موضوع هام (برأيي)

[mEdOoOo]

انا حابب اخد رأيكم بهالقصة صايرة مع حدا بعرفو ومالي غير اخواتي وحبايبي البيلسانين
انو في واحد منعرفو ابو متوفي من وقت ما كان صغير وعاش هوة واهلو احلى عيشة وبس وصل عمرو للعشرين واكتر شوي وصلو خبر انو امو بدا تتزوج ام هوة ضاج كتير وما عجبتو الفكرة قال هوة برأييو انو امو مالازم تتزوج لأنو كبرت صار عمرا بلأربعين واخواتو لي اكبر منو قالولو لازم امك تتزوج هلئ لأنو تعبت بتربايتنا ولازم تشوف حياتا هلئ,
اخواتو طبعا متزوجين وكل واحد ببيتو والشب هوة الوحيد لي قاعد مع امو بالبيت بقا صفن هالشب ورجع قلون انو انا مو موافق لأنو رح تنأسر حريتي بالبيت

انا حكيت مع الشب وقلتلو انو امك لازم تتزوج بس بشرط أنو تعيش هية وزوجا لحالون قلي انو هوة هيك موافق بس ال أم قالتلو ما بخليك لحالك بقا انتو شو رأيكم
طبعاً هي القصة باختصار شديد
لأنو في كتير شي صار مالازم ينحكى وفهمكون كفاية
​

 

[قيــ الروح ــثارة]

واو بصراحة مع انو من حق الام تتجوز لأنو حلال هالشي يعني وما عم تعمل العيب

بس صاحبك موقفو بجد صعب

يعني أنا لو مكان امو اذا بيكون عمري 20 سنة وبيكون عندي ولد وانا ارملة او مطلقة اكيد ما بتجوز
بس الحل لو ما رضيت امو تتجوز لحالها وتتركو بدو يرضى بهالشي
أحسن ما يغضب أمو لأنو هو بالنهاية ما رح يضل عايش معها ورح يأسس اسرة لحالو بعيد عن امو وزوج امو

بس الله يرشدو للطريق الصح ويهدي هالام (بعد الكبرة جبة حمرا:80:(​

 

[mEdOoOo]

شكراً كتير الك Feton على رأيك
​

 

[الحرالباكي]

أخي الحبيب mEdOoOo
أولا بالنسبة للحداد بالأمرأة التي توفى زوجها أرجو الأطلاع
عن زينب ابنة سلمة عن أم حبيبة رضي الله عنهما
قالت سمعت رسول الله صلى الله عليه وسلم يقول: "لا يحل لامرأة تؤمن بالله واليوم الآخر أن تحد على ميت فوق ثلاث إلا على زوج أربعة أشهر وعشرا" رواه البخاري من حديث طويل

ومفهوم الحديث النبوي عن كلام ربنا بأن للحزن وقت معين وبعدها حرم الحزن على المرأة المتوفي زوجها
والحكمة من ذلك ان المرأة قد اتمت شرع ربنا بما أحل الله للحزن على الزوج وينبغي لها متابعة حياتها بما أحل وشرع الله ؟؟ وزاج الأمرأة الأرملة حلال بعد قضاء عدتها وحزنها على المتوفي
والله أجل وأعلم
​

بعدين خال مو واردة انو عريس الغفلة يسكن عند أم رفيئك يعني الله وأعلم
بالاسباب وباطنها بس هي نئطة سودة بدها شوبة حسابات شرك
ورفيئك خال الو وزن وكبر عئلك عشرين سنة الي بجيلك بكون تقريبا رح يخطب أو خاطب وانت بعدك عم اتفكر بحضن الماميتو
انا برأيي ايوزن اشوي ويحسبها صح ويحاول قدر الامكان مايوئف بنصيب امو اذا العريس ابن حلال ويستاهل لأنو بالنهاية هو نصيبو لمرتو وأولادو ؟؟؟؟
وأمو بعد هالشي رح تكون بحاجة لسند يكون موجود معها بشكل دائم

والله يوفئ لنسفئ​

 

[mEdOoOo]

حبيبي الحر الباكي حكيك كلو صح بس هوة مو هون القصد قصدو انو بعد كل هالعمر انو امو تتزوج كانت تتزوج من الاول وبينو وبين حالو عم يقول معقول هاد لي بيسمو جهل الاربعين وشكراً على رأيك
​

