المرحلة الأولى (( مسابقة عريس المنتدى ))

[Senior Anas]

الله حيووو شريك

 

[mr.mimo]

الله الله شو هالعرسان
شي بطير القعل
استمرو ولي على بعضي
لازم قصصكن تدرس للعشاق
ليتعلمو الرومانس عأصولو


​

 

[سِدْرَة المُنتَهَى]

كتير حلووو ضجيج
لقاء مميز ​

 

[البحر الهائج]

الله حيو ضجيج الصمت والله لقاء حلو كتير ما يبلوا العرسان محلاهن الله ايوفقكن ويهنيكن بهالاعمال الرائعة والمشاهد الجميلة عيشتنا في فلم سينمائي رائع اشكرك على المجهود المبذول خيو واتمنى لك النجاح الدائم ​

 

[Life of the soul]

لقاء حلو ضجيج يعطيك العافية
​

 

[STELLA]

ستيلا ... أنا قاصد أكتب هيك مشان طري الجو يعني متل ما بقولوا حبيت رش فوق القصة

رشة كوميديا صغيره مشان تستمتعوا فيها أكتر
شكرا كتير لملاحظتك والشكر الأكبر لمرورك و ردك اللطيف​

​

فهمانه عليك وانا هاد يلي لفتلي نظري بالقصة

وبجد قصتك روعه الله يوفقك انتا والشباب ​

 

[روحى لحبيبى]

تحية بيلسانية للجميع رح أكيلكن كيف كان اللقاء اللقاء الأول يلي اعترفت فيه للبنت يلي بحبها عن مشاعري وبنفس الوقت طلبت ايدها بس قبل ما أحكي لازم تعرفوا شغلى كتير مهمة أنو هالقصة واقعية 100 % وبالفعل صايرا معي وماخترعتها منشان هالموضوع

المهم اتفقت معها عن طريق الأيميل أنو نجتمع الساعة 10 صباح يوم الخميس 26 / شباط / 2009
وكان أخر حديث بينا قبل الموعد بثلاث أيام يعني مساء يوم الأحد لذلك من صباح يوم الأثنين وأنا بشغلي عم فكر شو لازم ألبس لأنو شي بحير رجعت المسا وبحبشة بخزانتي ومالقيت شي يليق بهيك مناسبة مو أنو في أشياء كتير حلو بس احترت لذلك انزلت مباشرة على محل ( غناج ) بباب توما ونقيت شي حسيتو مناسب وهي الصورة ( طبعا متل هيك تقريبا كنت لابس وأكيد هي مو ثورتي أنا أحلى )

خلصنا من أول شغلة ضل الهدية لقاء التعرف السابق قدمتلها وردة بيضا لذلك مو معقول أرجع قدملها الورد لذلك بعد تفكير يوم كامل مساء يوم الثلاثاء انزلت على محل هدايا كمان بباب توما وجبت هدية مناسبة وهي بالصورة الهدية

وأخيرا أجت ساعة الصفر واستيقظت باكرا أو بصراحة مانمت ليلتها وأنا ع فكر بمقدمة مناسبة المهم عملتلي دوش ماكن لأنو بالمعتداد أنو عندي دوش صباحي ( استحمام ) طلعت لبست التياب الجديدة حطيتي عطري المفضل ( هوغو بوس ) وانطلقت لمكان اللقاء يلي رح تستغربوه لأنو كتير شعبي بس برضو مكان عشاق لأنو ماخليت اسم كافيه بالشام الا وحكيتلها عنو بس هي رافضة ( الخوف ) معشش بقلبها بس شو بدنا نساوي متضطر ساير خطبة هي مو لعبة بعد الجواز منتحاسب لا تلوموني المكان اختيارها هي والمكالن هو ( حديقة تشرين ) بساحة الامويين بدمشق وهي الصورة

