عكــ البيلسان ــيد
سيد الياسمين النـائب العام
- إنضم
- Oct 8, 2008
- المشاركات
- 7,935
- مستوى التفاعل
- 144
- المطرح
- شـــــام شـريف
كنت دائماً بتخيل المشهد التالي: شباب و رجال معتقلين و أهلهم عم يستنوهم خارج أسوار المحكمة كرمال يكونوا بستقبالهم لما يطلعوا و مشاعر جياشة و دموع الأمهات و الذي منه، لكن اتضح لي ان الكلام بزمان الثورة السوية و تحديدا بالشام، يتجاوز حدود التوقعات و المنطق.حيث في زمان خارج حدود الزمان و مكان خارج حدود المكان شهدت اطلاق سراح ام أحمد و أم معتز و أم عبدو و أم و أم أو أم... صبايا من مختلف الأعمار، و شاهدت شبابا و رجالا ينتظرون الإفراج عن أمهاتهم و بناتهم لحتى يستقبلوهن خارج الأسوار.ما بنكر اني شاهدت امهات أخوات رجال كمان عم تستنى ولادها المعتقلين، بكل شموخ و كبرياء -صناع الأبطال- الله يحميهمن.
بالرجعة لبداية قصتنا من كم يوم تم اعتقال ما يقارب 10 من حرائر دمشق, هدول النساء اعتقلوا تعسفياً من الشارع، لأنهن كانوا عم يخلصوا ولد صغير عم ينضرب من قبل الأمن، لكن نخوة و عزت نساءنا رفضت الظلم و رفضت تشوف ولد عم يتعامل بطريقة وحشية و يعملوا حالهن ما لهن شايفين -يا عيب الشوم على هالجرم الكبير يلي بيستدعي الاعتقال- وبنفس الوقت و المكان يلي هنن كانوا فيه عم يخلصوا الولد كان في رجال و كانوا عم يطلعوا, بس عاملين حالهن مالهن شايفين, خايفين و علماً اني ما بحب جور على الخايف, بس انو تشوف ولد أو بنت او حتى رجّال عم ينضرب و تعمل حالك مالك شايف، ساعتها انا و غيري منسميك "ما فيك دم" مو خايف!الشي يلي بيزعل كتير ليش نحن بالشام بالذات ثورتنا قائمة على الشباب الصغار - طلاب الجامعات - و النساء؟؟؟
الرجال وينهم, ليش الشب وقت بيصير عمره فوق ال30 بتقل النخوة بدهم؟؟طبعاً إلا من رحم ربي وين الإيمان بأنه "لن يصيبنا إلا ما كتب الله لنا" و أنو العمر مكتوب و الرزق من عند رب العالمين وحده, وين العنفوان و رفض الذل؟؟لاحول و لا قوة إلا بالله6-11-2011 شام
بالرجعة لبداية قصتنا من كم يوم تم اعتقال ما يقارب 10 من حرائر دمشق, هدول النساء اعتقلوا تعسفياً من الشارع، لأنهن كانوا عم يخلصوا ولد صغير عم ينضرب من قبل الأمن، لكن نخوة و عزت نساءنا رفضت الظلم و رفضت تشوف ولد عم يتعامل بطريقة وحشية و يعملوا حالهن ما لهن شايفين -يا عيب الشوم على هالجرم الكبير يلي بيستدعي الاعتقال- وبنفس الوقت و المكان يلي هنن كانوا فيه عم يخلصوا الولد كان في رجال و كانوا عم يطلعوا, بس عاملين حالهن مالهن شايفين, خايفين و علماً اني ما بحب جور على الخايف, بس انو تشوف ولد أو بنت او حتى رجّال عم ينضرب و تعمل حالك مالك شايف، ساعتها انا و غيري منسميك "ما فيك دم" مو خايف!الشي يلي بيزعل كتير ليش نحن بالشام بالذات ثورتنا قائمة على الشباب الصغار - طلاب الجامعات - و النساء؟؟؟
الرجال وينهم, ليش الشب وقت بيصير عمره فوق ال30 بتقل النخوة بدهم؟؟طبعاً إلا من رحم ربي وين الإيمان بأنه "لن يصيبنا إلا ما كتب الله لنا" و أنو العمر مكتوب و الرزق من عند رب العالمين وحده, وين العنفوان و رفض الذل؟؟لاحول و لا قوة إلا بالله6-11-2011 شام
التعديل الأخير بواسطة المشرف:
.gif "وردة وردة*")
يروح فيهاا بخرمشة من النسورة
