مستشفى البيلسان للتعرف على حالتكم الصحية

[دموع الورد]

هنآ راح نعرف كيف صحة أعضآءنآ وعلاقتهم مع المستشفى

من خلال أجوبتهم على الاسئله !

الاسئله :-



س1/هل سبق ان اجريت عمليه؟ اذكرها ؟



س2 /تحب تروح للمستشفى أول مآ تتعب ولا تتحمل ..؟!



س3/ متى آخر مره رشحت .؟؟!!




س4 / متى آخر مره رحت للمستشفى ؟ كنت مريض ولا مرافق ؟




س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!




س 6 / شي تكرهه في المستشفى ؟
وبتحب الابره ولا لأ ؟



س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير



س8/ هل تمنيت يوم أن تصبح دكتور ..؟!



س9/ كلمه لكل مريض .!



أتمنى أن تحوز الفكره على اعجابكم

وكل ضيف معه يومين لحتى يشرفنا ونطمن على حالته الصحية

وكل عضو رح يتم اختياره من قبلي انا

بتمنى منكم ما تتأخرو بالرد



وأول ضيف معنا رح يكون غـابي
​

 

[عهد القمر]

موضوع حلوووووووووووو كتير


​

 

[المستشـــار]

حلو كتير يعطيكي العافية

 

[Gabriel]

يسلمو دموع على هالموضوع الرائع
وشكرا على استضافتي



س1/هل سبق ان اجريت عمليه؟ اذكرها ؟

لا

س2 /تحب تروح للمستشفى أول مآ تتعب ولا تتحمل ..؟!

بعادتي حتى مشان وجع الراس قليل لأخد حباية يعني تكون الجيوب الانفية عاملة عمايلها

س3/ متى آخر مره رشحت .؟؟!!

يعني مع الجيوب الانفية تقريبا على طول عندي مشكلة



س4 / متى آخر مره رحت للمستشفى ؟ كنت مريض ولا مرافق ؟

لا كنت مرافق زيارة لصديق


س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

لا اكيد من هالنوع بشغل الدفاية وبتغطى
وبعض الاحيان بحط على كتافي حرام وانا على الجهاز
طبعا بالشتاء


س 6 / شي تكرهه في المستشفى ؟


بصراحة بكره برود دم الكادر الطبي يعني من عدد الحالات والدم وهيك قصص
بصير عندهم برود دم مو طبيعي يعني تلاقي الشخص يتألم وهنن بعالم ثاني

وبتحب الابره ولا لأ ؟
بالنسبة الي عادي لا بكره ولا بحب
يعني اذا كان لازم ابره عادي



س7/ كيف علاقتك مع دكتور الاسنآن ؟

يعني دكتور الاسنان لضرورة

وبتحافظ وبتهتم بأسنانك ولا مو كتير

يعني وسط لا بهتم كتير ولا بترك الامور على حالها



س8/ هل تمنيت يوم أن تصبح دكتور ..؟!

لا


س9/ كلمه لكل مريض .!

الله يشافي كل مريض و عليل يا رب





​

 

[دموع الورد]

يعطيك الف عافية غابي

وشكرا على حضورك السريع

وهلأ رح نستضيف معنا غـــــزة فلسطين
​

 

[أيلول]

شكرا لك دموع الورد على استضافتي .. وموضوع جميل كما هي مواضيعك دوماً .. ​

س1/هل سبق ان اجريت عمليه؟ اذكرها ؟ ​

لا​

س2/تحب تروح للمستشفى أول مآ تتعب ولا تتحمل ..؟! ​

لا .. حتى تصل لدرجة كبيرة ممكن ​

س3/متى آخر مره رشحت .؟؟!! ​

قبل عدة أيام ​

س4/ متى آخر مره رحت للمستشفى ؟ كنت مريض ولا مرافق ؟ ​

قبل شهر ونصف تقريباً .. مرافقة ​

س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لأ؟​

لا .. الشتاء الماضي .. كان يوم من الأيام
ماطر .. والجو شديد البرودة .. لم أوفر المطر يتساقط من دوني ..​

