المرحلة الثانية (( مسابقة عريس المنتدى ))

[Life of the soul]

اي شو هااااااد لك انوس
خطبة بتجننن والله :10:
عئبال ما انشوفك عريس ونفرح فيك
​

 

[Senior Anas]

كلك زووووووء غنى من تحت لفووووء من الكعب للبكلة وعئبالك يا رب

 

[سِدْرَة المُنتَهَى]

اي شو هاد انوووووس
نيالها العرووووووس :10:​

 

[Senior Anas]

ايمان

كلك زووووووووووء

 

[حسام الحلبي]

تحية بيلسانية للجميع وشكرا لكل مين صوتلي لحتى قدرت أنتقل للمرحلة التانية ​

​

المهم وصلنا ياسادة ياكرام عند نهاية اللقاء الأول يلي جمع بيني وبين حبيبتي ويلي قدرت فيه بوقت واحد اعترف بحبي الها وأني أطلب ايدها..........بعدين كل منا راح بطريق لأنو مافينا نمشي سوى منشان مايشوفنا حدا من أهلها وبطريق الرجعة عل البيت ( لأني كنت أجازة بيومها ) كان قلبي عم يدق بشكل سريع
وشاءت الأقدار والأشغال أنو مانحكي سوى لبعد يومين وطبعا عل الايميل لأنو صعب كتير نحكي ع الجوال منشان اهلها مايحسوا على شي قبل ما أحكي فيها بشكل رسمي وكلمة منها كلمة مني وبدون تردد قلتلها ايمتى فيني شوف أبوكي هي سمعت هالكلمة عالمايك سكتت ثواني وأنا سمعان صوت لهتتها وحاسس بحرارتها ارتفعت من سؤالي فقالت ( تشوووووووووف بابا ؟؟؟ ) جمعت بكلمتها تلات حالات المفاجأة والفرح والاستغراب لأنو البنت بتفرح كتير لما ينحكى فيها بشكل رسمي و بضل الخوف لاحقها ليوم الخطبة والاستغراب لأنو البنت بمجتمعنا السوري خاصة تعودت تسمع من الشاب السوري أقوال وبس بدون أفعال متل ( حبيبتي _ اشتقتلك _ بكرة بدنا نتزوج ) ووقت يصيروا بالجد بقلها ( ظروفي ماتسمحلي بالارتباط حاليا ) :80::80: يعني بفلسع بمعنى أخر لما يقول الشب للبنت بدي شوف أبوكي تعتبر كلمة شرف أنو أنا بالفعل هدفي الحلال
المهم اتفقت معها بس تقدر تاخد موعد من أهلها ( بحجة أنو أنا أخو رفيقتها بالمعهد وهي مابتعرفني ) أنو تبعتلي رسالة ومانحكي سوى ليوم الخطبة ............... مرت بعدها عشر أيام لاحس ولاخبر وفجأة وأنا بالشغل وفكري عم ياخدني ويوديني :80::80: فجأة بيرن جوالي لتنبيه عن رسالة واردة فتحت الرسالة وكان كل شي مكتوب فيها ( أهلي عم يستنوك أنت وأهلك الخميس الساعة 6 ) وكنا بيوم الاثنين وكنت مخبر بابا وماما مسبقا عن إعجابي بزبونة بتجي لعنا عل المحل ( كذبة بيضا لأنو أهلي كمان متشددين ) كان معي 3 أيام لكون جاهز وقلت لحالي يلا أبو شادي حاجتك شانق الكيس ( بمعنى حاج بخل ) أمرك لله نزيل لعند ملبوسات 400 وخدلك طقم وبالفعل هاد يلي صار طقم أسود قميص أبيض كرافة ( خيلة ) بوط مرتب صاروا بالكيس طقينا حقهن مافتح ورزق ( مو خسارة كرمال حبيبتي فوفو ) طقم متل يلي بالصورة ​

​

وكملت الشوبينغ عند عطورات الغبرة وطلبت منو زجاجة هوغو بوس ( عطر رجالي ) وزجاجة هاواي ( عطر نسواني للخطيبة أم شادي مستقبلا )​

​

ومريت لعند أبي عل المحل ووصيتو على علبة حلو عربي فاخرة ( باعتبارو حلواني ) منشان بيت حمايي بالفعل طرئني بهدلة وقلي ( شو نسيت المصلحة هي مصلحة بيت الحلبي من سابع جد ) وباعتباري مهذب قلتلو أمرك وفتحت علبة فاضية ورتبت فيها ( المبرومة والكول وشكور وأصابع الست ووو .............. )​

