كابوس عبالي حبيبي

[كريستينا]

ياساده ياكرام
ماحدا ما بيعرف غنيه ع بالي حبيبي تبع اليسا
يمكن الاغلبيه بحبها ..ويمكن لاء
ماهي الغنيه من اول ما سمعتها ما هضمتها كتير
مدري ليش
مع انو حلوة وكلماتها روووعة
يمكن ....شبعرفني
المهم ومن دون طولت سيره
بعد كم يوم من نزول الغنيه انتشرت
وكان انتشارها بالشام وكأنها وباااائ
بالنسبه الي حصل التالي
لمن كون بلميكرو الشوفير مطروب
وزروفو كانو صعبة حاطت عليها
وانا اتنكرز منها ومنو ئول لحالي ايمتى رح وصل سكر اداني
ولا شو اعمل ياربي
انزل من هون وفوت ع جامعه واول ما فوت ع القاعه لاحضر المحاضره
الا ورفئاتي حاطينها وجايييين لعندي وعم يسمعوني ياها
كريستي ...كريستي اسمعي هي خيلة
وع ئولت حلووووة ... بتجنن
اسمع على مضض
فوت ع المخبر -
ع الخزن -
اطلع من جامعه ...
امشي بطريئ ...
لك حتى بالبراديو...
كفتريات...
لك لبيت جدي
وصلت وجدي يلي عمرو مابعرف بالتسعين مطرووووب
وحاطت عليها ع اعلا درجة
وعم يئول لستي اتعلمي
كمان بيت عمي وخدو نشاز من ابن عمي صارعنااا طواال الوئت
ويحلالو يمرء ئدام باب بيتنا وهو عم يطربنا بنشازوووو
عبالي دئو اتلة
صارت تلحئني وين ماروح واجي متل ظلي متل كابوس ع بالي حبيبي واكتر ..لك حتى انا ونايمة بتفيئني اختي
بتئلي ئومي ئموي كريستي تسلمي
بتئولي مابتحبيا
انت ونايمة عم تغنيهاااا
شووووو
الله وكيلكن لك علئت بلساني من كتر ما سمعتها اكتر من اي غنيه
صرت غنيها تلقائينا
ولا بديهينا كلمات تطلع لحالها
لحتى صرت اتئبلها وصير اسمعها وبدون اي ازعاج نفسي
ومشي الحال

حابة اعرف رايكم بهالشي
ليش نحنا لما بنسمع غنية جديدة او مسلسل بصير عند البعض هوس وتعلق فيه شو السبب ؟

 

[fofetooo]

مرحبا
هلئ السبب شوو متابعرف بالضبط
بس بتوقع
التغير
كسر الملل
التجديد
الانبهار ممكن
يعني اكيد شي الو علاقة بكسر الروتين

 

[soso moon]

لك لبيت جدي
وصلت وجدي يلي عمرو مابعرف بالتسعين مطرووووب

وحاطت عليها ع اعلا درجة
وعم يئول لستي اتعلمي
كمان بيت عمي وخدو نشاز

من ابن عمي صارعنااا طواال الوئت
ويحلالو يمرء ئدام باب بيتنا وهو عم يطربنا بنشازوووو
عبالي دئو اتلة

هه
غريبه معئول جدي يغني من ايمتى

هو ابن عمي لا تستغربي كلما تطلع غنيه جديده لازم يعلئ عليها

بما انو مابتحبيها هل غنيه رح غنيلك ياها بالبيت ولا يهمك

بس ما ئلتي ليش بتكرهي الغنيه

 

[alqaesar]

في ناس بهما تلحق الجديد وبس

 

[كريستينا]

مرحبا
هلئ السبب شوو متابعرف بالضبط
بس بتوقع
التغير
كسر الملل
التجديد
الانبهار ممكن
يعني اكيد شي الو علاقة بكسر الروتين

مرسي الك فوفيتو
يمكن كلامك مزبوط
بس كسر الروتين لا ما هاد بعتئد من روتينهن انو يلحئو كل شي جديد ولو كان بايخ
ومرسي على مرورك اللطيف

 

[كريستينا]

في ناس بهما تلحق الجديد وبس

اهلين بلقيسر
صحي مو الكل بس الجيل المطئتئ يلي طالع
وهتعليئ يلي بعلئوووو ع غنيه او شارة مسلسل
كل شي جديد بيلحئ الجديد
مرسي على مرورك

 

[كريستينا]

هه
غريبه معئول جدي يغني من ايمتى

هو ابن عمي لا تستغربي كلما تطلع غنيه جديده لازم يعلئ عليها

بما انو مابتحبيها هل غنيه رح غنيلك ياها بالبيت ولا يهمك

بس ما ئلتي ليش بتكرهي الغنيه

احلا سون
كنت اكرها لاني حسها مايعه للمايعين بس مشي حالنا وخلصنا من ازعاجها
مرسي الك سون علمروووووور

 

[إلهام]

