شبابنا بين الرجوله والميوعه ..!!

[روح الشام]

بسم الله الرحمن الرحيم

السلام عليكم ورحمة الله وبركاته

الشباب تعودوا على رفاهية الحياة و على نعومتها
الجرئ وراء مصطلح الأستايل و البرستيج المأخوذه من الغرب
و التقليد الأعمى دون الوعي او التفكير
كثيراَ ما أصبحنا نرى الشباب . . فمن التمايل في المشية
إلى الجري وراء البنات
إلى التطاول في الاخطاء . . إلى الجهل
إلى نسيانهم للصلاة . .
إلى استفحال الميوعة فيهم
إلى سماع صوت اللبانة وهي تطقطق بين فكيهم . .
الى تطويل الشعر الي ما تحت الاكتاف...
إلى أستخدام مستحضرات التجميل وإستعارة التيشرتات من أخواتهم
كل هذه الاشياء . . نسميها " ميوعه" . .

​

عموماَ. .​

ما التداعيات والأسباب في ميوعتهم !!؟؟ وابتعادهم عن رجولتهم . . !!؟؟
الاسرة أم المجتمع . . !! أم ماذا . . !!.. أم التقليد الأعمي دون وعي ؟
و اين الجمال في صبغ الشعر و قصات الشعر الغريبة ؟
صارو انعم من بعض البنات و ينافسونهن في الدلع والميوعه ؟؟​

 

[Pure Feelings]

هلأ مو كل الشباب هيك
يعني اوكي الشب يتموض بس مو يصير طنط
يتموض بس بعقل ووعي
يعني يحافظ ع رجولتو
مو يروح يغسل قدرو
بتوقع الحئ ع الشخص نفسو و قناعاتو وابتعادو عن دينو
وتانيا ع الاهل بالاول تالتا ع المجتمع
انو بدو يكون متل فلان وعلان

وشكرا سوساية :Albilsan (115):

 

[mode-dado]

هلأ هوه حئك تحكي هيك بس رح جاوبك وبتمنى تفهميني

الرجوله مو يلي بيضرب وبكسر وبيخلق مشاكل.....

الرجوله هي بالعقل بالفهم وأنو الواحد يعرف يتعامل مع البشر والعلم

بالنسبه للشعر الطويل أنا شعري طويل وبهتم في كتير

الجماليه للشب والأناقه شي حلو ويلي بقلد مشي البنات وبطق طق باعلكه هاد مورجال
هاد شاز وطبعا في شباب بطقطقو بالعلكه عن مزح أو ضحك

الأهتمام بالبشره هي مو بس للبنات هيه للشب والبنت لأنو هاد شي الله عطانا يا لازم ننتبه عليه أنا كل أسبوع بعمل حمام بخار وبحط بماء البخار
بابونج لأنو كتير فيها فائده للوش

بس في شباب بزودوها متل جماعة يلي بظبط حواجبو ومن هل قصص

الشب الأنيق :أنيق بكلامو برجوليتو وبعلمو والعلم سلاح وشكلو لازم يكون مرتب
الصلاه: هي مفتاح هل دنيه إذا ماقربنا من الله ما مننجح وإذا نجحنا الله عم يمهلنا ويلي نيتو طيبه الله بيحميه

أنا فهمت قصدك ع مين عم تحكي بس مو كل شب وقف عالمرايه وطول شعرو صار مايع

وصدقيني الغرب بموت وبعيش ومابصير متلنا

يسلمو ع موضوعك الحلو

 

[Queen]

اولا شي ... مو شرط انو شب شعرو طويل او مصبوغ او عامل قصات غريبه انو مو رجال ياما كتير مو عاملين هيك بس ما عندن رجوله .....

انا مع انو الشب يهتم بستايلو (خصوصي بشعرو ) لانو مو حصرا للبنت بس اكيد بحدود معينه ويكون متمسك برجولتو يعني ما ينسى انو في اشياء خاصه للبنات ....

يا ريت المشكله وقفت عالشعر وبس كمان طريقة اللبس وطريقه المشي وطريقة الحكي

انا بتصور انو البيئه يلي عايش فيا إلا دور كبير ....وكمان يلي ناقص عقل بيكون عم يقلد الغرب لانو لو بكامل عقلو ما كان قلد عليهن لانو هنه ما بعمرن فكرو يقلدو علينا بشي ...

وهاد هوه الهدف الاساسي للغرب تغيير الشب العربي ....

يسلمووو عالموضوع الحلو​

 

[بلسم الشام]

كان لازم يكون العنوان

الشواذ والميوعة

شبكون عالشباب طولو بالكون

والله شبابنا فحولة وحمشين ومثقفين

يلي عم تحكي عنهم أسمهم شَنات
​

 

[المستشـــار]

باختصار

قلة دين
سوء تربية ولا مبالاة من الأهل
الإعلام وتأثيره السلبي

هلأ ( المياعة بحد ذاتها تطبع وعدم انتباه لهذا التطبع نتيجة لسوء التربية)

 

[عااشق الغروب]

والله ياجماعة الشباب العربي عم يحاولو يوصلو للغرب بطريقة عيشتهون
عم يحاولو يتعلمو من الحضارة الغربية
بس للاسف نسوا ياخدو شي مهم من الغرب واللي هو التقدم العلمي اللي عندهون
وما ئدرو يحصلو من الغرب الا على الميوعة
ميرسي على الموضوع الحلو ​

 

[The Don]

هو حلـــــــــو الشب يكون أنيق ويهتم بمظهروا بس مو يزرودها ويسوق فيها

ويظبط حواجبو ومن هالعلاك الفاضي .............

