قضية نسائية أثارت جدلا ًكبيرا في الواقع

[mahmoud salih]

السلام عليكم ورحمة الله وبركاته


من ما جمع عقلي في جلسات متعددة ....ومن ما رأيت فعلا حول القضية النسائية التي نعاني منها وبشكل كبير

وكان التالي :

سيدتي سؤال صريح ؟

هل تفضلي على زوجك الزواج بالحلال بامرأة ثانية

أم الخيانة بالحرام

للأسف بعد ما جمعت الاجوبة من بعض الأخوة ..وعلى يقين تبين

أن من كل 100 امرأة ...واحدة فقط تقول يتزوج بالحلال

معقول ..هل تدعي زوجك للحرام ؟؟؟

سأترك لكم الخيار أنتم كذالك لتحكمو


شاركونا دائمابرأيكم ......فرأيكم يهمنا ويهم الكثير ربما


دمتم بكل الود




​

 

[عهد القمر]

لما بنزوز بس السغلة بدا نقاس حاد

الي جية لهون


​

 

[ملكة زماني]

رأي آخر

أنا لا مع يخون ولا مع يتزوج مرة تانية

يعني ليش الطمع

إذا مافي شي ناقصو مالها طعمة يكسر بخاطر مرتو

يسلمو مودي ع الموضوع

​

 

[دموع الورد]

رأي اخر

برأيي ما في داعي لا يتزوج ولا يخون اذا ما كان ناقصو شي وزوجته مو مقصرة بحقه
​

 

[نُـور]

اكيد رأي آخر

لأنه انا اول شي بدي اعرف شو السبب اللي بخليه يروح
ع الحرام او انو يتزوج وحدة تانية يعني انو هيك مراء
او اكيد في سبب !!!!!
لان سبب الزواج من وحدة تانية معروف "عدم الانجاب"
هاد اذا كان متأكد انو هي اللي مابتجيب
بس مو هون حكينا !!

انت عم تقول خيانة بالحرام او الزواج من اخرى
؟؟؟؟؟؟؟؟

يعني اذا كان الزوج كل متطلباته متوفرة وحياته مستقرة
ومافي عيب بالزوجه ليه ليروح ع الحرام ؟؟

اما اذا عكس هيك برأي المشكله مابتنحل انو يروح يتزوج
لانو اكيد في خلل وعدم انسجام بالعلاقة واسباب تحتم عليه التفكير بالحرام او الزواج

اذا مو هيك معناتها هو ناكر للجميل .....


عطينا الاسباب اللي بتخليه يفكر يتزوج او يروح للحرام
لنعرف شو نجاوب ؟؟
​

 

[جمانة]

ما بدا سؤال اكيد الكل رح يجاوب رأي آخر
لما مرتو بتعطيه كلشي و مو منقصة عليه ليش ليطلع على غيرها اه
يعني جد انتو الرجال
لو كان في شي ناقص اكيد انا يلي رح قلو روح اتزوج
بس لو ما كنت منقصة عليه يا ويلو
بقبرو هو وياها ​

 

[إلهام]

يعني رجال احيانا مابيطمع بشي
غيرانو يتزوج كمان مره
يامعشر رجال
استعيذو بالله من الشيطان رجيم
وهدو خليكو ريلاكس
راي اخر اكيد
​

 

[الأمبراطور]

يعني رجال احيانا مابيطمع بشي
غيرانو يتزوج كمان مره
يامعشر رجال
استعيذو بالله من الشيطان رجيم
وهدو خليكو ريلاكس
راي اخر اكيد
​

 

[ندى القلب]

شوووفو يااجماعه انا متل محمود بالفتره الماضيه

فكرت بالموضوع وشفت ناس كتييير واخدت رايهم

الحق انا صوتت لراي اخر

لكن النتيجه الي توصلتلها والي رح يستغربو جنس جواا منهاا

انووو ياااااااااا نسوان ليه ماااتتركو الزوج يتزووج..........صح في عنصر الغيره

لكن ممكن يكون مؤقت وتتعودو على الفكره.

