وجهة نظر

[the loOord]

يا جماعة هاد الموضوع رح يكون متجدد كل فترة رح نحكي بموضوع
بس اهم شرط انو هون جد بجد بتمنى انو ما يكون في مزح وضحك
وكل واحد رح يحكي وجهة نظرو للموضع بشفافية وصراحة
اذا عجبتكن الفكرة اهلا وسهلا

 

[the loOord]

اول شي بدي احكيكن بموضوع دبحني انو كرمال الله اديش الناس صايرين سطحين يا جماعة الحياة مو هيك والله انو في كتير شغلات مهمة بلدنيا مو بس الضحكة هلئ الضحك والمزح حلو وانا الي بيعرفوني بيعرفو انو بمزح كتير بس في لحظات لازم تكونو فيها جدين طلعو من عالم المبهرج المزين بلورود لانو مو هاد العالم الي عايشين فيه نحن نحن بعصر اذا ما كنت مميز انت مو انسان لازم يكون عندنا طموح لازم يكون عندنا احترام لذاتنا نحن مو اجانب منعيش للحظة نحن مو شعب الدنيا نحن شعب الاخرة انو والله لما بكون الواحد سطحي بيفقد الاحترام والمصداقية انو بتجي بتحكي مع واحد بتئلو انو والله انا تعبت يا زلمة بئلك ليش كنت عم تركد (دخيل الله الي خلئك شو مهضوم) انو بشتهي هيك احطو وانزل فيو تشطيب وشوفو شو رح يعمل انو والله شي بعصب بكون واحد معصب بيجي بدو يشكي همو بيطلعلو واحد سطحي بخلي ينتحر او ينفجر انو والله انا بحب الكل وبحترمن بس في احيانا الناس بسحطيتا بتجبرك انك تغلط عليهن انو بحاول طول بالي بس صعب مستحيل شي بطقق انو بكون واحد معصب بصير مجنون والمجنون ليش عليه من حرج
لذلك يا جماعة اكسبو الاحترام وتخلو عن السطحية خليكن شوي موضوعين

 

[آلبتول]

والله من الهم اللي عايشين فيه
بصير الناس مو جديين
وحشاشين كمان

​

 

[قيــ الروح ــثارة]

الله معك حئ بتعرف من كتر الهموم الزايدة صرونا بنحكي لبعض مشاكلنا وكأنها قصة مضحكة لأنو ما عاد حدا وقف مع حدا

والكل اخد الدنيا مسخرة

وموضوعك كتييييييييير حلو

 

[زهرة نيسان]

اول شي بدي احكيكن بموضوع دبحني انو كرمال الله اديش الناس صايرين سطحين يا جماعة الحياة مو هيك والله انو في كتير شغلات مهمة بلدنيا مو بس الضحكة هلئ الضحك والمزح حلو وانا الي بيعرفوني بيعرفو انو بمزح كتير بس في لحظات لازم تكونو فيها جدين طلعو من عالم المبهرج المزين بلورود لانو مو هاد العالم الي عايشين فيه نحن نحن بعصر اذا ما كنت مميز انت مو انسان لازم يكون عندنا طموح لازم يكون عندنا احترام لذاتنا نحن مو اجانب منعيش للحظة نحن مو شعب الدنيا نحن شعب الاخرة انو والله لما بكون الواحد سطحي بيفقد الاحترام والمصداقية انو بتجي بتحكي مع واحد بتئلو انو والله انا تعبت يا زلمة بئلك ليش كنت عم تركد (دخيل الله الي خلئك شو مهضوم) انو بشتهي هيك احطو وانزل فيو تشطيب وشوفو شو رح يعمل انو والله شي بعصب بكون واحد معصب بيجي بدو يشكي همو بيطلعلو واحد سطحي بخلي ينتحر او ينفجر انو والله انا بحب الكل وبحترمن بس في احيانا الناس بسحطيتا بتجبرك انك تغلط عليهن انو بحاول طول بالي بس صعب مستحيل شي بطقق انو بكون واحد معصب بصير مجنون والمجنون ليش عليه من حرج

لذلك يا جماعة اكسبو الاحترام وتخلو عن السطحية خليكن شوي موضوعين ​

بربي كلامك درر

وموضوعك عجبني كتيررررررررررر

ومن زمان كان نفسي ينفتح هيك موضوع

فعلا وصلنا لوئت كل الاحاديث تافهة

عالم فايقة ورايقة

فااااااااااااااضيين

للاسف الشي اللي وصلنالو مخزي :80:

كل كلامنا ضحك وانغلة :80:

ولما بتحكي شي موضوع جدي مع حدا

او بتجي بتتناقش معو بشي موضوع بيقللك * حل عني يستر على عرضك مو ناقصنا وجع قلب *

خلينا مروئين

و كاانو الامور بتنحل ببساطة بدون مانناقشها ونحللها

شو بدو يحكي الواحد بس





ياباتل عالزمن العاطل

:80:​

يسلمووووووووو

تقبل مروري



واسفة لاانو طولت الرد

بس بربي ئلبي ملان ​

 

[the loOord]

