ولله انكم غريبين يا بنات حوا

[مشــــ كل ــــا]

ما رح طول ب الحكي عشان ما تزهقو مني
موضوعي و باختصار
ليش لما الشب بيطلب ايميل بنت بترفض تعطي
او لما يعطيها ايميلو بترفض تضيفو
شو يعني الشباب بعبع
ولا مفكرين انو كل الشباب مو مناح
(طيب من الاساس البنت ليش بتفوت نت مو عشان تتعرف على صداقات جديدة )
و متل ما بتعرفو الايميل وسيلة تعارف متلو متل اي منتدى او روم
يا ريت تجاوبوني بصراحة
​

 

[روح الشام]

اي في بنات مابحبو يحكو مع شباب هيك طبيعتن

او بتكون بتحب واحد ومخلصتلو ومابدا تحاكي غيرو

انت لو بتحب وحدة حاكت واحد بترضى او اي شب غيرك

طبيعي انو لأ

والبنت ممكن تكون صداقات كبيرة بس بنات مو ضروري يكونو شباب

وبس :10:

يعطيك العافية

 

[مشــــ كل ــــا]

طيب مشكورة على مرورك اولا
و ثانيا
اكيد الشب مو من الباب للطاقة رح يقلها هاي ايميلي و ضيفيني
اكيد رح يكون ي حكي بينهم بالمنتدى او بالروم
انا الي مستغرب منو انو يعني ليش بالمنتديات و الرومات معلش تحكي بس على الايميل لا
هادة يلي مستغرب منو
​

 

[مشــــ كل ــــا]

يعدين حيرتونا
لما نغار عليكم و ما نحب تحكو مع حدا بتقولو متخلف و معقد
و لما نسمحلكم بتحكو احنا ما منغار و ما منحبكم
​

 

[ZOZ]

والله يا معلم انتي عاطيهون وش زيادة عن اللزوم

 

[مشــــ كل ــــا]

حبيبي يا ابو الزوز
لا بجد عطيني رايك
لانو ولله رايك ب النسبة لالي مهم
​

 

[دموع الورد]

والله انا برايي انو هاي حرية شخصية يعني مو شرط يكون في سبب محدد

ويمكن للاهل يكون في دور يعني احيانا بتلاقي الاخ او الاب ما بحب انو بنتو تحكي مع شباب

وبعدين متل ما حكيت حضرتك بتفوت البنت على الشات لحتى تتعرف وتعمل صداقات بس مو ضروري يكون شباب

يعني البنات مو صداقات وانا شخصيا واحدة من البنات اللي ما بضيف ايميل اي شب عندها لانو بصراحة معظم

الشباب نفس الشي بس للتسلية بيحكو مع البنات وانا واحدة من البنات اللي اول ما ركبت نت عندي بالبيت

صرت فوت على الشات قال يعني شي جديد وبدي شو ف واتعرف على الشات اللي بسمع عنو من البنات بس

بصراحة لاقيت انو كلو حكي فاضي وما بفوت عليه الا اللي فاضي اشغال عكس المنتديات اللي انت بتحكي

عليه لانو المنتديات عم نستفيد منها كتير يعني بنقرا مواضيع وبنتعرف على اراء الناس وكيفية تفكيرهم

وبنتسلى بالالعاب مو باشياء تانية متل الشات


تقبل مروووووووورري
​

 

[مشــــ كل ــــا]

انتو لهلق ما قهمتو علي
طيب رح بسطها لالكم
مثلا بنت بتكون بمنتدى معين بيقوم شب بيبعتلها رسالة ترحيب مثلا
بتق هية بترد عليه و هوة كمان بيرد و هيك بسير في اخد و عطا يعني كلام بينهم و على فترت يومين تلاتة بسيرو رفقة
بس لما يطلب ايميلها بترفض
يلي بدي اوصلو ليش على المنتديات و الرومات مسموح انو تحكي مع الشباب و على الايميل لا
​

 

[نهر الاحساس]

اخي مشاكل بجد انو انت مشكلجي ويللي سماك مشاكل ما اخطأ
مو كل البنات نفس الشي وكزلك الشباب يعني انا من البنات يللي من وأت ما وصلنا نت بالبيت ما دخلت على دردشه مع اني كتير بشوف اخواني داخلين على شات بس انا بعتبرو شي فاضي وما بيدخلو الا الانسان يللي بدو يضيع وقت وانا كمان من الناس يللي ما ممكن اضيف شب على ايميلي او احكي معو ع المسنجر عندي كتير صديقات. ولما امسي على شب بالمنتدى يعني برسائل الزوار بحكي معاه من باب انو زميلي بالمنتدى يعني متل زميلي بالشركة يللي بس شوفو برات الشركة ما بحكيلو غير مرحبا حتى لو بدي ضل اعدة معاه ساعه يعني بالنهاية النا عادات وتقاليد وبيحكمنا الدين

 

[احلى دنيا]

عادي يعني ... بتكون البنت ما بتقدر تتمادى بالعلاقه اكتر من هيك
او انو ما بتقدر تحاكي ايا شب
او يمكن ما بتحب اضيف ايا حدا عالايميل
في كتير اسباب ولازم تحترم رايها للبنت

 

[LOoLoO]

 

[رفاء]

اخي مشاكل هاي حرية شخصية ولكل انسان في مبادء وما بحب يخلفها انت ليش مزعل حالك

 

[ZOZ]

