنزلو وما بكون عم استنى الردود عليه
الموضوع رح يكون فيو كتير شغلات ما حدا بيعرفا عني
شغلات حلوة شغلات منيحة وشغلات بخجل منها ومو منيحة
بتمنى اول شي انو ما تتغير نظرتكن الي وضل كسبان احترامكن المتبادل وتضلو تحبوني متل ما بحبكن
ورح بلش من اول يوم رح اتغاضى عن بعض الشغلات الي عدت بحياتي
يمكن اطلع برا الموضوع واحكي مو بس على الي عشتو احكي كمان على نظرتي وتفكيري وعلى ئصص رفقاتي
بس بتمنى انو ما حدا يزعل من صراحتي لانو رح احكي كل التفاصيل الحلوة والبشعة




wellcome in my life

 

[قيــ الروح ــثارة]

ياي كتييييييييييير حلو وعن جد أنت جريئ لنك رح تعمل هيك
بحب أسمع قصص الناس وخصوصي اذا كان لورد متلك
وكلنا عم نسمعك واكيد ما رح نبطل نحترمك لأنك لورد بكلمتك
​

 

[lavander]

على العكس تماما ستزداد محبتنا وتقديرنا واشكر صراحتك وجرأتك سلفا

بانتظارك بشغف


طولت الغيبة لابقى تغيب​

 

[the loOord]

اول شي رح احكي عن العيلة
ابوي بكون اكبر واحد بين اخواتو
درس هندسة وجدي كان استاذ مدرسة
جدي وستي ماتو لما كان ابوي جامعة
بشكل طبيعي ابوي صار المسؤل عن عمامي وعماتي
رباهن وعلمن وجوزن وتجوز
تجوز سعيدة الحظ
الماما
امي من عائلة كبيرة كتير
جدي كان ولاشي واسس نفسو وصار اغا
اغا يعني بيملك اموال ما بتحرقا النيران وسلطة لا متناهية
بشكل طبيعي في فرق بين بنت الاغا وابن الاستاذ
المهم بدو طول سيرة ضلو خاطبين اربع سنين وبعدين تجوزو
جابو اول شي بنتين وبعدن شب وبعدو بنت بعدهن كلن ب 24/7/1989 اجاهن ولد
الولد هاد بكون انا او رح سمي انا ميمو
هنن سمو مهند لانو امي بتحب الاسم هاد كتير
ولدت بمنطقة اسما جمعية المهندسن بحلب
منطقة كتير راقية ومحترمة وبشكل عام الجيران كلهن مهندسن
منعدي اول 6 سنين لاني بشكل طبيعي ما بتذكر منهن شي
ما فتت روضة لانو ما كان في وحدة قريبة
فتت مدرسة عمري 6 سنين كنت شاطر ومحترم
بصغري كنت كتير خجول مواصفاتي عيوني سود وكبار وشي مدور خدودي كبار الخلاصة كنت حليوة ما شبي شي ومتل ما هاد الشي الو منافع الو مضار انو في شي بسمو ينصاب الواحد بلعين وهاد الشي صار معي كتير ورح تشوفو بعدين المهم كان عندي جيران ورفقا معي بلمدرسة الي بتذكر منهن هنن الي ضلو معي لهي اللحظة حمودة ويوسف واكيد رفيق حياتي حازم وكان في واحد اسمو ايهم هون رح ريح شوي وارجع كمل اوك يالله باي

 

[maroosh]

بانتظار الباقي مهند

واكيد بتشكرك لصراحتك وجرئتك

حلو كتير الشي يلي عم تساوي

 

[STELLA]

متابعه بشغف​

 

[Life of the soul]

عم نتابع هنود
والله برافو عليك على هي الجرأة ماشااالله عليك
​

 

[روح الشام]

وانا متابعة معك هنووود

عجبتني فكرتك

 

[آلبتول]

حلوووه الفكره كثير انك تعرفنا على شخصيتك اكثر
واكيد الانسان بغلط ومو معصوم عن الغلط:80:
بتمنى انك تكمل بدون خجل:10:
وانا رح كون اول المشجعين اليك
وما بتعرف يمكن الاعضاء البقيه يعملوو مثلك

​

 

[glossyrose]

​

عم نستنى البقية حياتي​

 

[سعد قيس]

عيني ربك يا غالي
راح تكون القصة كتير حلوة ومشوقة
بنتظارك

 

[سعد قيس]

وطلبك ع العين والراس تم التثبيت

 

[قمر الشام]

كتييييييييييييير حلوة الفكرة
ونحن باتظار تكمل قصتك
وبحييك على جرئتك وصراحتك

 

[the loOord]

اول شي بتشكر الكل على ردودهن الحلوة تسلمولي يارب
بس في شغلة حبيت اني احكيها
انو انا ما نزلت الموضوع جرأة مني
ما نزلت الموضوع مشان صير معروف او يجيني ردود
ما نزلت الموضوع مشان شي ولا مشان اثبت اي شي لحدا
نلت الموضوع لانو ما بدي يتكرر خطئي
ولسبب مهم كتير انو ما عندي شي اخسرو
او ما ضل شي اكتر من هيك لحتى اخسرو

 

[the loOord]