والله الشب مو حلو عليه الشعر الطويل لأنو هلق اذا انا طولت شعري صرت متلي متل البنت

اصلاً البنت لما بتشوف هيك واحد ما بتحترمو ......... صح ولا لا ​

 

[mahmoud salih]

شباب بس هاد ما بينكر ابدا ...في انسياق خطير وراء كلشي حكيتو ...

والحقيقة الموضوع أصبح بكارثة ....وانتشر بشكل من الصعب جدا أعادة الامور كما يجب

فئة معينة من المجتمع شوهوا بكل سفالة صورة الشب الراقي ..نأسف لهذا الكوكتيل المخلوط بقلة شرف مع غياب الرجولة​

 

[Chantal]

الأبناءأمانه وسيسأل الله تعالى الوالدين عنهايوم القيامه ولذابرأي البيت أول مكان مسؤؤل عن تربية الفردفمتى ماغرس الوالدين التربيه الدينيه في نفس الطفل من الصغروغرست المبادئ والقيم الثابته اللي ما بتتغيربزمان أومكان لأنوالاسلام صالح لكل زمان ومكان والرقابه من الوالدين طبيعي الشب رح يكون مهيأو عندواستعداديطلع للمجتمع الخارجي يعني بره البيت وساعتهارح يكون عندوترسانه ذاتيه وحصانه يقدرباذن الله وبصلابه ومن خلالهاانويواجه كافةالمتغيرات اللي انفرض عليناوجودهاويواجه الزحف الغربي بكل صوره اللي بيتغلغل قسرآبيننا
والانفلات والتحررربلاضوابط أوقيود وترك الحبل عالغارب نتائجه وخيمه
أماالدلع والميوعه وتقليدالبنت شكلآومضمونآدي لهامسمى آخرواأكيدالبعض منناشاف في الفضائيات دي الأشكال ويندي لهاالجبين لأنوصارت تظهردون حياءمن الله أوخلقه ويجاهروبمكنوناتهم وصدقآلاأعرف ماالهدف من ظهورهم وكأنهم والعياذبالله مكسب للمشاهدين
يسلموووكتييييرعلى طرحك للموضوع المهمممممم والمثيررررررجدآ
​

 

[aaaaay]

شايف الغرب صار شماعة عم نعلّق عليه مشاكلنا المشكلة عنا وبالتربية والمجتمع
تفكير الشب كلو تغير وقفت ع المظهر قال شعر طويل ومكياج .....
يعني إذا الشب ما كسرلو حيطين وخلع فك بنتين باليوم ما بحس بالحمشنة يسلمولي شبابنا أغلبن حمشين

 

[مشــــ كل ــــا]

انا ما رح رد على الموضوع
مو لانو ما عاجبني ب العكس
بس الموضوع المطروح اصغر من انو ارد عليه
و النوعيات يلي حكيتي عنهم ما بينتسبو للشباب اصلا
​

 

[قطر الندى]

انا بعتقد يمكن (مو الكل) بيفكرو انو هيك بيلفتو انتباه البنات اكتر
على اساس هنن كول وما بعرف شو

بس بالنسبة الي بلعكس تماما بشوف انو بيكون كتير بشع هيك بهلمنظر(حلق.شعر كتير طويل.حواجب.......)

وأظن انو أغلب رايي البنات متلي
بيحبو الرجولة تبان على الشب
ولا شو صبايا؟؟؟

 

[عهد القمر]

هدول بيكونو شباب ماعين ..واصلا مو رجال ...
بس ما فيها شئ اذا الواحد اهتم شوي بمظهره ...او انو يتابع الموضة
انا مو ضد هادا الشئ ...بس ممكن تجيلو فترة ..اللي هي المراهقة
ممكن يخلي هادا الشئ يهتم بمظهره ..يعني مثلا بهتم بنفسو
منشان ..تعطيه البنت وش ....او مثلا بهتم بحالو ...يشوف شخص عامل سبايكي بصلة
مدري شو اسمو ............ يقول بعمل ..هيك متلو هو بشو احسن مني
هي الفترة كل واحد بدو يمر فيها ...بس بتجاوزها ولما بيكبر وبيتذكر هالشئ
راح يضحك ع حالو ...اما من ناحية انو عم يشبه حالو بالمراة ...بيكون فعلا شاذ
وهي بيقولو نتيجة نفسيتو او مرض نفسي في اغلب الاحيان ...او اللي مر فيه ..اللي مرت بحياتو وهو صغير ..او انو اتعرض ل نتيجة تحرش جنسي ....ومنرجع منقول متل ما قال ملك الغرام نتيجة اسباب تعود لتربية
وهاد هو رائي ....


شكرا ع الموضوع

 

[Rosalinda]

هلا برايي انو هالشغلة بترجع للشخص نفسه لانو الله خلقلنا عقل لنميز الصح من الغلط وطبعا للاهل كيف بعودوا ابنهن وبربوه طبعا الهن دور كبير بحياته وهي الصبغات والموديلات يلي قلت عليها هي مابتعطي جمال للشب بالعكس تماما لانو موحلو شب عم يعمل اشياء بتعملها البنات هيك بيسقط من عين البنت الا اذا كانت البنت بتحب هيك نوع من الشباب وميرسي كتير عالموضوع :Albilsan (115)::Albilsan (115)::Albilsan (115):