س 6 / شي تكرهه في المستشفى ؟ ​

كما ذكر غابرييل .. أكره تعامل الأطباء مع المرضى .. سواء ببرودة أو عدم مبالاة .. الغالبية لا يقومون بمهمتهم دون وجود الواسطة (مع وجود ثقافة كافية للمريض وأهله حتى يستفسر عن مرضه ) ​

لكن بالمقابل هناك أطباء يستحقون كل الاحترام والتقدير ​

​

وأكره بشكل كبير الاحباط الذي يتركه البعض لمرضاهم .. مثل اخبارهم بعدم وجود علاج .. أو الحالة خطرة و خارجة عن السيطرة .. ​

أفضل التعامل مع حالات مشابهة بطريقة إنسانية أكثر ​

وبتحب الابره ولا لأ ؟ ​

لا توجد أي مشاكل معها .. متى ما وجدت أهلاً بها ​

س7/كيف علاقتك مع دكتور الاسنآن ؟ ​

وقت الحاجة .. جيدة طبعاً ​

وبتحافظ وبتهتم بأسنانك ولا مو كتير​

أكيد .. تقريبا لها الأولوية من العناية ​

س8/ هل تمنيت يوم أن تصبح دكتور ..؟! ​

​

هي ليست أمنيتي .. هي اختصاص ينتظرني لدراسته ​

س9/ كلمه لكل مريض .! ​

شافاكم الله وعافاكم .. طهور ان شاء الله ​

​

 

[دموع الورد]

يعطيك ِ الف عافية حبيبتي

اجابات رائعة متلك

انتظروني مع ضيف جديد
​

 

[دموع الورد]

وهلأ رح نطمن على الحالة الصحية لـ

الوردة البيضاء
​

 

[إلهام]

شكرا الك لاستضافتي

س1/هل سبق ان اجريت عمليه؟ اذكرها ؟

لا​

س2/تحب تروح للمستشفى أول مآ تتعب ولا تتحمل ..؟!

بسراحة مابتحمل الوجع بروح عطبيب فورا


س3/متى آخر مره رشحت .؟؟!!

من فتره مو بعيده​

س4/ متى آخر مره رحت للمستشفى ؟ كنت مريض ولا مرافق ؟

لا مرافقه كنت ​

س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لأ؟

الشيئ اذا زاد عن حده نقص انا معتدله
في المحافضه عصحتي​

س 6 / شي تكرهه في المستشفى ؟

والله هو المستشفى المفروض يحافض على صحتنا ويسترجعلنا
اياها انا بشوف اليوم هو احد اسباب نقل العدوى
وزيادة الطين بله
للاسف مع بعض التحفضات على التعاملات من قبل الممرضين والدكاتره
​

وبتحب الابره ولا لأ ؟

انا بيني وبين الابره علاقه
قويه ما ممكن اطيب بدونها مطره اتحملها واحبها
​

س7/كيف علاقتك مع دكتور الاسنآن ؟

جيده جدا ​

وبتحافظ وبتهتم بأسنانك ولا مو كتير

بحاول قدر الامكان اهتم هي سنان مو حيله
لانه مافي بيوم ركب طقم
​

س8/ هل تمنيت يوم أن تصبح دكتور ..؟!

​

يمكن مابتذكر ولكن الطب مهنه عضيمه
​

س9/ كلمه لكل مريض .! ​

الصبر على المصاب والمرض
وربنا يشفي كل مريض
ويعافي ويرجعله صحته باقرب وقت

شكرا الك دموع موضوع جميل
​

 

[دموع الورد]

يعطيك ِ العافية حبيبتي

والله يديم العافية عليكي يا رب

وهلأ رح نستضيف معنا ستيلا
​

 

[STELLA]

وهلأ رح نستضيف معنا ستيلا ​

يسلموا دموع ع الاستضافة


س1/هل سبق ان اجريت عمليه؟ اذكرها ؟

لا

س2 /تحب تروح للمستشفى أول مآ تتعب ولا تتحمل ..؟!