وصلت حوالي الساعة عشرة الا عشرة وعم انتظر والوقت يمضي كأنو ساعات لما دقت الساعة عشرة تماما شفتها من بعيد متوجهة لعندي وقلبي صار يدق ويدق وصل شي 250 بالدقيقة وقفت وكل العادة هي مابتصافح وقعدنا نحكي شي ربع ساعة كيفك و كيفك لبعضنا بعدين سألتها شو بتحب تشرب وكانت طلبها عصير فريش كان في كشك بجنبنا جبت وقعدت وضيفتها العصير والشلمونة وعيونها بالأرض وماعم تحكي كل شوي أفتح معها موضوع وأوصف جمالها لحتى خليها ترتاح شوي وكل ماهي تخجل زيادة والبنت كلا ماخجلت كل مالشاب خجل أكتر:10::10: طبعا لهلق الهدية بالكيس قدمتها الها وبحجة ماسك الكيس وهي عم تمسك الكيس تشوف شو في مسكت ايدها هون رفعت راسها وطلعت فيني وشفت أجمل عيون بالكون اجتني شجاعة فظيعة وقتها أنو أعترف بحبي الها ويلي بدو يصير يصير قالتها يا ....... أنا بح........... وبجيت بياع الورد وسألني بدك وردة كنت رح أقوم اضربو وقفت وزورتو حمل حالو ومشي بس بعد شو رجعني مية خطوة لورا فتحت الهدية وقالت ياااااااااي بحرارة انبسطت كأنو طفلة صغيرة ولما نزلت اللعبة اجت عيوني بعيونها تماما ونطقتها قلتلها ( أنا بحبك ) وكأنو سطل مي باردة نكب فوق راسها وصارت ايديها ترجف مسكتهن كانوا باردين مع أنو بيومها بالذات كان الجو حار بس في هوا بالحديقة عم يمر بنعومة جنبنا والأشجارالعالية حوالينا بتفتح النفس للأعتراف وفسرتلها بعدها بعشر دقائق لحتى اتحت نفسها شوي أنو حسام الحلبي لما يبحب بحب بقصد الزواج ومستحيل يحب بتسلية لو ماحسيت أنت البنت المناسبة مستحيل تتطلع هالكمة من تمي يلي هي 0 بحبك يا ....... بترضي فيني كزوج وأبو أولادك وعيونها صارو يدمعو وبكيت سألتها شوفي طلعت فيني وحطت راسها على كتفي قالتلي فرحانة فبكيت !!!! مباشرة أنا تشجعت ومديت أيدي عالجيبة وسحبت علبة مربعة صغيرة فيها خاتمين خطبة

وفتحت العلبة فندهشت مسكت أصبعها وحطيت الخاتم ولحسن الحظ أجا عالقياس تماما وعطيتها الخاتم التاني تلبسني يا مسكتو وايدها عم ترجف مسكت أيدي وحطت الخاتم ومرتين سالت من ايدها بعدين نزل بمكانو بأصبعي

هي نهاية اللقاء الأول يلي كان أجمل لقاء بحياتي


وبالنسبة للموضوعين هي موضوع نفحات اسلامية واسمو ( كيف تخشع في الصلاة ) بس الاسم نزل بالغلط ورح أطلب تصحيحو من الادارة هوالاسم الاساسي ( أسرار أية الكرسي ) وهي الرابط http://www.albailassan.com/vb/showthread.php?t=23730


والموضوع التاني بقسم الصحة العامة والمستوصف اسمو ( ماذا تعرف عن انفلونزل الخنازير ؟ ) وهي الرابط تبو http://www.albailassan.com/vb/showthread.php?t=23731

حسام قصتك فى منتهى الجمال
عن جد عجبتنى جداااا
بالتوفيق​

 

[روحى لحبيبى]

ضجيج الصمت رومانسيه وتميز بيجنن
كتير حلوة قصتك
يسلمووووو

 

[كماتشو]

اي شو هالسيناريو هاد ضجيج بيك
يعني جاي على بالي كون المخرج وضل ئلك فركش لحتى تضل تعيد لان ما بينمل من السي سيناريو شيت ئصتك الرومانتيكية برافوضجيج بتمنالك التوفيق انت وجميع العرسان

 

[آلبتول]

ضجيج الصمت كثير حلوه قصتك
رومنسيه بحت :10:
والله عن جد حيرتونا لمين نصوت
​

 

[miss of disaster]

الله حيووووووووووووووووووو موفقين

 

[ضجيج الصمت]

تسلمولي يارب منورين صبايا ... أحلى عالم والله

​

 

[Senior Anas]

ايمتا التصويت

:10:

 

[كتكوووووت]

 

[* نغم *]

بتمنى للشباب ربنا يوفقهم وتتحقق أمانيهم​

* - كتكوووووت ئصتك كتير بتجنن ورومانسية وبدعي ربي يوفقك انت والحبيبة ​

وانا صوتي لكتكوووووت​

 

[museumoflove]

تحياتى لكل أعضاء البيلسان

فى الاول راح أعرض عليكن مشاركات المتنافسين ولقائهم الاول

ورجاء الاطلاع على كل المشاركات قبل التصويت

وياريت يكون صوتك للقاء الافضل من وجهة نظرك بدون مجاملة لحدا
​

1 _ اللقاء الاول Senior Anas​

اول شي مرحباااا للكل

تحياتي
مممم بالنسبة للي كنت لابسو فبما انو انا كنت رايح لقابل الانسانة اللي حاسس انو رح تكون شريكة عمري فحبيت اني كون على 24 ئيراط يعني لبست شي يليق بمئاما

وكنت لابس هي البدلة

بالنسبة للقاء الاول

طبعا بعد ما جهزت حالي ورتبت اموري كنت انا على موعد معا لحبيبة القلب طبعا لحد الان هي ما بتعرف انو انا بحبا كنت عازما على افنجان قهوة طبعا بكافي كمان يليق بمئاما