اليوم مارح نزل شي لانو ضليت عم اكتب شي 3 ساعات وراحت على الفاضي لانو المنتدى سكر لذلك معصب وما ضل الي خلق اكتب

 

[glossyrose]

​

 

[عاشق البيلسان]

يلااااااااااااااااا ابو وليييييييييييييد الورد يلاااااااااااااا

 

[the loOord]

​

[font=&quot]يلعن اخت حظي والله العظيم لبين ما نزل هاد الجزء علئ النت معي 3 مرات يعني كتبتو 3 مرات وكل مرة يعلئ اكفر وجن وخبط بس ارجع كمل كرمالكن المهم [/font]​

​

[font=&quot]والله هلئ معصب ولابب نار ما عم اعرف شوبدي اكتب [/font]​

​

[font=&quot]بس المشكلة انو دوم انا معصب[/font]​

​

[font=&quot]رح كمل [/font]​

​

[font=&quot]المهم متل ماحكيت انو بصغري كنت لذيذ حليوة [/font]​

​

[font=&quot]انو لما يشوفوني الناس بلسوق يمسكوني البنات يبوسوني يشدو خدودي وهيك ( انو لك حلو عن مخي ملختوني ) انا هيك كنت فكر المهم روح مع اخواتي يشوفوني رفقاتن نفس الشي كمان هون ما بعرف اذا بلش الحظ البشع او انصبت بلعين [/font]​

​

[font=&quot]كل فترة طب على وشي يورمو عيوني ( الي كانو احلى شي فيني ) المهم فتنا على المدرسة شطوروين حبوبين ما في مني بسمع كلمة وهيك ئصص ( جدبة ما كنت بفهم لسا )المهم انو انا ما كان عندي رفقا كنت ضل لحالي ما امشي مع حدا ولا حدا يمشي معي هو اكيد كان عندي رفقا بس سطحيين لدرجة انو نسيتهن هلئ المهم صرت صف خامس وبلشت الشقاوة[/font]​

​

[font=&quot]كنا نلعب لعبة بلخامس لعبة حلوة وهية انو نحن عندنا ئدام الصف في ممر طويل وملس [/font]​

​

[font=&quot]واللعبة انو نفشكل بعض ( !!!! كرمال الله كيف كنا نفكر ) المهم هي هية اللعبة [/font]​

​

[font=&quot]كان صف خامس اخر الفصل الاول بعد الفرصة كنا عم نلعب اللعبة قبل الحصة التالتة [/font]​

​

[font=&quot]وما شفلكن الا وواحد جاي من بعيد متل الصاروخ ركدت عليه وشطحتو رفسة انبطح الصبي على وشو وشحط شي 10 متار ( اسمو احمد قصاص مستحيل انسى اسمو ) المهم هون انا مفتخر مكيف على حالي طلعت على الصبي شفتو لسا على وشو استغربت رح طلعت عليه شفت بكة دم جنب وشو ( ولي ولي ولي شو بدي اعمل ) والله شلت حالي وردكة على الصف شالو الولد وعلى الادارة اختفى الصبي وما رجع على الدرس ( هون بتعرفو الولاد كيف بكونو ياااااا احمد مات مهند قتلو )[/font]​

​

[font=&quot]انا هون مرعوب ما عم اعرف شو اعمل خلص الدوام طلعت على البيت ما حسنت نام اليل وانا فكر [/font]​

​

[font=&quot]المهم تاني يوم رحت على المدرسة وبنص الحصة ما شفلكن الا جاي الولد ومعو امو( امو بتشبه فرانك شتاين ) او يمكن انا هيك شفتا دخلت امو على الصف وراحت عند الانسة ئالتلا وينو هاد الزفت مهند ( من صغري بدلعوني خخخخخخ) المهم طلعت الانسة شو خير شوفي ئالتلا انو شوفي شو عمل بابني ( انا هون فكرت انو هاد شو عرفو انو انا ما شافني ما كان منتبه من الاخير طلع وحدة بنت فاسدة علي ( انو من صغرن فاسوديات ) بس المشكلة انو البنت كانت بتخوف اقوى من كل الصف ما استرجيت اعمل معا شي ) المهم الانسة شدت لطرفي انو لا مهند ما بيعمل هيك الام تعيط وتطلع فيني وتقلي والله لكسرلك كل سنانك يا حيوان ( حيوان قد يكون قطة او غزال او اي شي خرام المخلوقة ما حددت ) المهم راحت المدام اشتكت علي انو هيك ما بيمشي الحال والله المديرة ما كذيت خبر يالله فصل من هون غيرت مدرستي ورحت على مدرسة تانية بس هون بلش التعفيس بجد [/font]​

​

[font=&quot] [/font]​

​

 

[عاشق البيلسان]

لك يخرب عقلك يا ابو وليد والله ما بعرف انك كاسرلو سنانو لأحمد قصاص
ه
الزملة لهلأ تمه مخربط هه

 

[§ Sammo §]

الله محييك هنيد
كمل حبيب

لك يخرب عقلك يا ابو وليد والله ما بعرف انك كاسرلو سنانو لأحمد قصاص
ه
الزملة لهلأ تمه مخربط هه​

:19::19::19::19::19:
​