كيف بتحافظي ع جمالك ؟؟

[احلى دنيا]

مرحبا يا قطط ...
هلا اكيد كل صبيه الها طريقه مختلفه لتعتني بحالها و تعتني بجمالها
ببشرتا وشعرا واضافرها وكل شي
هلا انا رح حط صبيه لتحكيلنا كيف بتعني بجمالها
شو بتستخدم كريمات .. شو نوع بشرتا دهنيه او جافه
كيف بتعالج مشكله بتواجها متل الحبوب او تساقط شعر او قشره
شو بتعمل ماسكات
او حتى كيف بتشيل الميك اب
اي شي بتعمليه لتحافظي ع جمالك
احكيلنا ياه مشان نستفيد كلنا ​

رح بلش باول صبيه معنا وردة فارسيه وبس تخلص بتختار الصبيه يلي بعدها :Albilsan (115):​

 

[جمانة]

اولشي يسلمو كتير علوش ع الموضوع الكتير حلو :10:
والله لازمنا هيك موضوع مشان نستفيد من خبرات بعض ​

بدي احكي عن بشرتي بالاول
انا بشرتي عادية .. بس كتير حساسة
يعني مو كل صابونة او كريم بئدر استخدمها
في شغلات بتسببلي حساسية بسرعة ..
انا لبشرتي بستخدم عدة كريمات
طبعا بعد ما سألت الدكتورة انو فيني استخدم كزا شغلة و حكتلي اي
بستخدم غسول البشرة Deep Clean Neutrogena​

​

و كمان بستخدم غسول تاني مشان وقت يطلع بوشي حب
يعني وقت يطلع حب ببطل استخدم نيتروجينا و بحول على واحد تاني
اسمو St.Ives بالمشمش و هو كتير مفيد للبشرة الدهنية
و كمان للبشرة يلي عم تعاني من اي نوع من انواع الحب​

​

و كمان بستخدم لبشرتي بعد ما اطلع من الحمام
لوشن للتنظيف Clean & Clear ​

​

الازرق بيعطي شعور بالبرودة و الانتعاش .. الاحمر بيحس وشي عم يشب نار
لهيك بستعمل الازرق دايما ​

و بستخدم كريم Himalaya للوقاية من الشمس ومشان الهالات السوداء تحت العيون
هدول بيطلعو من البكي
ما بوثق بغيرو ​

​

​

اي و كمان اشتريت شغلة مكتوب عليها تونر التنظيف العميق
المهم انو PH 5.5 بس لسع ما استخدمتو
ما لقيتو بالنت اضطريت صورلكون ياه ​

​

ولي شو بستخدم شغلات لوشي هلأ لانتبهت انهم كتار
المهم كمان مرة بشرتي تعرضت لموجة من الجفاف .. و استخدمت لوشن ترطيب Clean & Clear
كتير فادني و خلال يومين راح الجفاف :10:​

​

و اخيرا خلصنا من الشغلات يلي بتخص الوش
ومشان ترطيب الجسم بحب استخدم NIVEA للبشرة العادية ​

​

و كمان شغلة بدي ضيفها
انو الفازلين كتير مفيد لجميع انواع الجفاف و التشققات بالبشرة ​

​

و اخيرا خلصنا ​

 

[احلى دنيا]

كتير حلو
هلا انتي مشان الشمس استفدتي من Himalaya ؟؟ ... لانو انا انحرقت حرق من الشمس
مع اني بستخدم واقي شمس Garnier وما استفدت شي ف بدي شي عنجد منيح
لانو ازا هلا هيك كيف بعز الصيف

يعطيك الف عافيه جوج

 

[جمانة]

ومشان الماسكات و هالشغلات
انا الشي الوحيد يلي بعملو
اني بعمل بخار لبشرتي
كتير بيفيدني
و في ماسك مرة عملتو بتاخدي حليب بودرة بتخلطيها مع مي دافي
وبتحطيها على وشك لحد ما تحسي انها بلشت تجف
بعدين بتمسحيها
جد جربتا و حسيت بنعومة مو طبيعية ببشرتي