روتـــــانـــــا كــــافــــبــــه / دمشق

طبعا اول شي لما طلعت من البيت توجهت على محل ورود وجبتلا باقة حلوة متلا

وكان الموعد اللي بينا على الساعه 8 المسا طبعا انا كنت هنيك 7:45م كرمال ما توصل قبلي ما حلوة لانو وقعدت وانتظرتا و وصلت هي على ال 8 تماما واول ما طلت قلبي فرفح قمت وقفت واشرتلا بايدي لانو ما كانت منتبهة وين انا و اطلعت في وابتسمت واجت لعندي طبعا سلمت عليا وبعدتلا الكرسي لحتى قعدت ورجعتووا وقعدت :10: اول شي ئدمتلا باقة الورد و سالتا كيفك وشو اخبارك ويعني من هالكلام طبعا كانت هي كتير خجلانة :10: وما بدي كزب عليكن انا كمان كنت متحسوس شوي وليي جاي اعترف لانسانة حابب انو تكون شريكة حياتي بحبي
طبعا ناديت للميتر وقلتلا شو بتشربي طلعت كتير نايس :10: طلبت كاافي لاتييه :10: ولي عليي انا القهوة اللي بحبا :10: وانا طلبت متلا :10: المهم ئعدت اطلع فيا نظرات اعجاب طبعا خجلت :10:قالتلي اي انس في موضوع كنت حابب تشرحلي ياه
قلتلا مبلا ممم بصراحة يا ..... طبعا اسما ما رح قولوا :10: بصراحة انا شخص مقدم على مرحلة الزواج وفكرت كتير انا وعم انتقي شريكة الحياة اللي حاسس انو رح تكون بتفهمني وتتعايش معي وبصراحة انا انتقيتك للهاد الشي وبصراحة اكتر انا انسان معجب فيكي لابعد الحدود :10:طبعا هون حمرت وخضرت ومدري شو صرلا :10: وكملت انا بصراحة انا كنت حابب اعترفلك بهاد الشي اللي هو مدى اعجابي فيكي وحبي لالك وحابب اعرف منك رايك بهاد الشي طبعا انا وهي منعرف بعضنا من مدة هي زميلة بالجامعه :10:ردت عليي بانو هي كمان بتبادلني شعور الاعجاب ولولا هاد الشي ما كانت قبلت عزيمتي وهيك اعترفنا لبعض بحبنا و قلتلا انو انا بصراحة بحبك حب شريكة الحياة شريكة العمر :10: وبتمنى هاد الشي يتحقق :10: وهون بينتهي اللقاء الاول بيني وبين حبيبة عمري ....

طلعنا من الكافي ووصلتا لعند بيتا طبعا هي وراكبة معي بالسيارة كان وشا احمر وخجلانة كتير يعني تحكي الكلمة وتعيدا تلت اربع مرات من الخجل اللي هي فيه وقاعدة بالكرسي تبع السيارة و راكية حالا على الباب يعني خجلانة تلزئ فيني ووصلنا لعند بيتا ونزلت وهي عم تطفي وتشعل من الخجل :10: ونهيت اللقاء معا بكلمة بحبك وطبعا هي استحت تئولا :10:


وانشالله يكون عجبكن اللقاء الاول بيني وبين شريكة عمري ......



*********
بالنسبة لمواضيعي المتعلقة بالمسابقة
1- الموضوع في نفحات اسلامية ( حكم سب الشيطان )
وهاد الرابط (http://albailassan.com/vb/showthread.php?p=240449#post240449)

2- الموضوع في الطب والصحة ( كيف تنقذ نفسك من جلطة دماغية بإذن الله )
وهاد الرابط (http://albailassan.com/vb/showthread.php?p=240458#post240458)

********************

وهيك بكون انهيت المرحلة الاولى من المسابقة وبتمنى تصويتكن

مع فائق احترامي للجميع

تحياتي Senior Anas​

2 _ اللقاء الاول كتوووووت​

في البداية حابب اني اتشكركم على المسابقة الظريفة واشكر كل القائمين على إنجاح مثل هذه المسابقات وباسم الله نبدأ:

بصراحة الصبية اللي تعرفت عليا بتقربني وتعلقت فيا من لما كنت بالثانوية طبعاً بدون ماتعرف وهي كانت اصغر مني بحوالي 3 سنوات. كنت لما روح عندهم حاول اني حسسا اني مهتم فيا بس البراءة اللي كانت عندا خلتها انو تحس الامر عادي ومرة زرتهم وتعمدت اني أخد معي شوكلاتة وكانت على شكل قلب لونو احمر ولحسن الحظ القلب طلع نصفين ومربوط بشريطة المهم صاحبكم لما شافها عطاها حبة الشكلاتة والتلا على فكرة هيدا القلب نصين ومن حسن نيتها قالتلي طيب خود النصف التاني وانا ما سدئت واخدتو على طول. المهم زياراتي الهون كانت تقريبا بشكل اسبوعي بحكم القرابة واستمريت على هالحالة قرابة السنة وبعدها انتقلت هي للدراسة بالمعهد بالشام هلأ هون فكرت انا أني حاول رتب معا موعد واحكيلا كل اللي بالبي مع اني بعرف اني ما عندي الجرأة لبوح ما في القلب لهيك فكرت فكرة ألت يمكن تزبط ويوصلا شي من حبي الها. أبل ما قابلها.


