ليش ياترى؟؟؟

[ندى الورد]

ليش يا ترى؟؟؟

في سؤال عم يدور ببالي من زمان
^
^
^
^
^
^
^
^
^
^
^
ليش العرب بيربطوا شرف العيلة ببنت؟؟؟

يعني اذا شي بنت هربت من بيت أهلها

العيلة كلها بتصير بلا شرف

لحتى يلاقوا البنت و مو بس هيك

يحبسوها او في عيل بيقتلوها

يعني كأن غصب بدون يخلو الاب او الاخ يرتكبوا

جريمة قتل

بس مو هون الشغلة

السؤال اللي براسي

هو ليش اذا شي بنت من العيلة هربت بتصير كل العيلة بلا شرف

يعني بيربطوا شرف كل العيلة ببنت!!!

عطونا رايكون

منقووووووووول

قريتو من شي شهر بالنت و ما عم يرضى يطلع من راسي​

 

[دانووو]

لانهم شرقيين
هاد رايي ومابدي احكي راي الجاااد لانو يلي حولي راح ينتقضوني
لهيك بقلك
راح نبقى عرررررررررب شرقيين
بشكر موضوعك ياحبيبة

​

 

[STELLA]

متل مو معروف البنت بيضل وضعها مختلف عن الشب

بكل شي بالحياة , بطبيعة المعيشة و الحياة و الطلعه و الفوتة

و بناءا على هالشي المجتمع الشرقي عمل عادات و تقاليد من مئات السنين

طبعا هالعادات مانها وليدة يوم وليلة أو سنة أو سنتين , هي صرلها عمر منتشئة و عم يمشي عليها جيل ورى جيل

و كتير من هالعادات و التقاليد مجحفة بحق الأنثى و بحق البنت

طبعا في عادات أصلا بتكون مخالفة للدين و العرف رغم هيك بعض العالم متمسكين فيها جدا

و لو نجي للدين الإسلام ساوى بين الذكر و الأنثى بالعقوبات

بس المشكلة الأساسية مو بالدين طبعا لأنو دين عادل

المشكلة بعقول البشر الي متمسكين بأمور تافهة و بعادات و تقاليد غير صحيحة

و متل ما قلت سابقا أنو وضع البنت و طبيعة معيشتها من أحد الأسباب الي خلت هالمجتمع يتشدد بهالعقوبات و بهالتفكير السطحي

و في شغلة كتير مهمه أنو مجتمعنا مافينو يعيش بلا ما يسمع كلام الناس و بلا ما يحكي ع الناس

و هالشغلة بتولد فيهم تطبيق العادات بدون تفكير , مثلا لو أجت عيلة متفهمه نوعا ما , بتلاقيها بتقلك شو بدون يحكوا علينا العالم

طيب يا جماعة إذا أنتوا طبقتو شرع رب العالمين بشكل صحيح و ساويتو بين أبنائكم الذكور و الإناث شو بدكم بكلام العالم



طرح جميل عزيزتي

تقبلي مروري

 

[ZOZ]

في شي مرة سألنا حالنا ليش كل يوم منتغدى و منفطر و منتعشى؟
الي عم يصير انو نحنا منوعا على الدنيا هيك عايشين!!!!!
بس بما انو نحنا عرب يعني نحنا عالم مش لازم نشغل مخنا ولا لازم نعترف انو البنت كائن بشري حر بحياتو
يعني ممكن الخيانة للشب بس ممنوعة عالبنت!!!!!!!!! الشب يعمل الي بيريحو و البنت بس بدها تعمل الي بريحا منطلعلها بالفيتو الي هو الشرف
لك فهمنا العالم صارت على القمر و نحنا بعدنا بعادات بالية
​

 

[دانووو]

هووو دااااا عادات بالية بالية بالية يسلم عالتم يا زوز

 

[إلهام]

