لاجلك سورية..

[Faby]

ليلة رأس سنة 2009 ,,,،
ألغيت جميع مظاهر الاحتفالات بسبب حصار اسرائيل على قطاع غزة والذي راح ضحيته (1417 ) فلسطينيا..
اليوم في بلدنا سوريا أكثر من خمسة آلاف شهيد ما بين (((مدني وعسكري))) ..
وفي الوقت نفسه ما عم شوف غير إعلانات الاحتفالات تزين الشوارع ،
لك حتى أن الشيراتون لم يلغي أي حفل حتى هذه اللحظة..
و محطات الراديو ماشالله عليها من إعلان لإعلان احتفالا و ابتهاجاً بهالمناسبة و كأن الدم السوري أصبح أرخص من سعر ليتر بينزين ...

عام 2009 احترمنا الدم الفلسطيني الغالي ً..
واليوم علينا ان نحترم الدم السوري وآلامنا ..
رجاءاً فهناك أمهات تبكي على أولادها ..
.

 

[ḾǑŏǑŏǓĐỸ]

أنا معك علوش


طبعاً الدم السوري غالي

علينا وأي دم عربي

 

[ღRosa Blancaღ]

الله يرحم الجميع

بس هي كانت لازم تتطبق على جميع الاديان مو بس عالكريسمس وراس السنة

مع احترامي للجميع ولآراائهن

 

[Faby]

بتشكر مروركن
ريم..شو مظاهر البهجة اللي كانت بالعيدين سواء الكبير او الزغير..
العيدين مرقو علينا متل السم والحمدلله ... و
في نئطة مهمة انا عن نفسي مالي ابدا ضد مظاهر الاحتفال او الفرح لانو هي سبب وجود الاعياد بالحياة
بس ازا نحنا ولاد بلد واحد ما كان قلبنا ع بعض فلا عتب عالغرب والعرب ..ويمكن بنساهل اللي عم بيصير فينا لانو كل واحد همو حالو وما بهمو اخوه بالانسانية مهما كان دينو او ملتو وانا بأسف شوف دم اخواني بالانسانية وعم عبر عن حزني ونفسي بس وما عم افرض شي ع حدا ..
مع احترامي لرأيك عزيزتي

 

[جمال الروحـ]

والله ناس فايقه ورايقه

بلادهم عم تنزف دم ~ وهنن بالغربه بدهم يحتفلوو

هاد يلي بزعجني بصراحه حسبى الله ونعمة الوكيل

الله يرحم شهدانااا ~ ويجعل مثواهم الجنة

 

[ĻàĎỷ iЙ ŖẼD]

ماتت قلوب الناس وماتت معا الرحمه يمكن نسينا بيوم انو العرب اخوه

 

[- ]Safee[ -]

لك في سوريين هون مو بالغربة وعميحتفلو ومو هامون شي

ما بعرف حب المصلحة والطناش لوين بدو يوصل..

بس الله يرحمنا

شكراً فابي ​

 

[نكهة جنون]

بدك مين يفهم هالشي ويقدرو

بس عم نحلم انو يلغو حفلة كرمال دموع ام ع ابنها

مابحسو بربي مابحسو ​

 

[{Dark~ Lord}]

الله يرحمون
​

 

[RoOoR]

الله يرحم جميع المسلمين يا رب

و يخيهن يحسو شوي​

 

[المارد]

السلام عليكم
عام 2009 احترمنا الدم الفلسطيني الغالي ً..
واليوم علينا ان نحترم الدم السوري وآلامنا ..
رجاءاً فهناك أمهات تبكي على أولادها ..في ناس مو حاسة بش ولا يهم شي
عوجة ويا ما حنشوف يسلموووويا غالية
​

 

[Faby]

شكرا لمروركم ...
والله يكتب الرحمة لجميع شهداء الوطن

 

[Chantal]

برأيي الشخصي ... ألغيت الإحتفالات ليلة 2009
تنفيذ لمصداقية الممانعة والمقاومة
والتأكيد على تطبيقها حصراً في سوريا
وأمام العالم
أما الإحتفالات بليلة عام 2012
للتأكيد على أن الشعب السوري من حقه أن يُمارس حياته
ويعيش أفراحه بمنأى عن مايجري في الشارع
من إنتهاكات لجرائم وفظائع وفضائح العصابات المسلحة والسلفيين والمندسين
التي ليس للشعب أي ذنب فيها ولاعلاقة له بها
ومن هالمنطلق عليه أن يمارس حياته كما يريدون (هم ) ..
حتى يتم لهم وبطريقتهم تطهير البلاد بناءً على طلب الشعب ونزولاً عند رغباته
أما بخصوص تساؤلك عن إسترخاص الدم السوري ( حاشاه )
فليس المسؤول بأعلم من السائل هنا ...
نحن هنا وحيث أنا ... نرى أن الدم السوري وكل دم مسلم على الأرض غالٍ جداً
ولأجل سوريا تنزف قلوبنا وعيوننا
رحم الله شهداؤكم السابقون واللاحقون
ودمتي وسوريا بخير
​

 

[Faby]

كالعاده شانتال مرورك بينور مواضيعي
دمتي بخير عزيزتي