طبئت شريط كاسيت عبارة عن شعر حب متبوع بأغاني رمانسية وتعمدت اني استناها قريب السكن واعطيها الشريط طبعا من شان ما حدا يشوفنا وكتبت على الغلاف الخارجي بيت شعر لهلأ حافظو ومستحيل انساه وهو:


الناس من ذنب الهوى تستغفر،،،،، وأنا أحبك كل يوم أكثر


وبعدها ضليت حوالي 4 ايام ما شفتا ولا سمعت صوتا اللي كان يعطيني أمل بالحياة. وخطرت ببالي فكرة أني احكي مع اهلي أنو نعمل رحلة وناخد العيلة على البحر شي كم يوم وبالمرة بشوفا هنيك. والله وعلى طول الاهل ما قصروا لاني كنت مخبرا للماما اني حاببا للبنت وشجعتني كتير واستئجرنا باص حتى نروح كلياتنا سوى​

وطبعاً بما أنو كان المشوار رحلة على البحر فأكيد الملابس بدها تكون سبور وهيد أنا:​

​

​

وبالباص بلشت نظرة من هون وضحكة من هون بس هي ما تحكي بس شوف ابتسامة ساحرة منها وطول الطريق كان الكل مبسوطين اغاني ورقص وانا اكتر واحد مبسوط، وبعد ماوصلنا ورتبنا اغراضنا بالشاليه بحوالي ساعتين شفتا واقفة لحالها برات الشاليه ورحت لعندا سلمت عليها وإلتلها شو رأيك نتمشى شوي وافقت بعد ما اخذت موافقة أمها، ونحن عم نمشي صادفنا جلسة رومانسية روعة بمكان عام إلتلها شو رأيك نئعد ونحكي شوي؟. حسيتا مترددة بس بعد الحاح مني وافقت وهادا هو المكان:​

​

وأول ما أعدنا حكينا شوي حكي عادي وانا مو عرفان شلون بدي ابلش وبيني وبينكم احمر وجهي وارتجفت ايدي لأني اول مرة بأعد مع صبية ولوحدنا وبهيك مكان والمهم سألتا شو بتشرب آلت عصير ليمون وطلبت 2 عصير إلي والها مع كيك فواكه وحاولت إني شد حيلي وإبدا بالحكي وقتها سألتا رأيا بالشريط اللي عطيتا اياه. آلتلي الشريط حلو كتير وشكرتني عليه التلها في شغلة مخبيها عنك من فترة وماني عرفان شلون بدي احكيها وشافتني متلبك وبعدين لئيت اني أعطيها الهدية اللي جايبها إلها يمكن توصلها رسالتي إني بحبها وهي الهدية:​

​

شافتا وتلبكت وما عرفت شو بدها تساوي من الخجل هون ما بعرف شو صارلي وتشجعت وإلتلها إي بحبك ومن زمان بس ما عم اعرف شلون بدي وصلها وهلأ ارتحت لأني إلتها ولقيت حالي عم أوول بحبك بحبك بحبك بصوت عالي وبدون ما انتبه وهي آعدة ووجها احمر. والتلها بصراحة انا حابب انك تكوني شريكة حياتي للأبد وطلبت منها انو تفكر بهالشي وتعطيني رأيا بعدين والمهم رجعنا لعند الأهل ورجعت الأمور طبيعية وحسيتا انو صارت تبادلني نفس نظراتي العاطفية وقتها حسيت اني ملكت الدنيا وانو الفرج أريب ونحنا على طريق الرجعة غمزتا غمزة استفسارية وردت بضحكة. وبعد ماوصلناهم على البيت ورجعنا يومها مانمت الليل عم فكر فيها ولحتى طلع اليوم التاني على طول اتصلت وسألتها على نتيجة اللقاء وكانت اجابتها انو آلتلي انت شفتها في الباص وقتها عرفت ان الضحكة هي الموافقة.