لانو كل مانعدم احساس الرجل بشرفو بتلاقي بيركز عشرف المراة اكتر هاد احد ارئي وغير قابل للنقاش
الرائي العام انو العوائل وضمنهم النساء كمان الكبار بأيدو فكرة الشرف بعد خوض معارك الحياة
المراة كائن ضعيف ومعطاء وصامت تخيل لو انقلبت وسادتك المريحة عليك ماذا كنت ستفعل بها
في تفوات بين العيل في التشدد لهذا الوضوع وتوفوات بين النساء والبنات لفرض افكارهن على الرجال وتعويدهم في تقبل طباعهن طبعا مو فكرة الانفلات والحرية الزئدة متل الغرب هي مرفوضة شرعا اصلن
اهم شي متكون الوحدة متل البسة طول حياتها وفجاة تجي تعملها شغلة كبيرة طبيعي رح تقابل بلاستنكار الشديد
وانا طبعا مافي احكي لنو الشرف شي مو مهم بالعكس الرجل والمراة بيفقدو شرفهم وحتى الرجل يقابل برفض عندما يخطأ
هذا الرجل الذي يهرب مع البنت هل يقابل بالقبول على العكس يبقى مطرود من العئلة كما البنت
ولكن المسمى مبرمج على البنت بالشرف كلفض ..
واعتقد انو الناس تحاول التمسك بالمسمى والتشديد عليه لبث الرعب في قلب كل من تحاول ان تسول لها نفسها او له نفسه التصرف بعيد عن القوانين
والتسبب بفضيحة ...... الموضوع مازل عند البعض في اوجه وعند البعض اخذ شكل ابسط
عذرا للاطالة فيأرقني كثيرا هذا المسمى بشكله القبيح الموجه ضد المراة
شكرا

 

[احلى دنيا]

قال بحكولك عادات وتقاليد ...
بدي افهم هالمخ يلي براس العالم ليش ربنا اعطاهن ياه
بس الله يسامحهن اجدادنا ع هيك تفكير نقلونا ياه

 

[ندى الورد]

مشكورين كلكم عالمرور نورتوا الموضوع...

 

[قيــ الروح ــثارة]

السلام عليكم ورحمه الله وبركاته ... دائما بتحكو عن هالقضيه وكأنها اهانه للبنت ؟؟ ليش بتشوفوها من هالمنظور ؟؟ انا فخورة كتير اني حاملة شرف عيله بكاملهااا بنقاائي ... وهي مو عادات باليه ... الرجال قوامون عن النسااااء ... وربك بيقول : قل للنساء ان يسترن فروجهن ... ومذكوووررر كتير عن شرف الجنسين مو جنس واااحد ... بس الشي اللي متخلفين فيه نحنااا هو العقاااب ... ما بيكون واحد للزاني والزانيه ... هاد اللي متخلفين فيه فقط ... امام ارتباااط شرف العيله ببنت فانا فخورة فيه تحياتي واحترامي

 

[ĻàĎỷ iЙ ŖẼD]

بعين الله

موضوع رائع​

 

[► Mr.Rami ◄]

ندى الورد

شكرا ع الموضوع


في متل بيقلك التار ولا العار

وين ترباية الأهل بهيك موضوع الأهل ربوا وصرفوا ليشفوا بالنهاية ذرية صالحة يفتخرو فيا

وكلون بالنهاية ما ألون غيرنا

وشرف العيلة ... إسما عيلة

وحتى الشب إذا غلط ... العالم الجيران شوفو أبن فلان شو عمل وساوا ويالطيف

البنت قصة شرف لأنو إذا غلطت مرة مابتتصلح ورح تنكشف بالهاية وتصير حكاية على كل لسان وسيرة كل لسان بنت فلان
عملت هيك
يعني نزعت حالا ونزعت سمعتا وسمعت العيلة

بس الشب بإمكانوا تتصلح وينسى ويتوب ويخبي ومايبين

(إذا ابتليتم بالمعاصي فاستتروا ) حديث شريف


​

 

[Chantal]