 

[الحرالباكي]

40 سنة يعني بعدا صبية بالنسبة لوضع أرملة خال
يعني الي متلا بعدهم فرفير صغار بالنسبة للي عمرا 99سنةأمثال الشحرورة وعم تتزوج للمرة التالتة ولا الرابعة
و المثل القائل :بعد الكبرة جبة حمرا هاد كلام مكيودين:19: لا ترد عليه أصدي رفيئك يعني
​

 

[ஃ MAGNUM ஃ]

انا متل ما فهمت ان الام عمرها اربعين سنه
يعني المخلوئه لساتها امراءه كاملة الانوثه
وانا ضد الي قالو بعد الكبرا جبه حمرا
ورب العالمين متل ما شرح الحر الباكي شرعنا الحلال
فا بأي حق البشر بدها تمنع تشريع رب العزه ؟؟؟؟
وشي تاني كل انسان والو حاجات عاطفيه وجنسيه واجتماعيه
السؤال الي بيطرح حالو اهل قضاء هل الحاجات بالطريق الشرعي افضل
ولا مشان نرضي العباد نخالف اومر رب العباد؟؟؟؟

وبعدين لما هل الشباب كلهم بصيرو متزوجين وكلهم نايمين بأحضان زوجاتهم
هل المعترا شو بدها تساوي ؟؟؟؟؟ اكيد رح تغني من ايدي طيرت العصفور
خليها تتزوج وتتكل على الله هاد استر واضب والمرا ما بدملها الا زوجها ستر وغطا عليها
​

 

[زهرة نيسان]

انا مع رأي الحر الباكي



​

 

[mEdOoOo]

شكرا كتير ما غنوم انا معك بس ميحلوة تتزوج المرة بلبيت لي فيو ابنا ولساتو عزابي وبتعرف انت اكيد انو رح تنأسر حريتو
​

 

[روجينا]

اممممممممممممممممم

احترامي لا جميع الاراء بس انا بدي احكي راي

انا رح حط حالي مكان ها الشب

لو انا مكانو رح ارفض وبئوه كمان لاني رح فكر بي عاطفتي بس ازا بدي فكر بي عئلي

رح ئول عنجد انو معها حئ تتزوج وتعيش حيتها لانها دفنت حيتها لا تربينا واجى وئت انها اتشوف حياتها

هاي لما تيجي اتفكر فيها بس انا لو فكرت فيها بي ئلبي وانو رجال غريب ياخد امي مني وهيك شغلات مارح وافئ

بس الواحد يحكم عئلو احسن وممكن اني ماكون مبسوطه بي ها الاختيار يعني اني وافئ زحكم عئلي

بس لازم الانسان يعمل هيك لا يحسبها صح

وبس هاي هي وجهة

نزري

واحترامي للجميع

روجينا :10::10::10::10:

 

[mEdOoOo]

ميرسيتو روجينا على رأيك
​

 

[ஃ MAGNUM ஃ]

شكرا كتير ما غنوم انا معك بس ميحلوة تتزوج المرة بلبيت لي فيو ابنا ولساتو عزابي وبتعرف انت اكيد انو رح تنأسر حريتو
​

الي بحب امو بضحي بجزء من حريته مشانها
متل ما هي ضحت بسعادتها سنين مشانه
وبعدين لازم الواحد يشوف الامور بواقعيه مش بأنانيه
سؤالي ما تجاوب عليه الحلال احسن واسر الحريه
ولا الحرام
​

 

[قيــ الروح ــثارة]

الي بحب امو بضحي بجزء من حريته مشانها

متل ما هي ضحت بسعادتها سنين مشانه
وبعدين لازم الواحد يشوف الامور بواقعيه مش بأنانيه
سؤالي ما تجاوب عليه الحلال احسن واسر الحريه
ولا الحرام ​

​

 

[mEdOoOo]

طبعاً الحلال بس بدون اسر حرية لأنو الشب بهالعمر بيكون بعز طيشتو وال ام بتكون واعية اكتر يعني الشب بيجوز يتصرف تصرفات بدون تفكير بقا لازم الام تستوعبو وتلاقي حل
​

 

[زهرة النرجس]

وين حبس الحرية مستحيل جوز امو يحكي لو لاتعمل هيك ولا تساوي هيك رح يضل حر متل ماهو... وهالاشي مارح ياثر على حياتو الشخصية ابدا ولا باي شكل من الاشكال ..