بتمنى تعجبكم قصة حبي​

​

الموضوع الأول في قسم الطب والصحة


(الزواج والصحة) ​

​

​

​

​

http://www.albailassan.com/vb/showthread.php?t=23679​

الموضوع الثاني في قسم النفحات الاسلامية


(متى رسول الله عليه الصلاة والسلام على أطراف أنامله) ​

​

​

​

​

​

​

http://www.albailassan.com/vb/showthread.php?p=241716#post241716​

3 _ اللقاء الاول أبو المر​

مرحبا شباب وصبايا أنا رح بحكي قصتي بلمختصر
يعني يلي صار بضبط :10:

يعني وئت رحت شفت الحب الاول بحياتي
كانت الدنيا صيف وكانت عم تعمل دورات تقوية بمعهد
وعدتني تشوفني بعد المعهد طبعا هاد الحكي كان برسالة
وبحياتي مالي وائف معا :10::10:
طبعا رحت لشوفا وكنت لابس كنزة بضي :10:
وكان شكل الكنزة يعني هيك

طبعا وئفت وكنت خجلان كتير أول مرة بحكي مع بنت :10:
وماعرفت شو بدي أحكي بس بتذكر ضلينا ساعتين بس كنت مبسوط
يعني عم بمشي انا وياها ومالي مصدء أيمت توصل على بيتا وتحل عني :19::10:
لاني كنت متلبك ورتفعت درجة حرارتي
طبعا شوي شوي ألتلا بحبك وبموت فيكي ومن هل حكي :10:
بس كيف ألتلا بحبك على الموبايل ألتلا بحبك :10::10:
طبعا خجلت كتير وفاتت بلحيط بس بعدين ألتلي وانا بحبك ومن أول ما شفتك تئبرني :10:
كان شعور بجنن لانو أول حب وبتكون نكهتو غير :10:
بس هيك انا حكيت الشي يلي صار معي بضبط وبدون لف ودوران :10:

4 _ اللقاء الأول فارس​

السلام عليكم
ولكل مين حابب يعرف ئصتي هي هي وبس :10: :10:
البنت يلي لح احكيلكون عنها هي رفيئيتي ونحن منعرف بعض من فترة وانا من زمان بحبا بس ما عرفت كيف بدي صارحها بحبي لانو لما بتجيني الجرأة بتكون هي مع رفئاتا يعني بخجل حاكيها ولما ما عدت بئدر خبي حبي اكتر من هيك طلبت شوفا لحالها بالحديئة مشان حاكيها بموضوع مهم ...
وبهداك اليوم انا لبست متل الاخ هاد :

وحطيت عطر من احسن شي
واهتميت باناقتي كتير وفرشيت سناني و..الخ


وابل ما روح ع الحديقة مريت على محل ورود ونئيتلها احلى بائة ورد

وكملت طريئي
وطبعا انا وصلت ابل الوئت بشوية يعني مو حلوة توصل هي وما تلائينئ واكيد كنت طافي الموبايل لانو ما بدي حدا يزعجني بها اللحظة المهمة .
ونطرتا شوية ولا شفتها جاية هي ورفيئتها ئمت ئلت لحالي لعمى شو جابة هي انا مو ئلتلها تجي لحالها ....
المهم شفتون جايين باتجاهي وهنن عم يحكو ويضحكو لما ئربو عليي افترئو عن بعضون واجت المحروسة لعندي ورفيئتها راحت اعدت بعيد عننا
المهم المحروسة سلمت علي وسلمت عليها وصرنا نتمشى وسالتا كيفك شو اخبارك ردت بانها تمام .. المهم لما وصلنا على زاوية مختفية ورا الشجر وبعيده عن الانظار وئفنا وئلتلها انا حابب حاكيكي بموضوع مهم كتير وبتمنى تسمعيني عل آخر :10::10:
ئلتلي تفضل بصوتها الناعم الظريف وهي مبتسمة ئمت انا طلعت بعيونا وحسيت كأنها بتعرف شو بدي احكي وهاد الشي كتير ساعدني وعطاني الجرءة فئلتلها ..
*** نحنا رفئات من فترة منيحة و....
منعرف بعض منيح و.... طبعا انتي بنت ظريفة وحبابة و.... وانا هيك يعني ... يعني بالفترة الاخيرة عم حسك غير و...
و.. صاير عم اشتئلك اي عم اشتئلك ( وهون هي ابتسمت واحمر وشا وطلعت بالارض )
فكملت انا : وعم فكر فيكي كتير ..... و ما عم بئدر طالعك من بالي .. :10: :10:
و.. عم انبسط كل لما شوفك
يعني بصراحة ..
انا بحبك :10::10::10::10::10::10: اي بحبك :10::10::10: يا ضرسانة بحبك وما فيني خبي عنك اكتر من هيك ويا ريت ما تزعلي مني لانو والله مو بئيدي و ...بتمنى تئبلي مني هلبائة وانا اسف اذا فاجئتك بس والله هي الحئيئة
واهم شي اني ما كون ازعجتك او دايئتك بكلامي وانا اسف مرة تانية .
وهون هي طلعت فيي ورجعت نزلت راسها وهي عم تبستم ووشا احمر متل البندوراية :10::10::10::10: ومو عرفانة شو بدا تحكي :10::10::10::10:
بعدين رحنا تمشينا وراحت هي لعند رفيئتا عم تضحك ولما شافتا رفيئتا صارت هي كمان تضحك وطلعت فيي ورفعتلي ايدا عم تودعني والضحكة على وشا وانا رفعتلها ايدي وانا مبسوط كتير وحسيت باحساس ما بينوصف يعني فرحان على خايف على ما بعرف شو وانا عم فكر بللي صار ابل شوية وانتظرت لما راحو وبعّدو ورحت على البيت .
وهيك كان الموعد الاول :10: :10::10: :10:
:10:

:10::10::10::10::10::10::10::10::10:
:10::10::10::10::10::10::10::10::10::10::10::10::10::10:
:10::10::10::10::10::10::10::10::10::10::10::10::10::10::10::10::10:



وهي رابط موضوعي بمنتدى نفحات اسلامية
بعنوان اسلم على يد نملة :
http://albailassan.com/vb/showthread.php?p=242521#post242521

وهي موضوعي في منتدى الطب والصحة
بعنوان الاسعافات الاولية :
http://albailassan.com/vb/showthread.php?p=242525#post242525
​

5 _ اللقاء الاول حسام الحلبى​

تحية بيلسانية للجميع رح أكيلكن كيف كان اللقاء اللقاء الأول يلي اعترفت فيه للبنت يلي بحبها عن مشاعري وبنفس الوقت طلبت ايدها بس قبل ما أحكي لازم تعرفوا شغلى كتير مهمة أنو هالقصة واقعية 100 % وبالفعل صايرا معي وماخترعتها منشان هالموضوع

المهم اتفقت معها عن طريق الأيميل أنو نجتمع الساعة 10 صباح يوم الخميس 26 / شباط / 2009
وكان أخر حديث بينا قبل الموعد بثلاث أيام يعني مساء يوم الأحد لذلك من صباح يوم الأثنين وأنا بشغلي عم فكر شو لازم ألبس لأنو شي بحير رجعت المسا وبحبشة بخزانتي ومالقيت شي يليق بهيك مناسبة مو أنو في أشياء كتير حلو بس احترت لذلك انزلت مباشرة على محل ( غناج ) بباب توما ونقيت شي حسيتو مناسب وهي الصورة ( طبعا متل هيك تقريبا كنت لابس وأكيد هي مو ثورتي أنا أحلى )

خلصنا من أول شغلة ضل الهدية لقاء التعرف السابق قدمتلها وردة بيضا لذلك مو معقول أرجع قدملها الورد لذلك بعد تفكير يوم كامل مساء يوم الثلاثاء انزلت على محل هدايا كمان بباب توما وجبت هدية مناسبة وهي بالصورة الهدية

وأخيرا أجت ساعة الصفر واستيقظت باكرا أو بصراحة مانمت ليلتها وأنا ع فكر بمقدمة مناسبة المهم عملتلي دوش ماكن لأنو بالمعتداد أنو عندي دوش صباحي ( استحمام ) طلعت لبست التياب الجديدة حطيتي عطري المفضل ( هوغو بوس ) وانطلقت لمكان اللقاء يلي رح تستغربوه لأنو كتير شعبي بس برضو مكان عشاق لأنو ماخليت اسم كافيه بالشام الا وحكيتلها عنو بس هي رافضة ( الخوف ) معشش بقلبها بس شو بدنا نساوي متضطر ساير خطبة هي مو لعبة بعد الجواز منتحاسب لا تلوموني المكان اختيارها هي والمكالن هو ( حديقة تشرين ) بساحة الامويين بدمشق وهي الصورة

وصلت حوالي الساعة عشرة الا عشرة وعم انتظر والوقت يمضي كأنو ساعات لما دقت الساعة عشرة تماما شفتها من بعيد متوجهة لعندي وقلبي صار يدق ويدق وصل شي 250 بالدقيقة وقفت وكل العادة هي مابتصافح وقعدنا نحكي شي ربع ساعة كيفك و كيفك لبعضنا بعدين سألتها شو بتحب تشرب وكانت طلبها عصير فريش كان في كشك بجنبنا جبت وقعدت وضيفتها العصير والشلمونة وعيونها بالأرض وماعم تحكي كل شوي أفتح معها موضوع وأوصف جمالها لحتى خليها ترتاح شوي وكل ماهي تخجل زيادة والبنت كلا ماخجلت كل مالشاب خجل أكتر:10::10: طبعا لهلق الهدية بالكيس قدمتها الها وبحجة ماسك الكيس وهي عم تمسك الكيس تشوف شو في مسكت ايدها هون رفعت راسها وطلعت فيني وشفت أجمل عيون بالكون اجتني شجاعة فظيعة وقتها أنو أعترف بحبي الها ويلي بدو يصير يصير قالتها يا ....... أنا بح........... وبجيت بياع الورد وسألني بدك وردة كنت رح أقوم اضربو وقفت وزورتو حمل حالو ومشي بس بعد شو رجعني مية خطوة لورا فتحت الهدية وقالت ياااااااااي بحرارة انبسطت كأنو طفلة صغيرة ولما نزلت اللعبة اجت عيوني بعيونها تماما ونطقتها قلتلها ( أنا بحبك ) وكأنو سطل مي باردة نكب فوق راسها وصارت ايديها ترجف مسكتهن كانوا باردين مع أنو بيومها بالذات كان الجو حار بس في هوا بالحديقة عم يمر بنعومة جنبنا والأشجارالعالية حوالينا بتفتح النفس للأعتراف وفسرتلها بعدها بعشر دقائق لحتى اتحت نفسها شوي أنو حسام الحلبي لما يبحب بحب بقصد الزواج ومستحيل يحب بتسلية لو ماحسيت أنت البنت المناسبة مستحيل تتطلع هالكمة من تمي يلي هي 0 بحبك يا ....... بترضي فيني كزوج وأبو أولادك وعيونها صارو يدمعو وبكيت سألتها شوفي طلعت فيني وحطت راسها على كتفي قالتلي فرحانة فبكيت !!!! مباشرة أنا تشجعت ومديت أيدي عالجيبة وسحبت علبة مربعة صغيرة فيها خاتمين خطبة