رح اقلكم ليه.........اذا صبرتو وتسمعو يعني

انو انا شفت عمي وخالي بعد الزواج التاني صاارو احسن اه مع زوجاتهم صارو احسن

بيني وبينكم بيكون الزوج عصبي او نكد او متطلب او مفلسف

وهالحكي كلو بيطلع بزووج وحده غلبانه وبس يتزوج التانيه بيتوووزع على تنتين

والزوج الي بيكون عامل حاله جدع وكلامو ماشي ......مع الزواج التاني بيضيع كلامه بين هي وهي

ورح اقلكم سر كمان........سمعو الحكمه للزوجه الاولى ال الشي المنيح الي كنت اخده رح ابقى اخده

والشي المو منيح رح ينقسم بيني وبين وحده تاانيه

بقى الي بتقدر تتحكم بغيرتها وماتعمل جريمه تتوكل على الله وتقبل الفكره

وصدقوووووووووني هو الخسرااااااااان............لان زوجه وحده كافيه لتقلب اياامه ف كيف تنتين مجتمعين ​

 

[Chantal]

عزيزي محمود .. بس بدي أفهم شغله ليش هالخياريين ؟؟؟ وإزا عرفنا ساعتهارح يكون هناك فرص للإختيار
أناليا رأي آخر ..
أنابشوف لماالمرأه تلاقي زوجها عنده رغبه بالزواج مره تانيه .. لأسباب أومن غيرأسباب
فهي أمام خيارين ياإنهاتوافق على زواجه ياإنهايهون عليهايمشي في الحرام بس يتزوج عليها لاااااااااااااااااااا
والزوج إزا كان بيستحلي الحرام حتى وهومتزوج فزواجه للمره الثانيه تحصيل حاصل لأنو البلاء موجود
وهوالحرام .. فإذاً المشكله قائمه وماأنحلت
وعلى كل حال المرأه ماتملك الحق في منع زوجهامن الزواج الثاني فهي لاحول لهاولاقوة
لأنو أساساً متى ماطلعت الفكره في رأسه مافي أحد يمنعه ..
أمامسألة زواجه لأسباب .. أناأحب أوضح شغله وأكيدرح ينبسطوالرجال فيها
إنو دينناالإسلامي أباح للرجل بالزواج مثنى وثلاث ورباع .. ولكن أساسه العدل ورح ينسأل عنه يوم القيامه ..
ولماأباح الدين هالشي بدون أسباب فلا نغطي على عين الشمس ونقول والله إزامرتو مقصره كيف ماكان التقصير
أو مابتنجب أومشكلجيه أو... أو.. أو ... إنوفي هالحاله يروح يتزوج ..
لااااا .. القرآن تبيان فيه كل شي وإحنامافيناننكرأي شي واضح الله شرعه ..
لكن برأيي لتفادي الزواج الثاني وتفادي الخيارات فلابد من وجودعناصروأسس مهمه لنجاح
الحياة الزوجيه بين الرجل والمرأه وعليهم إستيعابهاوإدراكها وتطبيقها ..
رائع محمود كماعهدناك ..

 

[جمانة]

شوووفو يااجماعه انا متل محمود بالفتره الماضيه

فكرت بالموضوع وشفت ناس كتييير واخدت رايهم

الحق انا صوتت لراي اخر

لكن النتيجه الي توصلتلها والي رح يستغربو جنس جواا منهاا

انووو ياااااااااا نسوان ليه ماااتتركو الزوج يتزووج..........صح في عنصر الغيره

لكن ممكن يكون مؤقت وتتعودو على الفكره.

رح اقلكم ليه.........اذا صبرتو وتسمعو يعني

انو انا شفت عمي وخالي بعد الزواج التاني صاارو احسن اه مع زوجاتهم صارو احسن

بيني وبينكم بيكون الزوج عصبي او نكد او متطلب او مفلسف

وهالحكي كلو بيطلع بزووج وحده غلبانه وبس يتزوج التانيه بيتوووزع على تنتين

والزوج الي بيكون عامل حاله جدع وكلامو ماشي ......مع الزواج التاني بيضيع كلامه بين هي وهي

ورح اقلكم سر كمان........سمعو الحكمه للزوجه الاولى ال الشي المنيح الي كنت اخده رح ابقى اخده

والشي المو منيح رح ينقسم بيني وبين وحده تاانيه

بقى الي بتقدر تتحكم بغيرتها وماتعمل جريمه تتوكل على الله وتقبل الفكره

وصدقوووووووووني هو الخسرااااااااان............لان زوجه وحده كافيه لتقلب اياامه ف كيف تنتين مجتمعين ​

جاي ع بالك صاروخ نووي ابعتلك ياه من نص ايران ؟؟

​

 

[عهد القمر]

انا شايفة انو كل وفو وكفو بحكيون

طيب راح احكي عن مجمتمعين
مجتمع الديني
ومجتمعنا كبشر

مجتمعنا الديني
مافينا ابدا ننكر انو الزواج لرجل احل له اربعة وحكمة من الله
اما كمجتمع نحنا النساء
اكيد بيكون خيارنا لا
مابدي ياه يتزوج حدا غيري ...

