غازليني ..

[$حافية القدمين$]

غازليني ..
يا أجمل بشر شافته عيني..
غازليني
و اعذريني ياحياتي
لو منج طلبت الغزل ..
انتي بس تحجين ياعمري
يكطر لسانج عسل..
تعذريني لو عرفتي
الغزل حلو بلسانج تنطقينه
مو بس انتي الـ تذوبي
من تسمعين الغزل ..​

&&&&&&&&&​

شلون كلمة غزل ينطق لساني
واني انسى من اشوفك .. كل كلامي
وانسى نفسي من كلامك
مدري يذوبني الغزل .. مدري يذبحني سلامك ..
اخاف اغازلك بخجل ..
لو اكلمك بعجل
وما اجاريك بكلامك ..
يخجل لساني يغازل
وانته استاذ الغزل .. ​

$$$$$$$$$$$​

مو عذر لمن تخجلين
خجلج يحليج اكثر
يمه تقتلني خدودج
هيه تخجل .. هيه تحمر
هم تذوبني شفاتج
هي ماي وانا سكر..
عني لاتبعد حبيبي
اقترب ياروحي اكثر
غازليني
يكفي اسمي تنطقينه
لو شعورج توصفينه
تعذريني لو عرفتي
ان الحجي بين الحبايب
كل حرف بيه غزل ​

شفتي مو صعبة يا حبي
هذا الـ يسمونه ( غزل ) .. ​

&&&&&&&&​

اسمك احلى من كلامي
( مو غزل .. هذا اعتراف)
وقلبك ينبض بس حنان
وصدرك دنيا من الأمان
أرتمي بيه من اخاف .. ​

(مو غزل .. هذا شعوري )
في الظلام تصير نوري
ياقمر بالليل تضوي
مايخالفني بكلامي
كلّ من بعيونه شاف .. ​

انته وسط احزاني فرحة
وانته بلسم كل جروحي
و الضيا و العين انته ..
و هالحجي كله يا روحي
( رأيي فيك .. بس مو غزل ) ​

$$$$$$$$$$$$​

مو غزل هذا اللي كلتيه !!
الله يستر لو تغازل ..
غيمة تمطر بالحجي
وكل كلام الحب نازل .. ​

ودي احظنج واضمج
واحبسج وابد ما اعوفج ..
يموت قلبي لو يهجرج
وتعمى عيني الـ ماتشوفج ..
ادري بـُعدك ياحبيبي
مو هجر ادري وغلاتج
ادري كم صعبة ضروفج .. ​

لو تفارقنا حبيبي
لا تجين انا اجيلج
اكحل عيوني بشوفج .. ​

اشد رحالي واجيج
وأوصل لدارج واحاجّيـج
والبس حرام العشك
وسبعة أشواط اطوفج ..
وارمي جمرات البعد
ارجم ظنونج و خوفج ..
و أنحر الشك والزعل ..
وأحنـّي بدمي كفوفج ..​

وما اخلي من الكلام
الا كلمة غازليني ..
وما اخلى من الفعل
الا الغزل ..​

&&&&&&&&​

( هذا رأيك .. مو غزل )
( مو غزل .. هذا اعترافك )
( مو غزل هذا شعورك ) ​

احجي لا تسكت حبيبي
واطفي بحجيك لهيبي
استمر بكلامك ..
و غازلني ( بلا غزل )​

 

[PliiiJl JljJj]

ثانكس شي حلو

 

[miss-7ala]

يسلموو حبيبتي

عنجد شي كتير حلوووووو ​

 

[سوريا الأسد]

والله شي بجنن كتابات راائعة

يسلمؤؤؤؤؤؤ دياتك ياحىء

و

\سلااموو

 

[$حافية القدمين$]

شكراا لكم جميعاا حبايبي..تحياتي

 

[سعد قيس]

حلو كتير يسلموووا ها الديات

 

[$حافية القدمين$]

حلو كتير يسلموووا ها الديات

عيونك الحلوه..تسلم

 

[ليليان]

كلمات رائعة واحساس صادق
اخذنا في عالم الحب والجمال
عالما لا يدخله سوى من احب بصدق
وطيبة وكان يحلم بحبيبه دائما
عالما لا نكون فيه ألا سوية
نحلم معا ونكون معا إلى الابد
حافية القدمين خاطرتك
كانت مميزة فهي تكلمت عن الحب
وجمال الحب وكل شيء يخص الحب
وما اجمله من احساس صادق
ارجو ان لا ننحرم تميزكي الدائم
دمتي بود ومحبة
ليليان​

 

[مختار]

والله يسلم دياتك موضوع روعة كتير حلو وجميل مشششكورة كتير

 

[$حافية القدمين$]

كلمات رائعة واحساس صادق

اخذنا في عالم الحب والجمال
عالما لا يدخله سوى من احب بصدق
وطيبة وكان يحلم بحبيبه دائما
عالما لا نكون فيه ألا سوية
نحلم معا ونكون معا إلى الابد
حافية القدمين خاطرتك
كانت مميزة فهي تكلمت عن الحب
وجمال الحب وكل شيء يخص الحب
وما اجمله من احساس صادق
ارجو ان لا ننحرم تميزكي الدائم
دمتي بود ومحبة

ليليان​

تحيه خاصه لكي ..نورتي

وعطرتي صفحتي بعطر الحب

 

[$حافية القدمين$]

والله يسلم دياتك موضوع روعة كتير حلو وجميل مشششكورة كتير

العفووو..نورت عيني ..تسلم