وفتحت العلبة فندهشت مسكت أصبعها وحطيت الخاتم ولحسن الحظ أجا عالقياس تماما وعطيتها الخاتم التاني تلبسني يا مسكتو وايدها عم ترجف مسكت أيدي وحطت الخاتم ومرتين سالت من ايدها بعدين نزل بمكانو بأصبعي

هي نهاية اللقاء الأول يلي كان أجمل لقاء بحياتي


وبالنسبة للموضوعين هي موضوع نفحات اسلامية واسمو ( كيف تخشع في الصلاة ) بس الاسم نزل بالغلط ورح أطلب تصحيحو من الادارة هوالاسم الاساسي ( أسرار أية الكرسي ) وهي الرابط http://www.albailassan.com/vb/showthread.php?t=23730


والموضوع التاني بقسم الصحة العامة والمستوصف اسمو ( ماذا تعرف عن انفلونزل الخنازير ؟ ) وهي الرابط تبو http://www.albailassan.com/vb/showthread.php?t=23731

​

6 _ اللقاء الاول ضجيج الصمت​

السلام عليكم شباب وصبايا
هي اول لقاء بس حبيت أعرضوا بطريقة
ما تكون تقليدية انشالله يعجبكن

درجة الحقيقة في القصة 50%


مسابقة عريس المنتدى المرحلة الأولى- اللقاء الأول
المشهد الأول..

​

نهاري داخلي ( غرفتي .. جولة بالكاميرا على غرفتي.. سرير منكوت .. صور فنانين على الجدران .. نافذة مفتوحة .. تستقر الكاميرا عليي واقف جنب الخزانة وصافن بالتياب وعم فكر شو ألبس .. شو ألبس.. وعم غني و دندن أغنية هاني .. فينك من بدري .. بحبك أنا .. يا مناي يا عمري بحبك أنا .. متمني أشوفك أو ألمح طيفك الليلة يا غالي...)
وبعدين وقع الأختيار على شي متل هدول..

​

المشهد التاني
نهاري خارجي ( طاولة رومانسية جدا وسط مناظر طبيعية خلابة نجلس انا والفتاة متاقبلين ويدرو بيننا الحوار التالي)

( قبل الحوار بحب نوه أنو البنت اسمها سندس وكنت بعرفها من المعهد يلي كنت ادرس فيه لغة انكليزية وكان في بيناتنا اعجاب متبادل بس كان هاد اللقاء الأول)​

أنا : هاد هو المكان يلي كنت ئلك عنو أنو بحلم نعد فيه مع بعض بدون اي رقيب علينا مشان أأدر بوح بكلشي جواتي لأنو حاسو رح يخئنني.. ( طبعا كنت كتير متلبك وقلبي عم يدق بسرعة لدرجة اني حسيتو وقف ) وبهي الأثناء وقدمتلها هي الوردة..​

​

سندس: شكرا كتير:10::10: يا الله ما أحلى هالمكان عن جد كتير رائع و رومانسي ... مو معقول أديشك مزوء
أنا بخجل:10: : تسلمي يا رب بس هيك صبيه بتجنن متلك بدها هيك مكان يليق فيها و بجمالها مشان تكملوا بعض لأنو ما بيحلى غير بوجودك .. كتير كنت اجي لوحدي وحس أنو هالمكان ناقص شي .. وشي مهم .. وهلأ أكتملت عندي الصوره ..
سندس : يعني انت من زمان عم تخطط لهاد اليوم ..
أنا : طبعا شي أكيد وكنت عم أنتظرو على نااااار..
سندس : كنت حس بنظراتك بالمعهد بس كنت مفكرتك عم تتسلى..
أنا : لا شو أتسلى سندس أنا عن جد ما عم أتسلى..:80: أنا من أول مره شفتك فيها حسيت أني ارتحتلك
ولا شعوريا صرت حاول كون مطرح ما تكوني ودائما صورتك بخيالي ما تفارئني لا ليل و لا نهار ولاحتى بالمنام.. سندس انتي قلبتيلي حياتي فوآني تحتاني .. لك انتي سحرتيني .. ما عم نام الليل وانا عم فكر فيكي وبعيونك الحلوين.​