لك نورتو وفوفو هو اردلازم يكون طويل حتى يعبر عنك لانو الموضوع مناقشة

 

[المستبده]

اه والله كلامك مزبوط

شو بدنا نحكي اكتر من اللي حكيتوه

نقطه مهمه

​

 

[the loOord]

بشو بتحبو نحكي هلئ
رح رشح 3 مواضيع
الحب
الكذب
الغيرة
انتو اختارو

 

[زهرة نيسان]

بشو بتحبو نحكي هلئ
رح رشح 3 مواضيع
الحب
الكذب
الغيرة
انتو اختارو

 

[زهرة النرجس]

الغيرة
​

 

[المستبده]

الكذب​

 

[the loOord]

شو هاد كل واحد اختار شغلة؟؟؟

 

[STELLA]

برأي أنك تبدأ بالتسلسل ... مشان العدل

موضوعك مميز وبيسعدني شارك فيه

 

[maroosh]

بانتظار اختيارك

موضوع حلو كتير كتير

 

[the loOord]

طيب رح نبلش بلحب
انو انا في شغلة ما عم افهما انو بكون ئاعد على النت بشوف بنت مثال بلمنتدى بروح بسلم عليها انو حركة حلوة حلو الزوء انو نسبة شي 50% بتفكر انو حبني !!!! المشكلة الي عم تصير مع الكل انو اول ما بيتعرف على البنت موضوع الصداقة محذوف خلص لا حب لا بلا هلئ انا من النوع الي متل ما بيعرفوني ضد الحب بشكل عام لانو معظم الوقت عم يكون تمضاية وقت او تسلاي
شغلة تانية انو ليش الحب تبرير للعلاقة الجنسية انو بروح بئول الشب للبنت اذا ما رضيتي معناه انو انتي ما بتحبيني لك انو شو دخل هاد بهاد
هو بشكل عام الحب ما حدا بحسن يوصفو وئليلين الي بيعرفو معناه واهم شغلة انو مو عيب اذا ما حبيت بس عيب اذا ما كان عندك رفقا لانو الرفقا هنن كلشي هلئ منعمل مقارنة انتو بتعرفو كم ئصة حب فاشلة وكم ئصة صداقة فاشلة الصداقة ما بتفشل لسبب واحد انو انت ما بتكون متوقع شي من رفيقك بس متوقع كلشي من حبيبك
وعلى فكرة نصيحة عمركن ما ترمو حالكن على حدا لو حبيتو مش مهم انتو الي تحبو المهم هو الي يحبكن
وفي موضوع الحب بعد الزواج انا مقتنع فيو هلئ انا ضد انو اهلي يخطبولي على كيفهن انا بدلهن بس حتى لو ما كنت بحب البنت اهم الش اخلاقها وانا لما بعرف اتصرف رح خليها تحبني ولما بتحبني رح حبها اكيد
بس انا اديش صرلي عايش واديش صاير ما عم احسن افهم الحب
انو شو لازم يكون مواصفات الي بحبو
وليش بلحظة منكون حبايب تاني يوم منترك بعض الحبايب ما بيتركو بعض بس الي عم نعيشو هاد مو حب هاد شي جديد عم نجربو بلنسبة للي اول مرة وتسلاي لعديمين الاحساس واحلام لبعض البنات الدرويش لانو نسبة حالات الحب الي بتتحول لزواج قليلة جداً ولسا نسبة الحبايب الي بتزوجو وبعد الحب بيكرهو بعض كبيرة كتير لانو لما بكونو ال2 تت سقف واحد غير دنيا
مثال انا لما بدي شوف حبيبتي بمشوار بدي ياها تكون احلى الشي (مو من بقية البنات بس انو تكون مظبطة حالها) بس لما بكون متزوج وبدنا نروح مشوار ما بئعد بستنى ساعة لتلبس وتحط الميك اب والشيشوار لا والله بجن
لذلك فكرو منيح قبل ما تقولو كلمة بحبك
لانو صحيح هو احلى شعور بلدنيا بس كل العالم الي ئلتلها كلمة بحبك خسرتها (بغض النظر عن ايات)
ويسلمو كتير للكل بس هي هية وجهة نظري بصراحة وما كتبت كلشي لانو ما حبيت طول عليكن

 

[قيــ الروح ــثارة]

أول الشي ما تعمم عالكل يعني مو الكل بيفكر طريقتك بالتعارف على أصدقاء= حب

وتاني شي أنا بالنسبة الي الحب علاقة روحية بين شخصين قبل ما تكون علاقة عاطفية او جنسية

ميرسي الك وردك حلو
و بالنهاية كل انسان مختلف عن التاني بطريقة تفكيرو عن الحب وعن غير قصص
​

 

[just@girl]