​

ومضيت الشغلة وصرنا صباح يوم الخميس كان جاهز كل شي تقريبا ماضل غير قصة الشعر وفورا لعند الحلاق حمزة صديقي قلتلو توصى ...... هلق بحسن قول جهزت كل أموري وصارت مية مية وعلبة الحلو مغلفة بورق هدايا والعطر تبع فوفو كمان وطبعا العريس محبوب الجماهير بالطقم الأسود والساعة السودا خفت نزلت الصورة مشان ما يصير في حالات إغماء لبنات المنتدى وانطلقت أنا وأبي وأمي وأختي لعند أهلها دقينا باب بيتهن ع الساعة 6 إلا خمسة تماما فتح الباب عمي وقال أهلا وسهلا دخل أبي أولا بعدين أمي وأنا وأختي وراهن سلم أبي على عمي كان أسمو أبو محمد وأمي سلمت على أم محمد وأنا سلمت عليهن وقعدنا وعطيت مرت عمي علبة الحلو فقالت ( ليش معذب حالك ) قلتلها (ولو مافي عذاب مرت عمو مشان واجبكن ) قعدنا صار سلام وكلام بين أبي وعمي وبين أمي ومرت عمي وأختي سحر الشرق عم تهديني لأني كنت متوتر شوي وبعد عشر دقائق ندق باب الغرفة مرت عمي قالت ( فوتي حبيبتي ) فاتت فوفو وكانت لابسة طقم جينز وتحتو قميص بني وحجاب أبيض




مع خدود مزهرة تزهير خفيف :10::10:وقدمت القهوة كانت الفناجين عم تتأرجح بايدها من كتر الخوف ووجهها أصفر قعدت مقابيلي وأنا من خجلي مو قدران طلع فيها بها اللحظات ابي قطع الهدوء
وقال ( شوف أخي أبو محمد اجيناك اليوم وطالبين منك ماتردنا خايبين ) رد أبو محمد بكلمة وحدة وبصوت أهل العمارة ( وصلت )
أبي : ( بدنا نطلب أيد المحروسة بنتك لأبنا حسام بعد ماسمعنا عنكن وعن عيلتكن كل شي طيب )
عمي : ( ونحنا النا الشرف بمناسبة بيت الحلبي بيت الكرم والجود بس كمان بدي أسأل الشب كم سؤال عمي حسام شو بتشتغل ؟؟؟ )
أنا : ( والله ياعمي بشتغل بياع ألبسة نسوانية بالطلياني وكافيها الله الحمد لله)
عمي : ( وانشاء الله عندك بيت )
أنا : ( في بيت عل العضم بزملكا وشوي شوي عم أكسيه )
مرت عمي ( حماتي ) تلون وجهها يمكن ماعجبها الحكي :80: :80: فدخلت عل الموضوع
وقالت : ( أي ابني وقديش بدك لحتى تخلص كسوتو )
أنا : ( يعني حسب التيسير مرت عمي )
مرت عمي : ( ابني ماشي الحال مع أنو زملكا بعيدة شوي بالسيارة شي ربع ساعة بس ماشي الحال شو مشان حقوقها )
أنا : ( أي حقوق ؟؟؟ )
مرت عمي : ( له ياأبني سلامة عرفك المقدم المأخر ملبوس البدن بأي صالة العرس )

أمي ( تكرمي أختي أم محمد باذن الله مابتكونوا الا رضيانيين )

مرت عمي : ( أختي أم حسام أختها يلي أكبر منها مازوجتها الا أحسن جوازة العالم كلو حكى بجوازتها شهرين سلامة خيركن يعني أنا بدي 200 ألف ليرة سوري مقدم 200 مأخر 150 ملبوس بدن ( يعني جهاز البنت من ملابس وخلافو ) )

أمي : ( والله يابنت الحلال ماعم نشوف هيك مبالغ لجوازات العالم )

مرت عمي : ( يوه لك أم حسام الدنيا كل مالها عم تغلي )

أبي : ( يا أختي أم محمد قال عليه الصلاة والسلام : ( من جائكم من ترضون ينه وخلقه فزوجوه )

الجميع : ( عليه الصلاة والسلام )

وضليت بامتحان شي ساعة وأنا وأبي وأمي نجاوب عل الأسئلة ماخلينا شي ماحكينا فيه لحتى وصلنا لأمور وسط ترضي الطرفين ( 150 ألف مقدم غير مقبوض _ 200ألف مأخر _ 100 ألف ليرة ملبوس بدن )