و كمان العسل مع الليمون كتير مفيد للبشرة
انا كزا مرة جربتو
بس بيئرف

ومشان الميك اب فأنا بستخدم عدة ماركات
و اهمها MAC :10:

بس العيب يلي فيها انها غالية كتير
و الماسكارا بستخدم XXL

و الكحلة بحب Gosh بس هلأ مقاطعة لانو دينماركي
لهيك بطلت استخدمو و حولت لـ Givinchi
بس كمان غالي ها

و الـ foundation انا ما بحب حطلي كتير بس يعني اوقات بتحتاج البشرة
بستخدم ماك كما سبق و ذكرت
و هو بيسمو magical foundation بتحطيه بتصير بشرتك كتير طبيعية
يعني ما كانك حاطة ولا شي
بس الحلو يلي فيه انو بيخفي كل العيوب كلها كلها سبحان الله
في منو سائل و في منو عادي
بس انا بفضل السائل ما بعرف ليش

ومشان المكياج وقت بدي شيلو بستخدم مناديل جونسون اند جونسون

في منها زهري و اخضر و ازرق واحد للبشرة العادية و واحد للبشرة الجافة و الحساسة و واحد للدهنية

حاج لهون بكرا بكفي تعبت :80:​

 

[جمانة]

كتير حلو
هلا انتي مشان الشمس استفدتي من himalaya ؟؟ ... لانو انا انحرقت حرق من الشمس
مع اني بستخدم واقي شمس garnier وما استفدت شي ف بدي شي عنجد منيح
لانو ازا هلا هيك كيف بعز الصيف

يعطيك الف عافيه جوج

اي كتير منيح هيملايا من زمان احترقت من الشمس و صرت استخدمو
و من يومها ما غيرتو
جد فادني كتير
​

 

[احلى دنيا]

اي والله يا جوج الحمرا عند ماك شي بسطل .. عندهن الوان منا موجوده عن حدا :80:
مشان هيك ببلعو مصاري
خلص بدي جيب هيملايا بدي جربو بركي انحلت هالمشكله :80:
يسلمو جوج

 

[جمانة]

اي والله بيبلعو مصارينا بلع يضربو
بس نحنا متل الجدبان بنروح نشتري من عندهم

المهم لنكفي كيفية الاعتناء بالجمال :10:
نجي للشعر
ما بحب حط شغلات كتيرة بشعري
بستخدم شامبو هيد اند شولدر لجميع انواع الشعر
بتجي علامتو لونها اسود
و بحط بلسم wella يلي لونو اخضر
ما عم لاقي صورة بالنت
و بستخدم بديل زيت للشعر المصبوغ بانتين
كتير منيح و من لما استعملتو حسيت انو التقصف كتير قل بشعري
اي و خلص حاجتك علوش بركي في شغلات و اسرار للجمال بحب احتفظ فيها لحالي

بحط بعدي stella ​

 

[Life of the soul]

يعطيكي العافية جمون
وعلوش موضوعك روووعة
يعطيكي الف عافية
وبانتظار ستيلا :Albilsan (115):​

 

[احلى دنيا]

اي و خلص حاجتك علوش بركي في شغلات و اسرار للجمال بحب احتفظ فيها لحالي​

حسيتي حالك خبيرة تجميل شي ؟؟

 

[احلى دنيا]

يعطيكي العافية جمون

وعلوش موضوعك روووعة
يعطيكي الف عافية

وبانتظار ستيلا :albilsan (115):​

ميت هلا غنوجتي حضريلنا حالك بدي كل شي بتعرفيه

 

[احلى دنيا]

بما انو ستيلا طولت رح نختار غيرها وان شالله عن قريب بترجع

ملاك الروح تفضلي

 

[احلى دنيا]

ملاك الروح اعتزرت لاسباب امنيه لهيك رح نحط سناء

 

[Pure Feelings]