والله انا معك

في نسبة منيحة بالنت لسا ماتحكي معو بعد شهر تكتشف انو عم يصارحك ويقلك

بحبك:10:
ماعم اقدر نام الليل وانا بفكر فيك

لك المصيبة كل الي حاكي معو بهالشهر لايتعدى نطاق السخافة وتمضايقة وقت


انو رحجت عهلى السوق

شفت رفيقتي

لك لو سالتو يمكن شو لون المفضل مايعرف يجاوب


انو كيف حدا يحب حدا بدون ما يعرف افكارو واراؤو اسلوب تفكيرو منطقو بالحياة؟؟


انا من حبيت حبيت اول شي العقل والثقة بالنفس

بعدا حبيت الشكل

حبيت الروح والقلب بعدين حبيت لاالعيون والتم


يسلمو مهند على الموضوع


وانا من انصار الصداقة بين الشب والبنت


وبدعو للصداقة اكتر مما ادعوللحب


يسلمو مرة تانية

 

[the loOord]

اول شي feton اكيد ما بعمم لانو التعميم والشمول خطاء اكيد لانو لكل قاعدة شواذ بس نحن هون عم نحكي عن الغلط
ويسلمو just@girl وانا كمان مع الصداقة

 

[STELLA]

هلئ الحب اكبر بكتير من انو نكتب عنو بسطور ... وحالات الحب كمان ..وطرق الحب ... الحب مو لعبة امتى ما عجبتنا واستحليناها منملكها ..وبس ملينا منا منتركا ... الحب فينا نسميه اعصار .... وئت بدو يجي ما بينطر جواب او بياخد رأي .... بيقتحم روح الأنسان بالقوة ... وبيسكن جوا القلب .... الي بأمن بالحب من أول نظرة ممكن يأمن بالحب السريع ع النت ... بس المهم بالحب هو تحكيم العقل .. وعدم التسرع بالبوح بالمشاعر .. لانو ممكن المشاعر تتبدل وئت يتعمق الواحد بمعرفت الشخص ... ممكن يكون بالبداية في اعجاب كبير بالشخصية والأسلوب والحكي وووووو كتير اشيا ... ممكن نكن مشاعر للشخص هاد ... بس ما نحكم على هالمشاعر دغري انها مشاعر حب .... لانو ممكن تكون مشاعر اخوية او مشاعر صداقة او مجرد احترام ... او ممكن يكون حب .... بس الواحد لازم يكون متأكد انو حب .. بعدين يعترف فيه .. لانو الكلمة بس طلعت من التم ما عاد ترجع ...​

في نقطه كمان كتير مهمه حابه احكي عنا ... انو ربنا خلئلنا عقل لنفكر فيه ... وعطانا القلب لنحب فيه .... ممكن انو نحب شخص ما بناسبنا ابدا بس منحبو ... هون لازم نشغل عقلنا ونخليه هو الحكم بهيك موقف لانو هيك حب نهايتو الفشل لا محاله اذا خلينا قلبنا هو الي يتصرف دائما ممكن نسبب لحالنا دمار نفسي كبير مشان هيك ... حابه وجهه نصيحه ... انو اذا حسيتو انو في مشاعر حب بتكنوها لشخص ... لا تتسرعو وتخبرو فيها .. وشوفو الشخص منيح تعرفو على افكارو مبادئو واهدافو بالحياة ... لانو بالنهاية اذا صار نصيب وتزوجتو ... لح يكون في كتير صعوبة بالحياة من غير توافق فكري وروحي وجسدي بين الطرفين ... لهيك تعرفو منيح ع الشخص وتأكدو من مشاعركم بعدين عيشو الحب على اصولو مشان لا يكون الحب نقطة بعذابكون​

بعتزر ع الأطاله والي عودة اكيدة ​

 

[STELLA]

وفي موضوع الحب بعد الزواج انا مقتنع فيو هلئ انا ضد انو اهلي يخطبولي على كيفهن انا بدلهن بس حتى لو ما كنت بحب البنت اهم الش اخلاقها وانا لما بعرف اتصرف رح خليها تحبني ولما بتحبني رح حبها اكيد

هلئ اذا عم تحكي عن الطريقة التقليدية .....الحب بعد الزواج ممكن يطول لحتى يجي ... لانو بدهن وئت لحتى يعرفو شخصيات بعض اكتر ... مثلا في كتير ناس بتنخطب وبتتزوج خلال ست شهور ... هدول كيف بدون يحبو بعض بعد الزواج بسرعه ... بدا وئت بعتئد


اما عنك فكرتك انت انو انت تدل اهلك ع البنت الي عاجبتك يروحو يخطبوها .. اكيد انت بتكون معجب باخلائها وبتصرفاتها .. مو شرط تكون بتحبا بس بتكون بتعرف بعض اشيا عنا ... بهيك حاله ممكن تحبا بعد الزواج بسرعه وومكن تحبا من ايام الخطبة .... وممكن لما تتقرب الها تكتشف فيها اشيا بتبطل تحبها ... هلئ انا عم بحكي بشكل عام وعم بعطي اكتر من طريق ممكن الواحد يمر فيه ....

بس بالنهاية مو نحنا منختار الشخص الي نحبو ولا بكيفنا منحب شخص عاجبنا بسلوكياتو ... لان هي المشاعر بتخص القلب بالأول والأخير


كل الود


كمان الي عودة ... لانو بصراحه موضوع جدا حلو ... وبينشاف من اكتر من جانب​