)( البلور ملبع .. شدّي إيدك )(

[روح الشام]

... مرحبا ...

من زمان كان في عبيد ... زنوج ... و كان الإنسان يستطيع أن يمتلك زنجي ... و لاحظوا كلمة امتلاك ...

و كان في شي اسمه عتق رقبة ... ظلم و قهر و استغلال الإنسان لاخوه الإنسان ... يعني الفقر و العرق تحكموا بالبشر وقتها ...

اليوم ما تغير شي ... الاستغلال موجود ... و العبودية تغير شكلها فقط ...

الخدم و الخادمات ... في زيارة لأحد البيوت كان في خادمة ... سيدة البيت رغم قلبها الكبير و تدينها ... رفضت جلوس الخادمة إلى مائدة الطعام ... حتى أنها لم تعطها طبق إلا بعدما انتهينا من الأكل ... و طبعاً بقايا و ستأكله في المطبخ ...

استغربت ... يمكن تقولوا بعدين رح تاخذ وش إذا سمح لها بالجلوس للمائدة ... بس في شغلة لما نسمح لإنسانة بالدخول إلى بيتنا معناها في نوع من الثقة ... يعني ما فيها شي إذا اعتبرناها من أهل البيت ...

و لاحظت أنو عم تخليها تشتغل طول الوقت متل الآلة ... يعني مع أنو ما في داعي للتنظيف بس ما بدها أنو تخليها ترتاح ...

بصراحة ... بكل الأحوال الخادمة إنسانة و لازم نعاملها على هذا الأساس ... أنتو شو رأيكم .؟.​