فهموني بشو هنن أحسن مننا

[eyad]

بدي ألحش بين ايديكون موضوع حساس وئارئني كتير
اول شي انا حلبي ومقيم بالامارات ومتل ما بتعرفو هون البلد منفتح عالعالم كلو
وفي هون اميركان وبريطانيين وهنود و و و و
والموضوع اللي رح اطرحو مو معناه انو انا معجب بهالناس بالعكس تماما انا عندي داسومة افقر سوري او عربي بتسواهون كلون​

وانا لما اجيت لهون يا أمامير اتفاجأت بطريقة عمل هدول الاميركان يعني عندون نظام بحت الشغل شغل مافي لعب وما بلاقي رقيب عليون غير نفسون بس اللي بيحرء الفؤاد انو نحنا
ليش مو هيك ليش وين ما رحت على اي دائرة حكومية او قطاع خاص بتلاقي الناس عم تملكع
وماحدا قلبو عالشغل وبظن انو هاد سبب فشلنا لانو نحنا يعني مافي رادع ذاتي
(دئيئة لشعل السيكارة لانو طفت حمراء طويلة سيكارتي)​

اي منرجع
يا خيو بصريح العبارة معلمين بإدارة امور العمل وانا بثبتلكون هالشي لاني اول ما اجيت لهون اشتغلت مع مديرة اميركية بالعقارات واستفدت من طريقتها بالعمل خير اللهوبعد سنة من امتصاص خبرتها وطريقة عملها فتحت مع مواطن اماراتي شركة ديكور وصرت اديرها بنفس الطريقة اللي اتعودت عليها وما بتتوقعو النجاح اللي وصلتلو الشركة بزمن قياسي
انا اللي بدي اوصلو يا حلوين انو اي انسان بدو يشتغل لازم يكون قلبو عالعمل ويعطيه حئو عالاخر وما يمل من الفشل بس يحسبها صح ويرتب امورو ويدوس ما يسال على حدا
هنن بيتميزو عننا انو بيفكرو بالامور بطريقة مختلفة عننا بيحسبوها منيح كتير
والسلام ختام
واللي عندو اي استفسار عن اي موضوع عمل انا كلي سعادة اني افيدو واعطيه من اللي اتعلمتو من هالناس
وبتمنى انو ماحدا يئول اني مو وطني على العلم اني شاركت بحربين حرب اللبنان وحرب العراق مع كل تواضع واحترام
وبالنهاية انا بدي يكون وطنا الحبيب احسن من كل هدول​

 

[نهر الاحساس]

والله اخي اياد معك حئ وكلامك مزبوط 100%
االعرب وين ما كان فيك تؤول95% منهم ما بيبشتغلو من البهم وما بيتقنو شغلهم الا ازا كان هناك رقيب ....وهدا الشي بيتمثل بمنتجاتنا غالبا بنفضل المنتج الاجنبي على العربي لانو للاسف هم بيتقنوا عملهم حتى في ابسط الاشياء
وبالنسبة للرقابة الذاتية فيك تؤول انا منزوعين من الرقابة الذاتية يللي وصانا فيها دينا وزكرنا فيها الرسول بكتير من الاحاديث ويمكن السبب انو بعدنا عن دينا من جهة ومن جهة تانية ما منحوا الثقة يللي المفروض يتربوا عليها من الطفوله بالاسرة قبل اي شي
على العموم الله يهدينا ويرجعنا للدينا يللي ما خلا شي الا زكروا وصانا فيه بس للا سف الغرب بيلتزموا فيه اكتر منا ...
وانت اخي مشكور على الموضوع والله يدمك يا رب ...:Albilsan (115):

 

[darine]

الفرق بينا وبينهم هو انهم يعملوا باخلاص وضمير وهاذو نحن عندنا غايبين
نحن تعودنا ان لازم في رقيب يعني ما نجوا غير بالعصا فالضمير غائب على العموم

​

 

[The Hero]

هلق لما الواحد يشتغل
لازم ياخد تعبو
ولما هالإنسان ماعم يوصلو حقو رح يكتفي بالتسلية وإهدار الوقت بالعمل

أنتو في عندكون حوافز أولا شركات خاصة
بتدفع لتجيب اليد العاملة النشيطة يعني العامل عم ياخد حقو وزيادة
والشركات عندكون هية يلي بدور على العالم الشغيلة وبتشتريا بمصريا
أما في بلدان بالعكس
العامل بيدور على الشغل ومابيلائي وإذا لئى في شروط
1 و 2 و 3

هادا هوة فرق العالم






​

 

[فوزية]

أنا بقلك ليش هم أحسن مناإعتبارا بروح المسؤوليه والضمير الحي على الدوام ................
لأنه وبكل بساطه هنن لمايتخرج ويبحث عن عمل ..بيلاقي ما دام عنده شهاده وكفاءه ..نحنا أنشاالله حتى تكون عندك 100شهادة ما عندك واسطه ..فإذن ما تسوى هالشهاده تعريفه
هنن لما يثابر بعمله يحصل على أجر عال ومكافاءات دون معرفة صاحب الإسم ..المهم إنه عمل ويستاهل ...
إحنا يوصل الشغل لفوق الرقبه وفي ناس بنفس العمل بيضله يتمختر بين المكاتب ولما تجي الترقيه ياخذها صاحب الواسطه والمعارف..
هنن لما يشاور على سكن يلقى طلبه وبكل المواصفات عالواجهه.. نحنا إنشالله يكون عندك 20 ولد ومتزوج من 100 سنه مالك حق في السكن لأنه إلك نصيب في تركة والدك من السكن العائلي إلي فيه لعمومكأنصبه مثل أبوك وهذا يكفيك ...
هنن لما يحتاج عمله للدراسه يطلع وين ما كانت المعلومات في أي بلد...نحنا لما يكون المنصب الي انت فيه محتاج لمعلومات وتوسعه في الثقافه ملا لازم تروح إنت لازم يروح إبن المدير..
هنن لما يغلط المدير يتعاقب ... وقليل ما يغلطوا .الإختلاسات ....
وإحنا لما يغلط المدير وأبن المدير وإبن عم المدير يسجن الموظف ويتسفر إبن المدير لبرا ويغلق الملف إلى الأبد