المراة انسانة انانية بهيك شغلات متل
الطفل الاناني اللي بدو امو تكون الو وحده

هيك المراة بدا الزوج تكون ملكه ما بدا حدا تشاركو بحياتو غيرا
هالانانية بتنبع من محبة الزوجة لزوجها
اما المراة اللي مو سئلانة عن زوجا بدو يتزوج ..مو فارقة معا ..مافيني قول شئ عنا
هلئ الشرع قلنا حلل لزوج اربعة ..حتى لوكان هالشئ سبب او بدون سبب
ماعمل شئ غضب الله ...!!
بتزعل المراة شوي ..وبترضى..هو الباقي عليه
يخلي
الزوجة تكون سعيدة بزواجه الثاني ..
هلئ انت عم تحكي عن الخيانة ..
راح دخل الخيانة
بالدين وبالمجتمع هادا
هلئ بالدين ...مسئلتا زنا المحصن اللي تزوج
وبعرف عقابو منيح شوهو ..؟؟؟
رجم حتى الموت ...!!
حتى لو عمل هالشئ وماصار رجم ..
بالاخرة راح ياخود جزاء مافعله ....

بظن لو هو بخاف الله راح يبعد عن الحرام ..
لانو الله اعطاه زوجة ..ليمشي معا بالحلال
يعني انو مافي سبب يخليه يروح يفعل الزنا ...

هلئ بدي احكي عن جانب الزواج من اخرى ..
هلئ الاسلام اكيد حلل هالزواج لرجل للاسباب ..
مو بس انو مرتو لاتنجب ..فيه اسباب تخليه ينزوج
حتى لو المراة مانقصتلو شئ بالحياة ...وفرتلو كل شئ وكل متتطلباتو
بدي احكي عن جانب الرجل ..كنا كا نساء منعرف ...شو يعني الرجل ..؟؟
1- بيتزوج لشباع رغبتو الجنسية ...
2- كترة النساء والسبب الحروب مما يؤدي الى كثرة النساء وموت الرجال
3- العقم لدى النساء
4- كبر النسل ..بدو ولاد ..منشان اسم العيلة يكبر
هي اسباب اللي بتؤدي الى الزواج الرجل ب اربعة نساء

راح نحكي عن سبب زواج الرسول صلى الله عليه وسلم ب احدى وعشرين زوجة

تزوَّج صلى الله عليه وسلم اكثر من زوجة إلا بأمر من الله
ولهذا الزواج مصلحة راجحة من مصالح الدعوة للإسلام بجلب المنفعة الإنسانية ودرء الأخطار الاجتماعية
وحقن الدماء الكثيرة فلقد كان للأرحام والمصاهرة تأثير كبير في حياة البشر القبلية والاجتماعية
فكان لهذه المصاهرة أثرها البعيد في تاريخ الدعوة الإسلامية

يعني مافيني قول الا انو الحق لزوج بزواج اربعة
بسبب او بدون اسباب ...ولكن بالعدل
نحنا مافينا كنساء نمنع هيك زواج حتى لو عملنا كل شئ ....
لانو شرع الله

وبتمنى قدرت فيدكون بشئ

​

 

[ندى القلب]

جمانه وانا شووووو دخلني حتى تبعتيلي صاروخ هو انا الي بتزوج على زوجتي

بس اناااااا بجد بجد اقتنعت انوو الي شايفه زوجها فكر وقرر يتزوج تانيه


تتركه ومااتزعل حالهاا لانو اولا هو الي رح يتعب..............وهي غالبا بترتاح

لانو اذا بينق على وحده رح يتوزع النق على تنتين ويمكن من كتر همومه مايعود ينق بالمره


وفي مثل مصري بيقووووووول ...........الأديمه تحلى............وغاليا بعد مايتزوج التانيه


