لما بدي أتزوج .. رح أتزوج وحدة "أُميهـ" ..؟؟!!

[butterfly]

وأنا بتصفح النت أحد أعضاء منتدى ما
حكى عبارهـ لفتت إنتباهي وصعقتني بصراحة

وهـ العبارة بتحكي ..
انو لما أتزوج رح أتزوح بنت أميّة..!!!

والسبب ..
ال منشان يضمن انه بعمرها ما حكت
مع شب سواء ع "نت أو جوال"

انو معقوووول وصلنا لـ درجة هـ التخلف هاي !!!

صراحة هـ العبارة بجد صدمتني

بدي منكم شباب .. بنات تحكولي رأيكم
وباب الحوار مفتوووح هون
واللي عندو كلمة يتفضل ويحكيها
واللي مع هـ العبارة كمان بتفضل ويحكي وجهة نظرو
والسبب .. بلكي اقتنعت "مع انو أشك"

وبس هيكـ
تقبلوا تح ـــياتي ..

bUtteR FlY
​

 

[♣ Adolf Hitler ♣]

هادا حكي تافه ومالو قيمة وبيضل على جهل العضو نفسو

بوعدك رح أرجع رد بالتفصيل بس هلئ بدي قوم لأنو بلشت مباراة البايرن

ادعيلنا نفوز
​

 

[م`ـلِـكَـةْ أَلْإِح`ـسَآسْ]

هاد اسمو هبل
مش موهم اذا كانت اميه او متعلمه
الموهم شو هي بشخصيتها من جوا

بعدين مين قال انو اذا كانت اميه
يعني ما رح تحكي مع شباب
::
مشكورة

​

 

[§ أبو المر §]

لا طبعا بفضل المرأة تكون ذكية وذكاء شديد كمان لحتى تفهم علي وافتخر فيا قدام الناس
بس بالمقابل تكون مأدبة ودينة
بالنسبه للنساء والرجال منتقدين دائما والعكس صحيح, اما بالنسبه لرأيي بالموضوع فهو الى حد كبير صحيح ولكن بنسب مختلفه عند كل رجل فمثلا هناك بعض الرجال لا يرغبون بالمرأة الغبيه اذا اعتبرنا ان الأمية نفس الغباء لأنها سوف تؤثر عليه وعلى اولادهما في التعامل الحياتي في جميع المجالات سلبيا وهذا النوع من الرجال هو من النوع المستقيم والذي لن يحتاج اصلا الى ان (يلف ويدور)مع زوجته ام النوع الذي يرغب ان تكون زوجته أمية فالمشكله فيه هو لأنه غير مستقيم في حياته فيحتاج الى امرأة (عالبركه) لكي لا تعكر صفو حياته

وأخيرا

يحتاج مجتمعنا الى امرأة ذكية تستطيع ان تصنع جيلا ذكيا

 

[butterfly]

هادا حكي تافه ومالو قيمة وبيضل على جهل العضو نفسو

بوعدك رح أرجع رد بالتفصيل بس هلئ بدي قوم لأنو بلشت مباراة البايرن

ادعيلنا نفوز

​

مبدأياً رأيك عجبني
ومنتظرتك ترجع تكفي رأيك ..
وإن شاء الله بتفوزوا يا سيدي

هاد اسمو هبل
مش موهم اذا كانت اميه او متعلمه
الموهم شو هي بشخصيتها من جوا

بعدين مين قال انو اذا كانت اميه
يعني ما رح تحكي مع شباب
::
مشكورة


​

رأي صائب

لا طبعا بفضل المرأة تكون ذكية وذكاء شديد كمان لحتى تفهم علي وافتخر فيا قدام الناس
بس بالمقابل تكون مأدبة ودينة
بالنسبه للنساء والرجال منتقدين دائما والعكس صحيح, اما بالنسبه لرأيي بالموضوع فهو الى حد كبير صحيح ولكن بنسب مختلفه عند كل رجل فمثلا هناك بعض الرجال لا يرغبون بالمرأة الغبيه اذا اعتبرنا ان الأمية نفس الغباء لأنها سوف تؤثر عليه وعلى اولادهما في التعامل الحياتي في جميع المجالات سلبيا وهذا النوع من الرجال هو من النوع المستقيم والذي لن يحتاج اصلا الى ان (يلف ويدور)مع زوجته ام النوع الذي يرغب ان تكون زوجته أمية فالمشكله فيه هو لأنه غير مستقيم في حياته فيحتاج الى امرأة (عالبركه) لكي لا تعكر صفو حياته