لا ما بروح ع المشفى إلا نادرا الحمد لله



س3/ متى آخر مره رشحت .؟؟!!

والله ماني متذكرة بس من فترة ماشي حالها


س4 / متى آخر مره رحت للمستشفى ؟ كنت مريض ولا مرافق ؟

تقريبا من سنة , كنت مريضة دايخة بسبب الأذن الوسطى حطولي سيرون وعطوني ابرة مشان الدوخان بعدين رجعت ع البيت



س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

لالا ع العكس تماما , أنا من النوع الي بحب البرد لدرجة كبيرة
مرة عملت متل غزة حبيبتي نزلت تحت المطر لأن المطر من الامور الي ما بتتفوت عندي أبدا



س 6 / شي تكرهه في المستشفى ؟
وبتحب الابره ولا لأ ؟

بكره الدكتور وقت يقلك ادفاع قبل المعاينة , بحس الطب صاير تجارة أكتر من انو يكون مهنه انسانية
بالنسبة للأبر عادي ما بحبها ولا بكرها


س7/ كيف علاقتك مع دكتور الاسنآن ؟

علاقة ودية ما رحت عليه غير انا وصغيرة مشان يخلعلي سني

وبتحافظ وبتهتم بأسنانك ولا مو كتير

ماشي الحال , احسن ما البوس بدلة



س8/ هل تمنيت يوم أن تصبح دكتور ..؟!

لما كنت صغيرة من ضمن الاحلام يلي حلمتا الطب , بس ولا شي من الي تمنيتو طلعت


س9/ كلمه لكل مريض .!

طهور إن شاء الله

اجر وعافية ما على قلبك شر

 

[احساس انثى]

موضوع كتير حلو​

 

[دموع الورد]

يعطيك ِ العافية ستولة

انتظروني مع ضيف جديد
​

 

[فرآشة الياسمين]

 

[دموع الورد]

يلا وردتنا شرفينا خلينا نطمن على حالتك الصحية

وردة الياسمين
​

 

[فرآشة الياسمين]

شكراً ع الأستضافة الحلوة متلك يا ئلبي
س1/هل سبق ان اجريت عمليه؟ اذكرها ؟
الحمد لله لأ


س2 /تحب تروح للمستشفى أول مآ تتعب ولا تتحمل ..؟!

أنا بتحمل يعني انا الكريب عندي كتير قوي بس مع ذلك ما بروح عالمشفى وبتحمل وحتى مرة ضليت شهرين مكربة والدكتور قلي انو لازم ما اتعب حالي بس انا ما كنت أرد عليه لأنو اذا ما طلعت من البيت وما رحت على شغلي او طلعت مع رفقاتي بمرض اكتر

س3/ متى آخر مره رشحت .؟؟!!

يا ستي بذكر انو آخر مرة رشحت فيها كان رشح قوي ضليت شهر مرشحة بس كان بآخر الشتوية الي مضت وكان برد كتير وبوقتها كنت طالعة من الحمام وما نشفت شعري وبوقتها مرضت


س4 / متى آخر مره رحت للمستشفى ؟ كنت مريض ولا مرافق ؟

لأ كنت مرافقة رفيقتي لأنو كانت اختها ولدانة


س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

والله بصراحة اي انا ما بحب آكل الآيس كريم إلا بالبرد ولما بيكون عم ينزل تلج
مشان هيك بمرض كتير


س 6 / شي تكرهه في المستشفى ؟
وبتحب الابره ولا لأ ؟
هلق الأبرة صرت متعودة عليها لأنو ما بطيب غير بالأبر
انو انا الي ما بحبو بالمستشفى هوة جوها لأنو جو معت وكلو مرض


س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير

علاقتي مع عمو الدكتور ممتازة شنو كتير حباب
هلق انا بهتم بسناني أكيد يعني هادا شي اساسي بحياتي لأنو انا بدقق بسنان الناس وخصوصا الشباب

س8/ هل تمنيت يوم أن تصبح دكتور ..؟!