رح يعرف قيمه الاولى لانو بيكونو تجاوزو المشاكل وتفاهمو مع بعض مع مر السنين

اما التانيه بتكون لساااااااا رح تعمل لنفسها كيان وتختلف معاه على كل شي

ومارح يلاقي قداامه الااااااااااااا القديمه الراايقه الحنوونه


بقى من هووووووووون اجاا كلامي ............وهالشي شفتوو بعيني مااحداا قلي

​

 

[mahmoud salih]

هلأ أنا يلي بشوفوا من خلال حديثكم بارك الله بكم طبعا

الأغلبية كانت العاطفة والغيرة سباقة بالبرد

ما حدى فكر بالمنطق

معقول انا رد والكل يقتنع مني ...؟

ما بظن ..ومن المستحيل بخاف آكل صاروخ وانا جالس في منزلي


​

 

[عهد القمر]

محمود احكي وعليك الامان

ليش فيه اقتراحات غير هدولة ..؟؟

​

 

[احلى دنيا]

هلا هو وقت مجرد يفكر تفكير بوحده تانيه

انا مارح خليلو خيار يتزوج بالحلال او يخون

لاني اصلا ما رح ضل بحياتو

يعني رح بتركو


بعرف انو حلال يتزوج والله حللو
بس انا هاد الشي عنجد ما بتحملو .. ولا يكلف الله نفسا الا وسعها


نقطة انتهى

 

[جمانة]

محمود انت ما بتعرف انو غيرة المرأة ممكن تقلب كفر ؟؟
الانسان لما بيكون عندو شي يحبو
بدو يكون الو لوحدو وما حدا يشاركو فيه
الرجل هيك المرأة هيك الولد الصغير هيك
فكيف الوحدة رح تقبل انو تجي غريبة تشاركها زوجها يلي هي بنت حياتها معو
اكيد ما رح تقبل
اي لا لو فكر يتزوج عليي رح قلو انا رايحة بيت اهلي ابعتلي ورقة طلاقي
لو ما فرقت معو بعرف انو في خلل بالعلاقة
لو فرقت بعد بتفاهم معو
لانو الرجال لو ما كان ناقصو شي مستحيل يطلع على غير مرتو
و محمود لو شو ما حكيت انا ما رح اقتنع
يا انا يا هي
و يختار هو بئا

و ندى بدي ابعتلك صاروخ لانك عم تحرضي الرجال علينا ​

 

[ندى القلب]

............لاحيااتو جمانه بالعكس

انا عم حطهم بأسووووووء اعمالهم ويلقوو اذا بيلقوووووووو​

 

[زهرة النرجس]

انا بدي احكي رايي بس بدي الحماية اول

هلء الشغله فيها راي اخر لانو متى ما طنت ببالي الشغلة فبدو يعملها يعني بدو يعملها

يا يتجوز يا يمشي بطريق الحرام هدا خيارات لزوج

خيارات الزوجه بناءا على اذا هو قرر يتزوج

يا بتوافق يا بتنفصل

خيارات الزوجة اذا مشي بالحرام

ما الها خيارات لانو وين بدها تروح من رب العالمين رح تكون مشاركه بالحرام ومساعده الو


فالله يرضى عليكم ياصبايا انا بقول كل وحده تروح تخطب لجوزها ونقو وحده على هواكم قبل ماهنن ينقو على هواهم



انا مع خيار انو يتزوج ومايمشي بالحرام​

 

[عهد القمر]

انا بدي احكي رايي بس بدي الحماية اول

هلء الشغله فيها راي اخر لانو متى ما طنت ببالي الشغلة فبدو يعملها يعني بدو يعملها

يا يتجوز يا يمشي بطريق الحرام هدا خيارات لزوج

خيارات الزوجه بناءا على اذا هو قرر يتزوج

يا بتوافق يا بتنفصل

خيارات الزوجة اذا مشي بالحرام

ما الها خيارات لانو وين بدها تروح من رب العالمين رح تكون مشاركه بالحرام ومساعده الو


فالله يرضى عليكم ياصبايا انا بقول كل وحده تروح تخطب لجوزها ونقو وحده على هواكم قبل ماهنن ينقو على هواهم



انا مع خيار انو يتزوج ومايمشي بالحرام​

عجبني ردك ...!!مشرفتنا الكبيرة منورة ع راسي حارتك

​