البيئة العربية محكومة بقوانين وعادات وتقاليد لاتحيد عن الإطارالشرعي
ولكنها لا تخلو من الشاذين عنهاالذين يخالفون شرع الله جملة وتفصيلاً فيمايخص ذلك الأمر
أنا بستغرب على المقارنات العقيمة بين الذكروالأنثى
ألم نعي أن الإسلام كفل لكل ذي حق حقه
بغض النظر عن ردود أفعال العائلة تجاه هروب الفتاة
سؤالي اللي يطرح نفسه ..
هل هروب الفتاة عن بيتها بالأمرالذي يُستهان به ؟؟
وهل سهل على الأسرة أن يُفتضح أمرهم ؟؟؟
لا زلنا نعقد مقارنات بين البنت والولد
طبعاً لااااااااااااا مجال للمقارنة
لنكن واقعيين البنت كالزجاج متى ماخُدشت بأي عارض أصبح الخدش علامة فارقة في حياتها
لا ننكرتلك الحقيقة ...نعم وألف نعم البنت مرتبط شرفها بأبيها وأخيها وأسرتها
مهما أختلفت البيئة هنا أو هناك في بلادنا العربية التي يحكمها دين وقانون
برأيك هل تتناسى العائلة هالأمر وتصرف نظرهالماهوأهم من ذلك وتقلل من أهميته
ويُترك الحبل عالغارب ( وهذا اللي ضيع الأسروأصبح فيها التفلت التربوي وإنعدام الرقابة )
وهل غض الطرف عن ذلك الأمر هوالمطلوب ؟؟
لا أحب أن أكون كالناعقين في ترديد الشعارات العقيمة التي لم ينزل الله بها من سلطان
فهناك أمور مُسلم بها وغيرقابلة للتغيير وهي الأخلاق ومبادئناونشأتناالدينيةالتي تحدد مساراتنا في الحياة
عزيزتي ... أنا لا أصوب عملية الإنتقام للشرف بالقتل طالما لم ينص شرعناعلى هذا
فكل مايخالف الشرع باطل
ولكنني لا أقلل من شأن هروب البنت واحجمه
وأصلاً لوين رايحة ؟؟؟
وأي حضن يلمها غير أهلها وأسرتها ؟؟؟؟
وعجبي على زمن أتغيرت فيه المفاهيم والأخلاقيات لتتماشى حسب الأهواء والرغبات
هذا رأي المتواضع
تحياتي ندى

 

[آلبتول]

دعونا نفهمها اولاً بشكل اوسع وعلى نطاق أعمق
بعيداً على اننا مجتمع شرقي ذات عقول متحجرة
وبعيداً عن تقوقع الجاهلية بقول : " هي عرضنا وهذا الي تربينا عليه"

لنفهم مفهوم الشرف بشكل تفصيلي
وهو أولاً ما هو تعريف الشرف ؟

هي صفة تقيم مستوى الفرد في المجتمع ومدى ثقة الناس به...

بناء على أفعالة وتصرفاته , التي تساعد على وصف حالة الفرد

ومدى النبل الذي يتمتع به الفرد اجتماعيا >> ركزوا التي تحتها خط

صفة =اي لا تقيم الفرد بإنسانية فقط بل بإخلافه ايضا
مجتمع =اي تكون غالباً ظاهرة اجتماعية
ثقة = وهي اهم المعنويات التي يعيش بها الأنسان وتقدر قيمته كفرد التي تبنى على " الكرامة "
افعال وتصرفات= هي الأفعال والتصرفات الآثمة أو التي يجرم بها الفرد بأنواعها-، كالسرقة والزنا والقتل وإن كانت تختلف من مجتمع لآخر ومن ثقافة إلى أخرى.

هل اتضحت صورة الشرف تعريفاً وتفصيلاً الآن: أي اقصد من هذا كله أن لا تقتصر على هروب فتاة من بيتها هي شـــــــــاملة في سلوك الفرد ككل
(( الأفعال والتصرفات )) أي مثلما قلنا في أنواعها السرقة , الرشوة, الديوث , السكير ,المدمن و ...و ... ألخ
التي تمس الفرد بسوء كلها تعم في جبهات شرف الأنسان وحسن مقداره

لكن للأسف ما زال يفهمها المجتمع بنطاق ضيق جداً ويحصرون الشرف بمنظور ارتكاب جزء من المحرمات وينسون البقية !!
بحيث تعاقب الفتاة كما شرع الله لنا فيها وأما الرجل يتهاونون به

أنا ليست لدية مشكلة أن تجلد المرأة 100 جلدة لمخالفتها احكام الله فهذا ما شرعه لنا , لكن المصيبة انهم يتقنون الشرع بجلد المرأة ولا يتقنون الشرع لرجال سرقوا البلد بالرشاوي ..وغيرها ..وغيرها

لذلك بأختصار شديد الشرف = كــــــــــــــــــرامة الفرد بذاته قبل الخوض في امور المجتمع ونظرته الإجتماعية والدينية والعادات والتقاليد الراسخة

 

[ندوش]

وأصلاً لوين رايحة ؟؟؟
وأي حضن يلمها غير أهلها وأسرتها
هذا هو الكلام الصحيح
​

 

[B.A.R.C.A]

