الله حاميها..!!

[Yara]

سرقوا عطرك..درعا..وسواد ليلك غفي ع ريحة دم بشعة وحرقة

قلب ما بتنطفي

وفجرك يا لادقية صحي ع طلقة رصاص من رشاش مدري بارودة حرب

من الذاكرة ما رح تختفي

حاراتك حزينة سوريا ع كتف مين بدا تتكي..وياسمينك يا شام

غصتو كيف بتنشفي

الجرح غميق ببحرك يا لادقية الدمع صار غريق

ورجالك يا بلدي وقفوا وقفة عز وطار من شفافن الحكي

الشهقة تعمشقت بالروح والروح كيف بترتوي

لا تزعلي ام الشهيد ..شهيدك ما راح رخيص شم الورد وضمو وحلفك لا تشتكي

حلب حطت بقلبا حرقة وحمص مستنية الملقى والفتنة عملت فرقة

ويا روح لا تعتبي ..بدي بلدي ترجع تغني وتتحول ايامنا لجنة

وما يعود حدا يسألني ليش البكي..رح نحاول ننسى هدوئنا لتعكر وننطر

حلمنا بركي بيكبر وبيتغير ونبعد الايد الخارجية لعم تستنى وندعي

للكل انو يهتدي..بهالخربشة الزغيرة رح اكتفي ..بركي هالغيمة بتنجلي

وبتضلي رافعة راسك يا بلادي و ما بتنحني
​

 

[دموع الورد]

ندعو لك ِ يا سوريا ربي يحميك ِ من كل سوء

والله يرحم الشهداء يا رب


​

 

[ĻàĎỷ iЙ ŖẼD]

الله يحملينا سوريا
كلمات رائعه شكرا ئلك يارا
​

 

[أيلول]

كم كان الجرح مؤلماً لغزة
فسوريا منها وجرحها هو جرح غزة
كل ألم تمر به سوريا هو قاتل لغزة أكثر مما سببه اليهود لها

خالـــــــــــــــــــــــص عزائنا في من سقو أرضك يا سوريا بدمائهم
رحمهم الله جميعاً وصبّر ذويهم وألهمهم الصبر والسلوان
وعادت إلى أنفاسك ياشام رياح الأمان والطمأنينة والحرية

يــــــــــــــــــارا تعلمين أن أحرفك هي الأثمن والأغلا على قلب غزة
أزال الله همك يا صديقة
​

 

[عكــ البيلسان ــيد]

سورة يا أم الضفاير,ما بينضام ع جبالك هالمهر الغاير.
ناديتيناو نحنا جيناعلى موعدنا, حبيتينا و حبك فينا بيجددنا,
ما بتنضام ريشة من طيرك هالطاير,
وياهالشام ما بيتغبرلك ضفاير. يا شــام
انتِ قلب العرب النابض.
كنتِ ولح تبئي شام العرب حاضنة للسلم

ولح تبئي عطر الحب تنفحُكِ نسائم الياسمين والحبق

يا شام يا شامة الدنيا وزهوتها
​

يسلم ترابك ياشام...
​

​

 

[Yara]

هم ارواح رفعت اعمدة الوطن

وان رحلوا سنبقيهم حاضرين واحياء تحت قيد الذاكرة

لنثبت لهم ان الوفاء سفينة ودمائهم ربانها

اشكر كل من مر هنا..ولندعو الله ان يمطر هذا البلد برحمةٍ منه

فتطهر ما يستحق
​

 

[yaaan]

لا إله إلا الله محمد رسول الله​

 

[Yara]

لا إله إلا الله محمد رسول الله​

نورت..

كل الود
​