هلئ لئلك رأيي بصراحة انا بالنسبة الي البنت متل هالمتل الي رح احكيه
هلئ ازا كنت وائف ادام الشمس بيكون خيالك وراك مشي لأدام بتلائي خيالك لاحئك اما ازا حاولت تمشي لتكمش خيالك طبعا رح يهرب منك فالبنت حبيبي مابدها الواحد يركض وراها تركها و مشي بتلائيها بتلحئك و حياة الي خلئك ما فيهون بلانا و انا اد كلامي و بتحمل المسؤلية كاملة
بليز صبايا لا تزعلو انا ما عم احكي على حدا محدد بس انا مجرب كتير هالشي​

 

[ĻàĎỷ iЙ ŖẼD]

انتو لهلق ما قهمتو علي ​

طيب رح بسطها لالكم
مثلا بنت بتكون بمنتدى معين بيقوم شب بيبعتلها رسالة ترحيب مثلا
بتق هية بترد عليه و هوة كمان بيرد و هيك بسير في اخد و عطا يعني كلام بينهم و على فترت يومين تلاتة بسيرو رفقة
بس لما يطلب ايميلها بترفض
يلي بدي اوصلو ليش على المنتديات و الرومات مسموح انو تحكي مع الشباب و على الايميل لا ​

:19::19::19::19:
لك عيون امك
هي بيكون اهلها مراقبين ايميلا
يعني ما بيخلوها تحكي مع شباب يعني متلي مسلا
ايميلي مافي ولا شب
ليش اهلي ما بيرضو وبيشووفو مع مين بحكي
ومين يلي مضيوف عندي
اما بالمنتدى
ما بيعرفو اصلا اني مسجلة فيه
فما بفتجوه قدامون
فهمتني يا مشكلجي انت:19::19::19::19:​

 

[نهر الاحساس]

:19::19::19::19:
لك عيون امك
هي بيكون اهلها مراقبين ايميلا
يعني ما بيخلوها تحكي مع شباب يعني متلي مسلا
ايميلي مافي ولا شب
ليش اهلي ما بيرضو وبيشووفو مع مين بحكي
ومين يلي مضيوف عندي
اما بالمنتدى
ما بيعرفو اصلا اني مسجلة فيه
فما بفتجوه قدامون

فهمتني يا مشكلجي انت:19::19::19::19:​

لا مو ضروري يكونو اهلها مراقبين ايميلها انا من البنات يللي ما بضيفو شباب مع اني لو شو ما بدي اعمل ماحد بيعرف وأت يللي بقعد ع المسنجر بكون لوحدي والعكس ما حد بيزعجني من اهلي واهلي من الناس يللي بيمنحو ثقة بلا حدود بس انا دايما بحب اكون عند هدي الثقة وبشغل الرقابة الذاتية لنفسي

 

[رفاء]

هلئ لئلك رأيي بصراحة انا بالنسبة الي البنت متل هالمتل الي رح احكيه

هلئ ازا كنت وائف ادام الشمس بيكون خيالك وراك مشي لأدام بتلائي خيالك لاحئك اما ازا حاولت تمشي لتكمش خيالك طبعا رح يهرب منك فالبنت حبيبي مابدها الواحد يركض وراها تركها و مشي بتلائيها بتلحئك و حياة الي خلئك ما فيهون بلانا و انا اد كلامي و بتحمل المسؤلية كاملة

بليز صبايا لا تزعلو انا ما عم احكي على حدا محدد بس انا مجرب كتير هالشي​

اخي ابو الزوز بدي ازعل منك انت ليه ماخد هدي الفكرة عن البنات مو كل البنات متل بعض وفي بنات كتير محترمين ولما يرفضو يضيفو شب مو لشغلة الحأني بتركك وتركني بلحأك بيكون في مبدأ معين عند البنت وهدي حريتها الشخصية ومو ضروري يكونو و اهلها مراقبينها وانا من الناس يللي ما في عندي رقابة بالبيت ومن هدول البناتيللي ما بيضيفو شباب

 

[جمانة]

و انت برأيك انو الصداقات الجديدة ما بتصير الا مع شباب؟
يعني ما بصير تبني صداقات مع بنات
بظن هالشي حرية شخصية يعني
في بنات بيحبو انو ما يختلطو مع الجنس التاني
مو لعقدة نفسية او شي
بس يمكن حفاظ على ثقة الاهل فيهم
يعني بظن اغلبنا كصبايا
اهالينا ما رح يتقبلو فكرة انو نحكي شب ع النت
مع اني بحكي يعني
بس اوقات بحسها خيانة لثقة اهلي فيني
و بظن كتير صبايا بيفكرو متلي
مع انو العلاقة بتكون اخوية مش اكتر
و قلتلك بالنهاية هي حرية شخصية مو خوف ولا رعب
ممم و يمكن ع الايميل بيصير اخدو عطا اكتر
و على فرجيني صورتك و سمعيني صوتك وهيك شغلات
و انت شب و اخبر مني بامور الشباب
يسلمو ​

 

[مشــــ كل ــــا]

كلكم اراكم حلوة ولله و اعذروني ان حدا اتدايق مني
​

 

[mr_ops]

والله يا اخي برأي انا هي حريبة شخصية ... البنت هي الي بتقبل او بترفض


حرية شخصية ...

وسؤالك انه ليش بالمنتدى بتقبل وعالايميل ما بتقبل لانه يمكن الايميل اخوها بشوفه او حدا من اهله بشوف ايميلها اما عالمنتدى هون حفرنا وهون طمرنا وكلنا هون او اغلبيتنا تحت اسماء مستعارة وفي بنات ما بحبوا يفصحوا عن اسمهم حتى لاي شخص تاني ... مو يعطوا ايميلهم ولا ما يعطوه

 

[مشــــ كل ــــا]

مشكور غالي
​