moment of truth (لحظة الحقيقة )

[Faby]

مبارح وانا سهرانة ع ابيخ مسلسل بالعالم مطلوب رجال
طلعت دعاية البرنامج لحظة الحقيقة وانا مغمضة عين ومفتحة عين من النعس خطرلي
ليش ما بنعمل هيك موضوع عنا بالمنتدى
هو بيشبه موضوع عضو بالمئلاية بس رح طورو شوي
يعني اول شي ما رح وزع دعوات عالمشتركين انما رح افسح المجال للي بيحب يشترك وبنعمل دور
وبعمل لجنة لاختيار الاسئلة يعني مو بس انا يلي رح اسئل وبنفس الوقت مو الكل بيسألو
هاد موضوع تجريبي
يلي عجبتو الفكرة وبيحب يشترك يحط اسمو هون
ويلي بيحب يكون مع اللي بيختارو الاسئلة يتواصل معي عالبرايفت
ولما تكمل فكرة الموضوع بنزل موضوع تاني نعمل فيه الاستجواب ونزل قوانين للاسئلة والاجابة
بتمنى تعجبكن الفكرة

 

[DE$!GNER]

De$!gner
​

 

[Faby]

هلا ديزاينر
وكمان يلي في عندو فكرة بتخدم الموضع يئلي ياها وانا بشوف المناسب للموضوع

 

[ĻàĎỷ iЙ ŖẼD]

انا انا انااااا بدي حط اسئله وبدي كمان ئعد عالكرسي هي ازا فيا دوررات
​

 

[DE$!GNER]

هيك يعني Faby ؟؟؟
​

 

[Faby]

لالا اكيد مو هيك هاد قسم التعذيب للي ما بيعترف
الاستجواب اريح طبعا بيكون ..بنحب نفسية المشترك تكون مرتاحة ولو

 

[B.A.R.C.A]

ايه..ليش لأ..
وأنا بشجعك من هلأ..
بس لو بتعمليه بطريقة الدعوات بيكون أحسن..
لأنو أكيد قلال اللي رح يدخلو المسابقة إذا كانت مو بدعوات..
مجرد اقتراح بتقدري تقبليه أو ترفضيه..
سلااااام..

 

[Faby]

شكرا لمرورك بارشا ...وشكرا للنصيحة كمان

 

[عمر رزوق]

كتير الفكره حلوه


اي شدو همتكو واعملوها​

 

[Faby]

ميت اهلا عمر ..اعتبرك معنا ؟؟؟ نزلك عالدور؟؟

 

[عمر رزوق]

بنفع

مو مشكله

اللي بدك ياه بيصير​

 

[MALAK AL7OB]

حبيت الفكرة كتير ..........ياويل اللي يوقع بأيدك

 

[The Hero]

أنا موافق بس كمان عندي نقطة أساسية ويلي هية أنو ماتكتر الاسئلة
تكون خفيفة
وحلوة الفكرة بالتوفيق
​

 

[آلبتول]

لكن عندي وجهة نظر لهذا البرنامج مع احترامي الشديد لمقدم البرنامج الممثل السوري "زعيم الحارة أبو عصام "
ما هدف ببرنامج كهذا يبيع الشخص كرامته من أجل المال !!
ينشر غسيل بيته أمام الملا من دون أي مبالاة ويصيب لنفسه بالإحراج من الأسئلة الشخصية التي تطرح عليه
صحيح البرنامج قلد بنسخة عربية فاشلة
لكن كانت ستكون ناجحة لو جعلوها أكثر ذكاء وهو استجواب رئسنا العرب
وليس شعبه المضطهد الذي يسعى إلى المال لأي شكل من الأشكال
مـــــــا الفائدة للمشاهد من متابعة أفراد مريضين نفسياً يتم استجوابهم لخصوصياتهم
ويا ليت في الأخير نجد عبرة مكتسبة من ذاك الاستجواب غير أن يربح مالاً وفيرٍ بعدما لطخ وجهه بفضائح قد لا يغتفر لها
"من ستر على مؤمن ستر الله عليه في الدنيا والآخرة " وهؤلاء يجاهرون بفضائحهم !!

وبدلاً أن يقول (اللهم استرنا فوق الأرض، و تحت الأرض، و يوم العرض)
في أي زمن اصبحنا؟؟
هل أصبحت ملاحقتنا للفضائح شيء له قيمة ؟
أم هي نميمة مفتعله من نوع آخر ..!


:
/
طبعاً هذا رائي في البرنامج و بعيداً عن فكرة الموضوع الذي سيتشكل قريباً ويكون مشابه تماماً لفكرة المقلاية

أتمنى لفكرتك التوفيق ​

 

[Faby]

ميت هلا بالكل
ما تخاف هيرو الاسئلة رح تكون قليلة بس بالصميم
صمت الورود شكرا لمشاركتك ..البرنامج انا بالاساس من النسخة الاجنبية الو ما كنت بحبو لانو الواحد بيكسب المال وبيخسر اهلو واحبائو
الفكرة متل ما ئلتي بتشبه فكرة المقلاية كتير
نورتو كلكن

 

[إلهام]

بتمنالك التوفيق
وين بتحبي انا مستعده اكون
واي مساعدة واي تحقيق انا معك
بس انا بحب اسال ما انسال
موفقة حبي​

 

[Faby]

يخليلي ياكي يارب الهام ..اكيد انتي معي بلجنة الانحشار بدون ما تحكي

 

[Tobiza]

الموضوع كتير حلو


بس كيف بدكن تعرفوا ازا قال الحقيقة ولا لاء


ماعنا كرسي بزمر​

 

[Queen]

فكره حلوه كتير بس عن جد كيف بدك تعرفي ازا حقيقه لمى لا

موفقه حبيبتي
​

 

[سِدْرَة المُنتَهَى]

انا رح اتابع بسس
يعطيك العافية