وأخيرا

يحتاج مجتمعنا الى امرأة ذكية تستطيع ان تصنع جيلا ذكيا

رأيك يدل على نضج تفكيرك
كمان رأي صائب جداً

 

[♣ Adolf Hitler ♣]

ايه يا ستي وهي رجعتلك...أول شي بحب قلك انو خسرنا بس مو مشكلة خيرها بغيرها

وبالنسبة لهلموضوع أنا كتير متناقش فيه مع زميلاتي بالكلية ورأي فيه :

أنو هالتفكير هاد مسخرة بمسخرة...يعني انا بس حابب اعرف إذا كانت البنت أمية معناتا ما رح تكون حاكية مع حدى أبدا
وبعدين وبعدين ممكن اعرف شو فيها إذا كانت البنت حاكية مع حدى وما صار نصيب ( طبعا حاكية معو بشكل شريف )
يعني انا مو معقول أحكم على بنت من ماضيها بس...يعني اكيد المخلوقة فاتت بتجربة وفشلت هادا معناتا أنو صار لازم ما حدى يحبها ؟؟؟؟؟....هادا حكي فاضي...البنت بنحكم عليها على أفكارها وأخلاقها ووضعها بالحياة وشخصيتها

وشكرا ألك عالموضوع الواقعي
​

 

[butterfly]

​

ايه يا ستي وهي رجعتلك...أول شي بحب قلك انو خسرنا بس مو مشكلة خيرها بغيرها

وبالنسبة لهلموضوع أنا كتير متناقش فيه مع زميلاتي بالكلية ورأي فيه :

أنو هالتفكير هاد مسخرة بمسخرة...يعني انا بس حابب اعرف إذا كانت البنت أمية معناتا ما رح تكون حاكية مع حدى أبدا
وبعدين وبعدين ممكن اعرف شو فيها إذا كانت البنت حاكية مع حدى وما صار نصيب ( طبعا حاكية معو بشكل شريف )
يعني انا مو معقول أحكم على بنت من ماضيها بس...يعني اكيد المخلوقة فاتت بتجربة وفشلت هادا معناتا أنو صار لازم ما حدى يحبها ؟؟؟؟؟....هادا حكي فاضي...البنت بنحكم عليها على أفكارها وأخلاقها ووضعها بالحياة وشخصيتها

وشكرا ألك عالموضوع الواقعي

​

إن شاء الله بتعوضوا الفوز في المرات يللي جاية

وتاني شي مش لانو انا بنت
ومش تحيّز
بس رد ملوووووك وربي

​

 

[العيون الخضر]

يا لطيف على هالتفكير ..في كتير اميين الله يستر ...وفي الف طريقة غير جوال ونت ؟؟؟؟
دخلك ما فكر مين بدو يدرس ولادو في المستقبل
يسلمو عالسؤال

 

[Life of the soul]

انا بعتبرو تفكير انسان متخلف لساتو عايش بعصر الجاهلية
لانو الشب وقت بدو يتزوج لح يتزوج امرأة ناضجة بتفكيرها وبتعرف الصح من الغلط
وبالمستقبل بدها تربي اطفالها
اما اذا كانت أمية ما لح تعرف تتعامل مع زوجها وتتعامل مع اطفالها
وشو بيضمنلو هالشب انو هالبنت الأمية ماكانت حاكية مع شباب
لهيك هالتفكير كلو غلط بعصرنا الحالي

مشكورة ع الموضوع


​

 

[butterfly]

يا لطيف على هالتفكير ..في كتير اميين الله يستر ...وفي الف طريقة غير جوال ونت ؟؟؟؟
دخلك ما فكر مين بدو يدرس ولادو في المستقبل
يسلمو عالسؤال

ما بيحكي هـ الحكي إلا اللي
كل همو قصص البنات ومتعامل معهم لما
قال بكفي ..
والباقي عندك خيتو
بس بـ النهاية كل الطرق تؤدي إلى "التخلّف والرجعية"

نورتي حبيبتي ..
​

 

[قيــ الروح ــثارة]

ليش مو شرط الأميّة تكون ما بتعرف شباب بيجوز يكون فيها البركة اكتر من البنت المتعلمة

كلام هبل ومتخلفين مو أكتر

ميرسي​

 

[butterfly]

​

ليش مو شرط الأميّة تكون ما بتعرف شباب بيجوز يكون فيها البركة اكتر من البنت المتعلمة