بكرة رح يتجوز هو ورح يطلع من البيت امو المسكينة هاي تموت بوحدتها بعدين هي كبرتو وعلمتو وعملت كل اشي لحد ماصار شب كبير وواعي وعمرو 20 سنة
وامو مابتها تتجوز الا لانو بعد هالعمر الطويل بدها ترتاح باقي عمرها

قمة الاناينة انو يفكر بهالطريقة معلش هو اناني لانو مابدو ياها تتجوز مشان حريتو ومشان مش متقبل حدا بالبيت
جاب سيرة امو شي؟ طبعا لا هالشب عم يطلع على حالو وبس ونصيحتو الو انو الامور تاخد مجراها الطبيعية ومايكبر الموضوع مشان مايكبر ويعيش حياتو متل مابدو
​

 

[ஃ MAGNUM ஃ]

طبعاً الحلال بس بدون اسر حرية لأنو الشب بهالعمر بيكون بعز طيشتو وال ام بتكون واعية اكتر يعني الشب بيجوز يتصرف تصرفات بدون تفكير بقا لازم الام تستوعبو وتلاقي حل
​

هاد كلام حق اريد فيه باطل
وبمعنى تاني عذر اقبح من ذنب

لو كان هو الاب وهي بنته رح تضل قناعاته متل ما هي
ولا الموضوع تهديد وبس ؟؟؟؟
انا التلك بأول رد ان كل انسان ذكر او انثى في الو حاجات جنسيه وعاطفيه
ورب العالمين ورسوله الكريم امرونا ان نسد هل الحاجات بالحلال
شلون حضرتو بدو يمنع ما حلل الله؟؟؟
وبعدين شو هل الانانيه المطلقه الي عايش فيها
يأخي حط ايدك بعينك متل ما بتوجعك بتوجع غيرك
لو صابه مصاب امه لاسمح الله رح يسمح لولادو ان يقفو بطريقه ؟؟؟؟
​

 

[mEdOoOo]

كلامك كتير حلو يا يا ماغنوم وانا رح احكيلو هالحكي بس بطريقة لبقة شوي مو بعصبية
​

 

[ஃ MAGNUM ஃ]

:19::19::19::19::19:
كلام الحق ما بدو تزويق او تزين
وصدقني اذا التلك اني عم احكي بكل
اريحيه بدون عصبيه

​

 

[mEdOoOo]

ان شاء الله خير
​

 

[ندى القلب]

بسم الله الرحمن الرحيم

والله عجبني رد الحر الباكي وردود ماغنوم الله يسعده

بصراحه هالشب المفروض والشي الطبيعي

ينبسط لوالدته انها وجدت انسان ترتاح معاه وتكمل ايامها معاه

اصلاا هالشي حيريحه ويشيل عنه لانو بما انو الاصغر وعايش معاها

فانو رح يكون مسؤول عنها مع الايام.........وكيف كان حيرتاح ضميره

بعد سنه او سنتين يتزوج ويسكن ببيت لحاله ويتركها وحيده

هي من باب..........والباب الاهم سعاده هالام الي ضحت وسهرت وتعبت

لاتستحق انو يضحي بشي من حريته علما ان الوضع قد يستمر اشهر

او سنه اوسنتين بالاكثر وبعدها سينتقل ليستقل بحياته مع زوجه.

والامر الي حابه احكي فيه واعذروني........ان سن الاربعين

ليس مرحله ياس للمراه على العكس منتهى الانوثه والرزانه والعاطفه مجتمعه

كيف اذا تحدثنا عن الخمسين واكثر؟..........وانا اشجع الزواج

لكل من الجنسين في هذا العمر ان كان وحيدا وهو يسمى زواج المؤانسه

ولنا في رسول الله صلى الله عليه وسلم قدوه حسنه

فهو تزوج نساء بهذا العمر وشجع على هذا الزواج وكان في عصره

امرا طبيعيا ليس فيه مايشبن..............فهل نحن فوق مستوى رسول

الله وصحاابته الاولون؟؟​