منذ أن ولدنا ونحن نعلم أن مكانة الذكر تختلف عن مكانة الأنثى اجتماعيا

لا يجدر بنا لوم أجدادنا؛ لأن كل تقليد كان له سبب

وتقوقع كلمة {شرف} حول المعنى العضوي كانوا هم أصله

ولا ندري.. ربما حدثت حادثة وقتها وجعلتهم يربطون هذه الكلمة بهذا الفعل

ومنذ نعومة أظافرنا عهدنا على أن الخوف يجب أن يكون على الأنثى أكثر منه على الذكر

ربما لم نفكر يوما بسبب ذلك.. إلا أن ذلك يقوم على أسباب وليس سببا واحدا

الذكر بطبيعته صاحب مسؤولية ضخمة تقع على عاتقيه خارج المنزل وداخله

أما مسؤولية الأنثى فهي منزلها وزوجها.. أي أنهما لا يقارنان من حيث تحمل المسؤولية

وهذا الكلام ليس من عندي.. بل أستشهد بحديث رسول الله صلى الله عليه وسلم: {ما أفلح قوم ولوا أمرهم امرأة}

وهذا أكبر دليل على أن مسؤولية الأنثى داخل المنزل فقط

وهذا ما جعل لها مكانة غير مكانة الذكر

بل مكانتها في موضوع {الشرف} خصيصا أعلى من الذكر

فشرف الأنثى يبدأ من عفتها.. وهذا مطلب اجتماعي

أما الذكر فلا يلام إن لم يكن عفيفا

وشرف الأنثى ينتشر أثره بشكل سريع في المجتمع

فلو حصل شيء غير المفاهيم الأساسية للشرف بالنسبة للأنثى كان إثما اجتماعيا عظيما (بمعزل عن الناحية الشرعية)

أما الذكر فيستطيع أن يتوب وأن يتكتم على فعلته.. فهي لا تؤثر في حياته المستقبلية



إذا.. فمكانة الأنثى بالنسبة للشرف أعلى منها مقارنة مع الذكر

وعفة الأنثى مطلب اجتماعي.. وهو اللبنة الأساسية لقيام مفهوم الشرف (كما عرفه أجدادنا ونقلوه إلينا)

وعلى الأنثى أن تفخر بهذه المكانة الرفيعة مقارنة مع الذكر، لا أن تعتبرها إجحافا أو جحودا لحقوقها وتناسيا لمكانتها



أتمنى أن أكون قد أوصلت فكرتي..

والشكر الجزيل لصاحبة الموضوع {ندى الورد} على طرح هذا السؤال المهم..

 

[ندى الورد]

مشكورين كلكم نورتو الموضوع
كلكم ابديتو رايكم و صح ان انا حطيت الموضوع بس انا ما قلت رايي بالموضوع شوي و برجع مشان قول رايي مشكورت عالمرور مرة تانية.......تحياااااتي

 

[صمت العيون]

الموضوع كتير مهم ومن زمان لهلا بينحكا في والاراء باختلافها تعبر عن وجهات النظر
بس بالنهايه البنت او الشب اذا تربتو تربيه صحيحه علاخلاق الاسلاميه ما بيغلطو لانو دينا كريم وكرم الانثى
وحفظلها حقوقها ......ولها مكانه كبيره بالاسره لانها رح تربي جيل كامل والرسول صلى الله عليه وسلم شبه الانثى بالقاروره ....ووصا بالرفق معها
والشرف شي مهم الها ولعيلتها ...
وما بنقدر نتغاضى عنو ...بس العقاب بكون مجحف بحقها وانا ضد العقاب متل القتل وغيرو ممكن الحوار والتفاهم ومحاوله تصحيح الامور بكون افضل .
الصح بالنهايه بيثبت نفسو .......
والخطا خطا .....
تقبلو رايي المتواضع

 

[ندى الورد]

صمت العيون سبقتيني
رايي متل رايك
يعني انا بعترض عالعقوبة اذا الاسلام عملا 100 جلدة و بسس منقوم نحن منقتل و منحبس؟؟؟

و على ان اذا وحدة غلطت شو ذنب كل العيلة؟؟؟؟؟

يعني في ناس مع احترامي بيعملوا كل العيلة زبالة

​

 

[Dreamy g!rl]

ماشالله الكل هوون كفا و وفا كل اللي بقدر أوله لو عنا بحياتنا هالشغلتين : الخوف من الله , العدل . ماكان سمعنا بهيك قصص بحياتنا أبدا !!

تحياتي موضوع كتيير رائع