قصة و حكمة (العكيد الحبوب و ستيلا الأمورة)

[فارس بلا جواد]

السلام عليكم أخوتي أخواتي البيلسانيين
بدي منكن تقرأوا القصة و تخبرونا شو الحكمة اللي موجودة بالقصة .
تمنيت أن أكتبها بالفصحى ولكن خشيت ألا تلقى الصدى مثل ما هي بالعامية.

حكى إنسان من أرض البيلسان أنه في يوم من الأيام دخل مشرف إلى قسمه ووجد لديه عشر تقارير كاملة!!

يالطيف مين سافئ كل هالتقارير ؟؟؟

هذا اكيد العكيد لك شو بدو مني و الله هلكني اللهم وقف جهازوا حتى نرتاح
تقولها ستولة متذمرة و ثائرة على الوضع.

العكيد بقمة النشاط غسل وشو بالمي والصابون و الفوطة على اكتافو و مسح المي من على وشو
يالله يا فتاح ياعليم ويشغل جهازوا يطلب الاتصال ولكن ترده الرسالة المعروفة عذرا لايوجد اتصال بالانترنت
لك شبك البارح كنت شغال وعين الله عليك و بعد محاولات للتشغيل كثيرة ايقن ان احدهم قد استهدفه بدعوة
امممممممممم مين هي ما في غيرها اكيد ستيلا و هو يعض غلى شفته و يغمز عينه اليمنى

لبس العكيد ملابسه و عصب رأسه و دخل أرض البيلسان غاضبا
لك وينها وينها هي طالعوها احسن ما هد الارض على راسكن والله و اللي اسمو الله غير ليوصل الدم للركب
مستر رامي يسمع صوت العكيد الهادر وبسرعة يدخله الى المكتب ويطلب من دموع الورد بلفتة سريعة كاسة شاي عالسريع للعكيد

صلي عالنبي عكيدنا شبك ؟

لك شو شبني بدي تجيبها هلق بدي انتقم منها .
مين هي؟
مين يعني ستيلا المشرفة اللي عنكن لك من الصبح وانا عم حاول ادخل نت وما عم يدخل اكيد هي دعت علي بعد ما سفقتها عشر تقارير
اممممممم دموع اتصلي بالخال بسرررررررررعة
ياتي الخال ويضع يده على كتف العكيد لك شبك حبيبنا طول بالك
مافي طولة بال لك والله و الله مايهنالي بال لحتى حولها على محكمة اقتصادية بتهمة السطو
سطو ؟!!! شبك عكيد ؟؟
اه اي لك طلعت من الحارة وفتت بضيعة ضايعة
وفي هذا الوقت تتقدم ستيلا وهي عم تغني و تتمايل المستر هون دموع ؟
لك هو بس المستر و الخال والعكيد كمان.
ولسه ما فتحت الباب لحتى زمجر العكيد بغضب لك جيتي على رجليكي الله اكبر
وبسرعة يمسك به الخال و المستر رامي لك هدي يازلمة شو وجعك؟؟؟
بدي النت يرجع
خلص مو مشكلة هلق نبعت الصيانة لعندك.

حسبي الله و نعم الوكيل
شبك يازلمة
لك شو شبني كل هالدوشة و الزعيق وما تعرف انك فاصل الكبل
كبل انو كبل ؟!!
كبل النت و لا بدك يوصلك من السما اه .
حبيبنا انت طول بالك , بدي منك طلب ممكن؟
هات لشوف يقولها العامل بامتعاظ
شو رايك بخمسمية بالفواكه محشية وما تخبر الخال انو العطل من الكبل
اه ماشي بس مرة تانية تأكد قبل ما تعصب وبدك تتقاتل مع الناس
خلص بوعدك حبوب تفضل

لك العمى كنا ابتلينا المخلوقة


شو الحكمة بهي القصة ؟؟!!!
​

 

[آلبتول]

من شروط كتابة القصة تكون بكتابة أدبية
لذلك أعتقد محلها الأنسب بقسم ضيعة ضايعه ...​

 

[دموع الورد]

الحكمة من القصة على ما اعتقد انو ما لازم نبتلي الناس قبل ما نكون متأكدين من الشي وما نشك فيهم

( ان بعض الظن اثم )
​

 

[STELLA]

يعلي ع حالي

طول عمري بريئة

بسيطة يا عيكد

منيح الله بعتلي رامي و الخال ولا كان فرمني بدون ما أعرف السبب

منك لله



يسلموا سعد ع القصة الحلوة كتير و لو أنك كاتبها بالفصحى أكيد ما لح تفقد جماليتها كمان

أكيد الحكمة متل ما قالت دموع الورد أنو الانسان ما لازم يتسرع بالغضب و الحكم ع الاخرين بدون ما يكون متأكد من الحقيقة

و المفروض يتمالك نفسو لحتى يقدر يوصل الشي الي متدايق منو بطريقة واضحه و الناس تفهموا صح مو غلط

 

[إلهام]

جميل السيناريو
عندك موهبة لازم تكتبلنا مسلسل البيلسان
انا كمان بحكي ان بعض الضن اثم
شكرا ​

 

[ندى القلب]

القوي هو من يتمالك نفسه عند الغضب

حلوووووووو هالموقف


عجبني الاسلوب البسيط والكوميدي


يسلموو المساافر​

 

[فارس بلا جواد]

شكرا لمروركم أعزائي نورتو الموضوع

والكل أجاب إجابة صحيحة على الحكمة ماشاء الله عليكم

أسعدني وجودكم