شفت كيف..إحنا ما خلقنا على هذه السيره ..الله يسامحهم ربو فينا الروح الإنتقاميه بالتلقائيه ...بالعجز وعدم المسؤوليه والامبالاه عكس الغرب تماما ربو فيهم حب المسؤوليه وخلق روح المكافءه من العامل لصاحب العمل .. صاحب العمل يبحث عن الكفاءات عن جد والعامل يحاول يكون أكثر جديه وإنتاجيه ويبحث في عمله عن خلق الجديد ويوصل للإختراع إحنا موتوا فينا كل ما يسمى عمل ...
نحنا عدنا حتى المراقب ما يقوم بعمله ما يراقب...بفنجان قهوه تقدر تطلع كعامل وقت الي بدك ...:80:
ما لنا ذنب دفعونا دفعا للنوم في العمل وعدم إتمامه وقتل كل ضمير يتكلم عن قيمة العمل والواجب...
الفرق واضح شوف كيف عايشين في بلدانهم ..قيمة المواطن فوق كل اعتبار
وشوف كيف عايشين إحنا قيمتنا تحت كل اعتبار .....................

 

[أنس الأبطح]

والله يا غالي معاك حق

انتا طرحت موضوع صعب يتصلح بعالمنا العربي

مع انون نحنا أحسن منون بكتير

و الحضارة تبعنا طلعت لعندون و سرقواا و عرفو كيف يشتغلوو فيا

مو متلناااا

يا حسرتي علينا و الله يا صاحبي

بس لأنو ازا بدنا نتغير بدك تغير نفسية كل واحد عربي

و هاد الشي شبه مستحيل

الله يكوون بعونااا احسن شي :Albilsan (115):​

 

[عهد القمر]

بااختصار نحنا مو شاطرين غير بالحكي

واللعي ع الفاضي والمليان

مافي فعل ...ياريت نشوف حدا يكون عندو حماسة

لازم ياخود عشر سنوات ليفكر فيها ومية سنة لحتى يشتغل فيها

الناس بس بدا مصاري ...اعطيني مصاري بتلاقي شغلتك خلصت
:80::80:
مافي اخلاص بالعمل ....عنجد شئ بيخجل ​

 

[برشلونية فور ايفر]

والله يا غالي معاك حق​

انتا طرحت موضوع صعب يتصلح بعالمنا العربي ​

مع انون نحنا أحسن منون بكتير ​

و الحضارة تبعنا طلعت لعندون و سرقواا و عرفو كيف يشتغلوو فيا ​

مو متلناااا​

يا حسرتي علينا و الله يا صاحبي ​

بس لأنو ازا بدنا نتغير بدك تغير نفسية كل واحد عربي ​

و هاد الشي شبه مستحيل ​

الله يكوون بعونااا احسن شي :albilsan (115):




​

انا كمان هيك رايييي
يسلموووو عالطرح الرااااائع
ــــــــــــــــــــــــــ​

 

[eyad]

حبيب قلبي اول امر انت كلامك صح 100% لان الرادع ازا ماكان من صميم الدين مارح ننجح وكما قال احدهم
زكرتنا ما ضيا نحن لعودته
وناس اولهم ابو بكر خليفة المصطفى والسيد البطل
ومنهم عمر الفاروق اللزي حضرت لعدله الارض حتى السهل والجبل
بنا من المجد صرح لا يطاوله ابطال اوروبا مهما له بذله
ان قامو بفتوحات مزيفة فنحن تقر لنا بتاريخنا الدول
فليسالو كتب التاريخ سابقة وليسالو العلم والفرقان ان جهلوا
هذي معالمنا هذي مأثرنا هذي معارفنا فلتضرب المثل

 

[eyad]

ان تنصروا الله ينصركم برحمته
وان ابيتم فكم امثالكم ذهلوا
سيروا الى المجد عين الله تحرسكم
ان الاوان وطاب السعي والعمل

 

[eyad]

حبيب فؤادي الاسطورة
الموضوع مو موضوع فلوس كل واحد بياخد رزقتو ورح تجي لقدامو
الموضوع انو نحنا تاركين امور ديننا اللي امرنا بعمل بهالطريقة اللي هنن عم يعملو فيها
واخدوها من عنا

 

[eyad]

اخت عهد ازا كل انسان بيردع نفسو مارح نضل تحت بند كلمتك( بيخجل)
تفائلوا بالخير تجدوه وبلدنا بخير واسلامنا بخير

 

[eyad]

والله يا غالي معاك حق​

انتا طرحت موضوع صعب يتصلح بعالمنا العربي ​

مع انون نحنا أحسن منون بكتير ​

و الحضارة تبعنا طلعت لعندون و سرقواا و عرفو كيف يشتغلوو فيا ​

مو متلناااا​

يا حسرتي علينا و الله يا صاحبي ​

بس لأنو ازا بدنا نتغير بدك تغير نفسية كل واحد عربي ​

و هاد الشي شبه مستحيل ​

الله يكوون بعونااا احسن شي :albilsan (115):​

حبيب ماحدا بيقدر يغير نفسية حدا مع احترامي لكلامك ورايك بس كل انسان يغير نفسو بس مو اكتر واتعبروها دعوة للخير والدال عالخير كفاعله