اي بكرة العصر بيكون خالص كلشي

 

[Pure Feelings]

اي يا اهلين ويا سهلين يا صبايا

انو انا ما كتير بستعمل كريمات لوشي

لانو ستي دايمن بتقلي

يا تيتة ما تمعطي حالك ع رايحة والجايي

بكرة بس تصيري كبيرة بيصير وشك كلو نمش و مجعد كتير

لانو العضلات الي عم تشديها هلأ

بكرة بترتخي كلا

فانا ماشية ع طريقة ستي

بعدين بشرتي كتير ناعمة وطرية

بس يعني اكيد بستعمل كم شغلة

انا اول ما فيق من النوم بغسل وشي

بالصابونة تبع جونسون للأطفال لانو مابيجي فيا كتير مواد كيميائية

بعدين بحط مطري شفايف

مشان ما يطقطقو لانو شوب الدنيا

هلأ انا مالي من انصار اني روح واجي امعط وشي بالكريم كل يوم

بس كل يوم بعمل غسول يومي من olay

أو هاد ع حسب مزاجي يعني

هلأ انا بس بستعمل مقشر بس مو دايمن

يعني بالاسبوع اربع مرات بس كتير منيح

واكيد الواقي الشمسي بحطو قبل ما اطلع بنص ساعة
كتير ظريف مابيطلع نمش نادرا ما يطلع

منجي هلأ للجسم

اول شي اللوشن تبع الجسم

واكيد زيت الجسم مشان يعني النضارة والطراوة تبع الجسم

انا بستعمل بريليانت عنجد عنجد هالشامبو كتير منيح
بخلي الشعر متل الحرير

اكيد مابنسى الرجلين

مشان نعومتن لانو احيانا بيصير خشنين

ف بستعمل كريم لترطيبن عنجد كتير منيح

هلأ للميك اب

انا ما كتير بحط ميك اب

نادرا ما حط يعني

بس يعني المسكرة لا غنى عنا

والروج اكيد وهالشغلات


واكيد مارح انسى المحارم مشان شيل الميك اب

والكريم مشان السواد تحت العيون
بكره شوف العين تحت اسود
بحس الواحد بيكون متل الباندا

وعموما انا بستعمل فازلين لآي شي
ممكن يكون خشن حتى للايدين كتير منيح
بخلين نااااااااااااااااعمين ع الاخر

البارفان

نصيحة مجرب مشان البارفان
لما بتطلعي من الحمام بعد ما تتحممي
لما بتخلصي تنشيف الجسم
فورا بخي جسمك بالعطر
وبخي ورا ادنيكي عطر
رح بتضل ريحتك عطر حتى لو مابخيتي تيابك

هالعطر ريحتو ما بتنوصف ع قد مالو حلوة

وهاد حلو كمان

انا ما تستغربي ما عندي كتير كريمات

بس انا بعمل تنضيف لبشرتي كل فترة وفترة

مشان هيك نادرا مافي حب كتير بوشي (دقي ع الخشب)

وهي هيي كل قصتي روحي

صحي ماعندي خبرة كتير

بس بمشي حالي

ويعطيكي الف عافية
استفيدي استفيدي من تجاربي يا بنتي :19::19:

:Albilsan (115)::Albilsan (115)::Albilsan (115):
​

 

[Pure Feelings]

بحط من بعدي مشرفة القسم غنووووج

 

[احلى دنيا]

ييييييييي قال كل هالحكي وما عندا خبره
بس شو مشان الشامبو صراحة انا اول مره بسمع فيه .... حلو الواحد يتنور
بتعرفي احسنلك ما بتحطي كتير اشيا بتريحي بشرتك
يسلم دياتك سنوئتي

 

[رهف الاحساس]

يسلموووووو على النصائح
مشكورة موضوع رائع:Albilsan (115):

 

[Life of the soul]

يعطيكن العافية صبايا
واعذروني انا مارح ائدر شارك
وعلوش لح تختار بنت بدالي
​