اي والله انا حلمي اصير دكتورة بالرسم
س9/ كلمه لكل مريض .!

الله يشفي ويعافي كل مريض وبلأخص الي معهن أمراض نفسية والعياذ بالله شو شايفة ناس عندها مرض من هالنوع

 

[دموع الورد]

يعطيك العافية يا حلوة

استمتعنا معك كتير

وسلامتك من الكريب ما تشوفي شر

وهلأ رح نستضيف معنا هبوبة الحبوبة
​

 

[احساس انثى]

الاسئله :-​

س1/هل سبق ان اجريت عمليه؟ اذكرها ؟
لاء والحمدالله
بس كتير فايته على المستشفى ​

س2 /تحب تروح للمستشفى أول مآ تتعب ولا تتحمل ..؟!
لا بتحمل وباخد دوا​

س3/ متى آخر مره رشحت .؟؟!!
ماصرلي زمان​

س4 / متى آخر مره رحت للمستشفى ؟ كنت مريض ولا مرافق ؟
مرافق
مع ماما واختي ​

س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

اطلاقا ماني حريصة وهادا سبب نص الامراض اللي بتصيبني ​

س 6 / شي تكرهه في المستشفى ؟
وبتحب الابره ولا لأ ؟

ريحة المستشفى والممرضات لأنن لئمه واكيد بكره الأبره
وبخاف منا وببكي لما بيعطوني ياها​

س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير

انا الحمد الله بقلي الدكتو سنانك ممتازين مابدن شي
مع ان مافي هالاهتمام الزايد
يعني بفرشين بس مو بإنتظام​

س8/ هل تمنيت يوم أن تصبح دكتور ..؟!
انا وصغيره ​

س9/ كلمه لكل مريض .!
طهور أنشاء الله

وشكرا كتير عالاستضافه
​

 

[دموع الورد]

ثانكس هبوبة

وهلأ رح نستضيف معنا

بلاك هواك
​

 

[Black Hawk]

الاسئله :-



س1/هل سبق ان اجريت عمليه؟ اذكرها ؟

لا والحمدالله



س2 /تحب تروح للمستشفى أول مآ تتعب ولا تتحمل ..؟!

مو لفكر روح ع الدكتور بالاول بعدين فكر بالمشفى



س3/ متى آخر مره رشحت .؟؟!!

ما بتذكر

الله يبعدو للابد عني وعن الجميع




س4 / متى آخر مره رحت للمستشفى ؟ كنت مريض ولا مرافق ؟

مريض من كم سنة , كانت اصبعتي رح تنقطع الا شوي بس ربك لطف وعدت على خير



س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!


ولا لأ



س 6 / شي تكرهه في المستشفى ؟
وبتحب الابره ولا لأ ؟


بكره ريحة المرض

وما عندي مشكلة مع الابرة بس ما بحبها

س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير


الحمدلله اسناني من لما كنت صغير وخلعت اخر سن ما شكيت منها الا بالصيف الي راح
صار يجعني سني كتير وكان بالبداية وقلت يا ولد روح على دكتور الاسنان وعالجو فورا مشان ما يعملك مصايب لانو بتعرفو وجع الاسنان لا يطاق
وندماااااان لانو رحت دكتور اسنان لانو الوجع الي شفتو عندو اكتر من وجع سني وصار معي التهاب رباط سني وكرهت حياتي وكرهت دكاترة الاسنان كمان


س8/ هل تمنيت يوم أن تصبح دكتور ..؟!


ابداااااا

اصلا وقت اخدت البكالوريا الوالد عرض عليي اطلع ادرس طب برا سوريا وانا رفضت رفضا مطلقا



س9/ كلمه لكل مريض .!


طهورا ان شاء الله و اجر وعافية


وشكرا كتير ع الموضوع الحلو والاستضافة



​