هو في منو حكيك
بنركز عجديد وهاد شي طبيعي
المتل بيحكي كل جديد
والو فنه او رقصه
بس مو كل جديدطبعا
الشي الي بيناسب معتقداتنا ومزاجنا
وقريب جدا منا بنهتم في
بس شوي شوي
ببلش هلاهتمام يخف ويختفي
بنسبه للغنيه عبالي انا ماحبيتها بلمره
برغم من انو اليسا اغنيها مقبوله الي

شكرا الك عطرح

​

 

[mahmoud salih]

بالنسبة لسرد الموضوع ...فهي سردة موفقة


انا للكابوس ...فهي حال العرب مو شغلة جديدة ..في احدى الأيام دقيت لانسان معرفة واذا بسمع من خلال الرنة هالغنية

قلتلو كيف أنت رجل وبدك تلبس أبيض

عجبي علينا كلنا

 

[القناص]

اي وانا صار معي هيك
وصرت ما احكي ع الموبايل لان ماشالله الكل حاطا رنة بغنية
يعني كنت وين ماروح لاحقتني
ولحد الان عم اسمعا من العالم
شي حلو الواحد يلحق الجديد بس مو يعبدوووو


مشكووورة

 

[Bilal Mohammad]

طريقة طرح الموضوع كريستينا .. كتير حلوة

بالنســـبة لصلب الموضوع فهي عادة العرب بس يشوفو شي جديد بصير الكــــــــــــل بدو ينمعط فيه
ان كان لبس او اغنية او او او او ...... الخ

مشان ما يعتبروه انو هو جاهل .. او دقة قديمة


شكرا كريستينا

​

 

[RaNoSh]

يعطيكي العافية كريستينا عالمقدمة

أما عن نفسي أنا

فكل شي جديد ما بحبو لحتى اتأقلم عليه

وبالنسبة لألبوم إليسا كلو ما حبيتو لحتى متل ما قلتي صار غصب عنا لازم نحبو

وعنجد أول الشي بتحسيها الغنية للمايعين فقط

ومشان الجديد و كسر الروتين و مدري شو

فأنا أكره التقليد الأعمى

إذا الشغلة مو عاجبتني وحتى لو كانت موضة أو هيك شي

ما بقرب عليها بالمرة

و ميرسي الك مرة تانية



​

 

[كريستينا]

بالنسبة لسرد الموضوع ...فهي سردة موفقة

انا للكابوس ...فهي حال العرب مو شغلة جديدة ..في احدى الأيام دقيت لانسان معرفة واذا بسمع من خلال الرنة هالغنية

قلتلو كيف أنت رجل وبدك تلبس أبيض

عجبي علينا كلنا

مرسي الك
وبجد شي بضحك .... منيح مائلك ما في بدله بيضه !!!
عن جد نهفات ... شي بئلك هي بهديكي ياها وشي بحطها نغمه ....
مرسي على مرورك اللطيف

 

[كريستينا]

اهلين بلورده
كلك زوووووووئ ومرسي كتير على مرورك الحلو


واهلين بلقناص افندي

شي حلو الواحد يلحق الجديد بس مو يعبدوووو
مشكووورة

صح اللسانك ..
ومرسي ع مرور

 

[كريستينا]

اهلين بلباشا ..سايلنس..
هاد من زوووووووئك تسلم

مشان ما يعتبروه انو هو جاهل .. او دقة قديمة

بهي الحركه شو بدنا نؤل عليهن دئة جديده ولا دئة ظرافه ومياعه...
ما ناس صارت تسوئ متل مو بسوئ
مرسي على ردك يلي مافي متلو بسوئ
.
.
.

واهلا بسي روز خانوم
بجد معك حئ
وعيني ربك عيني ماهاد شي المزبوطوكل لازم يعملو
ما حدا بيصير بينزعج من حدا
احيانا بكون الواحد بحبها بيبطل وبيصير يكرها بزياده من وراهن
ومرسي الك خانوم على مرورك وردك زريف
وكل يلي رد نور بمشاركتو

 

[ندى القلب]

والله انا ماعندي هوس بالاغني بس في شغلات بحب اسمعها اكتر من غيرها

ومادخل جديده ولا قديمه

يسلموو​

 

[احساس انثى]

انا حبيت الغنيه اول مانزلت
بس هلئ اذا حدا بحطا بقوم بعملو قتله​

 

[نيرفانا]

ليش ياعمري بس هالغنية يلي صرعونا فيها

وفي غنية متجاكرة من يلي غناها وجاي عبالي دئو ئتلة حشك ولبك هاد يلي اسمو محمد اسكندر يبعتلو حمى هوي وغنيتو جمهورية ئلبي مافي حدا من العالم ما عم يتمتم فيها اي صرعونا فيها ويا ريتها حلوة
​

 

[المستشـــار]

والله قولتك كل شي جديد بيضرب وبعدين بينخفى حسو .. ما بعرف شو جاوبك بس السر هو الطبع البشري

 

[كريستينا]

اهلا بندوشه

والله انا ماعندي هوس بالاغني بس في شغلات بحب اسمعها اكتر من غيرها

ومادخل جديده ولا قديمه

يسلموو​

يسلمو على مرورك
نورتي