كلام هبل ومتخلفين مو أكتر

ميرسي

​

​

 

[STELLA]

موضوع كتير حلو يعطيكي العافية ​

وفعلا هالظاهرة كتير منتشرة بمجتمعنا للأسف الشديد​

ومتل ما لاحظت بالردود انو الكل ما شاء الله ضدد هالفكرة قولا ​

بس هل يا ترى لح بيكونوا ضددها فعلا ؟؟​

الإنسان المتعقد من شي ربما .. أو الي مخبص كتير بحياتو فهاد الإنسان مستحيل يكون عندو ثقة بمرأة ​

سواء كانت امية أو غير أمية .. بس نسبة الشكوك بتختلف عن كون المرأة امية أو متعلمة ​

سؤال ...​

هل يا ترى هو قاصد من الزواج فقط غرائزو الجنسية ؟؟​

ولا قاصد انو يبني أسرة مترابطة قوية تفيد المجتمع والأمة الأسلامية ؟؟​

لو كان هدفو الأول فقط فأكيد ما لح يطلب امرأة متعلمة ,مثقفه, و واعيه ..​

بل لح يطلب فتاة بال14 من عمرا ..لا تفقه من الحياة الا قناة سبيستون ​

.. وبينظر للمتعلمة والمثقفة على انها حكت كتير مع شباب بحياتها​

وهالظاهرة بتشبه ظاهرة الشب أو الرجل الي بيدخل ع النت وع المنتديات وبيتصفح وبيقرا وبيتسلى وبيتعرف ​

وئت يخطب بيرفض تمام تكون خطيبتو بالمستقبل تشتغل ع الكمبيوتر وع النت حصرا ​

ليش ؟؟ ​

لأنو مفكر أنو كل الناس بتتعامل بنفس طريقتو ​

بالتالي الشكوك لح تضل عم تراوده من وقت لأخر ​

بعتذر ع الإطالة ​

ودي ​

 

[butterfly]

​

انا بعتبرو تفكير انسان متخلف لساتو عايش بعصر الجاهلية
لانو الشب وقت بدو يتزوج لح يتزوج امرأة ناضجة بتفكيرها وبتعرف الصح من الغلط
وبالمستقبل بدها تربي اطفالها
اما اذا كانت أمية ما لح تعرف تتعامل مع زوجها وتتعامل مع اطفالها
وشو بيضمنلو هالشب انو هالبنت الأمية ماكانت حاكية مع شباب
لهيك هالتفكير كلو غلط بعصرنا الحالي

مشكورة ع الموضوع

​

يسلم تمكـ

​

 

[زهرة النرجس]

انسان غبي

 

[butterfly]

​

لأنو مفكر أنو كل الناس بتتعامل بنفس طريقتو

​

بالتالي الشكوك لح تضل عم تراوده من وقت لأخر

​

بعتذر ع الإطالة

​

ودي

​

وصلتي لـ الفكرة يللي براسي ..
بتشكركـ كتير ع ردك الرائع
نورتي

​

 

[butterfly]

انسان غبي

انا كمان قلت هيك

نورتي

​

 

[ابن النيل]

اولا يجب عليكم احترام راي الطرف الاخر
مابيصير اتهامه بالغباء او غيره

تاني شئ لازم تلتمسوله العذر انتم مابتعرفو شو صار معه خلاه يحكي هالكلام
يمكن يكون صارمعه موقف خلاه يكره كل المثقفات


ثالثا واخير على اي اساس حكمتم على البنت الجاهلة انها مارح تعرف تربي اطفالها او تتعامل مع زوجها مو يمكن تكون طريقتها في تربية اطفالها احسن من طريقة المتعلمات والمثقفات




طبعا هو كلامه بالنسبة الي غلط (بس وجهة نظرو)

والاغلب انه المثقفة احسن من الجاهلة(بس مو كل اصابيعك متل بعضها)




ارجو ان ماحد يزعل مني

واسف على الاطالة


تحياتي وودي






​

 

[miss soso]

walla el shab besara7a howe bekon jahel o ya3ny neftered ommeye darory tkoon ma bte7ky ma3 shabab ..bel mo5taser hal shab tafkeero mota5alef

 

[KiNg of Pc]

هاد بالبونت العريض تافه وحقير
لأنو لو اتزوج امية كيف رح ربي ولاده
او كيف لح تعلمهم امهم
بقه هاد اسمو قمة في حقارة وتفاها
ورح يتعب بحياتوا كتير

​