ضل شي مهم اسم الصالة يلي انتهت القعدة وماتفقنا على اسم لأنو عم تختار حماتي أفخم القصور يلي بالشام ويلي بتوصل سعر اقامة حفلة لليلة وحدة فيها للمئة ألف ليرة وطلبت حماتي بنفسها أنو تنزل عالسوق وتختار غرفة النوم وبدها تروح تشوف البيت وتكسيه على كيفها صار شوية خلاف بين أهلي وأهلها على أمور ثانوية سطحية لا بتقدم ولا بـتأخر استغليت أنا وفوفو خلافهن وقعدنا نطلع من تحت لتحت ببعض وكان أخر الكلام من عمي : ( انشاء الله بيصير خير ) وقد مادخت من الأسئلة نسيت أعطي فوفو الهدية لأخر القعدة وقبل مانطلع بخمس دقائق من عندهن ومشينا بانتظار الرد من أهلها ​

هاد يلي صار وهي روابط المواضيع :

الأول بقسم معلومات عامة واسمو الشباب في قائمة أكثر 100 شخصية مؤثرة في العالم وهي اللرابط تبعو http://albailassan.com/vb/showthread.php?goto=newpost&t=24359

والتاني بقسم الكمبيوتر والانترنيت واسمو أفضل الخطوط العربية والانكليزية لجهاز بروابط مباشرة وهي الرابط http://albailassan.com/vb/showthread.php?goto=newpost&t=24435


​

ألقاكم بالمرحة التالتة اذا صوتلي

يتبع ....................................​

​

​

 

[البحر الهائج]

الله يعطيك العافية خيو حسام محبوب الجماهير على الاداء الرائع واللقاء الجميل
وانشاء الله ربي بيوفقك ويهنيك وانشوفك عريس عن جد ونفرح فيك ​

 

[حسام الحلبي]

الله يعطيك العافية خيو حسام محبوب الجماهير على الاداء الرائع واللقاء الجميل


وانشاء الله ربي بيوفقك ويهنيك وانشوفك عريس عن جد ونفرح فيك ​

بشكر مرورك اخي الكريم وبتمنى أنك تقرا جميع مشاركات المتسابقين بتمعن وتعككى صوتك للحبكة الدرامية الأفضل

 

[§ Lισи Hεαят §]

أنوس وحسام يسلمولي العرسان
مع أنو حسام ساررقلي بارفاني

بانتظار باقي العرسان
​

 

[museumoflove]

رائع أنس دايما البداية معك وبتالق معروف عنك
بالتوفيق ياغالى


محبوب الجماهير

الحمد لله انك ما نزلت صورتك :19:
مشان سيارات اسعاف المنتدى كلها مشغوله:19:
مين راح نقل الصبايا المغمى عليهن:19:
:19::19::19::19::19:

واقعى فى كلام كتير ورائع سردك للقاء

بالتوفيق يا غالى

​

 

[shadoo]

أنـــــــــــــــــس لقاء رائع بهنيك وإلى الأمام دوما

حسام محبوب الجماهير أبدعت إلى الأمام دوما

بتمنالكم التوفيق دائما​

 

[سِدْرَة المُنتَهَى]

كتيـــر حلــو لقاءك حســام
وشغل الحموات بدأ معاك من اول يوم
بالتــــوفيـــق ​

 

[حسام الحلبي]

كتيـــر حلــو لقاءك حســام

وشغل الحموات بدأ معاك من اول يوم

بالتــــوفيـــق ​

رأيك وسام على صدري بتمنى شوفك بالتصويت ابتداء من مساء الغد

 

[قيــ الروح ــثارة]

خفت نزلت الصورة مشان ما يصير في حالات إغماء لبنات المنتدى




:19::19::19::19::19::19:

لقاء حلو حسام
بالتوفيق الك ولأنس ولباقي العرسان ​

 

[حسام الحلبي]

خفت نزلت الصورة مشان ما يصير في حالات إغماء لبنات المنتدى​

:19::19::19::19::19::19:​

لقاء حلو حسام

بالتوفيق الك ولأنس ولباقي العرسان ​

فتون شكرا على وقتك يلي عطيتيني يا بقراءة اللقاء الثاني​

 

[Senior Anas]

تحياتي للكل تسلمو كلكن زوووء موفئ حبيبي حسام

 

[museumoflove]

​

 

[حسام الحلبي]

قريت كل مشاركة سنيور أنس عنجد رائعة ومكتوبة بدقة بتمنالك كل التوفيق بحياتك العاطفية والتوفيق بالمسابقة​

 

[حسام الحلبي]

وين مشاركات باقي العرسان :

أبو المر _ ضجيج الصمت _ فارس نحنا بالانتظار وينكن​

 

[دلوعه وكلمتي مسموعه]

برافو انوس كتر حلو
حسام كمان كتير حلو موضوعك
يعطيكن العافيه شباب .. نشالله الكل بصوتلكن
بس وين البائي .. بالتوفيق للجميع ​

 

[shadoo]

يعني مالقيت مشاركات تانيه
فقررت إشكر أنس وحسام مره تانيه
لقائكم رائع بتمنى لكم التقدم​