​

سندس : معقول .. ؟!! لهالدرجة ! كل هاد صاير فيك بسببي؟ .. ( طبعا هون صار وشها أحمر متل الليمونه وما عاد أدرت تحط عيونها فيني من كتر الخجل:10::10: )
أنا: اي وأكتر لكن شو مفكره حالك أليلة.. لك سندس أنا .. أنا.. بـ...؟:10:
الكرسون مقاطعا : شو بتحبوا تاخدوا أستاذ ؟ ( قلت ببالي ما عرفت تجي غير هلأ لعمة ضربك شو سئيل)

​

​

أنا : ااه !.. كيف حبيبنا!! شو بنحب ناخد قلتلي؟؟ اي اي طيب لحظة.. شو سندس شو تاخدي..
سندس : على زوءك ما بتفرئ.. (سندس بتئول ببالها : ما بدي اتزهرم شي!! .. يخرب بيتك يا كرسون النحس تضرب ما أغلظك .. لو قاصدها مو هيك )


أنا: جيب تنين قهوة العشاق ..
الكرسون : وغيرو استاذ؟
أنا : سلامتك .. شكرا .. سندس شو رأيك نتمشى لعند هديك الشجرة لبين ما يجيبوا القهوه؟؟
سندس متردده : م م ماشي.. :10:

المشهد التالت .. نهاري خارجي ( موكتير نهاري وقت الغروب يعني )
( أنا وسندس ماشيين بممر كتير حلو و رومانسي بتقول سندس ) ​

​

سندس : كمل كلامك أنا عم اسمعك؟

( لقطة على ايدينا .. وأنا ما شي جنبها بمسك ايدها و بوقف وبقول...)

​

سندس أنا بحبك .. اي بحبك .. من زمان هالكلمة معلئة بحلئي و حاسسها رح تخنئني.. صار الوقت اني قولها وارتاح .. بدي قولها وخلي كل الكون يسمع.. بحبك .. بحببببببببك


( هون سندس بتشد على ايدي كتير و ما بعود يطلع معها الحكي .. وكانها رح تبكي)
أنا: شو سندس شبك ؟ احكي شو رايك؟ أكيد فرحانة ؟ مو فرحانة ؟
سندس : أمم (يعني أي بس بدلعنة.... بتعرفوا البنات! )

المشهد الرابع
نهاري خارجي ( شجرة كبيرة وحلوه و رومانسية )

​

وأفنا شوي ئدام الشجرة و وحفرنا اسماءنا على شجرة الحب ...
وتعاهدنا أنو نضل مع بعض مهما صار.. وأنو نحفر هالحب بقلوبنا كمان...

رجعنا على طاولتنا كانت القهوه بردت طبعا .. بس شربناها لأنها باهظة الثمن؟؟!

و بعدين وصلتا لقدام بيتها.. ودعتها ومشيت ..
​

المشهد الخامس ليلي خارجي ​

أنا عم أتمشى بالشارع وأتذكر كيف كان هاليوم الرائع وحسيت أديش انا مبسووووووووط وطاير من الفرح وكل العالم ما بيوسع فرحتي الكبيرة ..
وصلت عالبيت دخلت على غرفتي ونمت وصرت أحلم أحلام سعيده ..

وهيك كان اللقاء الأول
شكرا لوقتك الثمين يلي منحتوني ياه
وبتمنى نتال رضاكم وتصوتولي

​

​

​

​

​

​

​

ملحق بالمشاركة السابقة سقط سهوا
(أو بالأحرى ما رضي المنتج يحطون بالمسلسل تبعو قال شو...!! ما بحب الدعايات)
:19::19::19::19::19::19::19:​

موضوع القرآن الأمريكي الجديد (استغفر الله العظيم ) وهي الرابط​

http://www.albailassan.com/vb/showthread.php?p=243045#post243045

موضوع تمارين ونصائح صحية هامة ومفيدة جدا وهي الرابط​

http://www.albailassan.com/vb/showthread.php?t=23788

أرجو الفائدة للجميع وشكرا لكل من شارك
​

تمنياتى بالتوفيق للجميع



​

 

[Dark Heart]

ضـــــجـــــيــــج الــــــصـــمـــــــــــت
اشي من الاخر

 

[ضجيج الصمت]

صوتولي صوتولي صوتولي
صوتولي صوتولي صوتولي
صوتولي صوتولي صوتولي
صوتولي صوتولي صوتولي ​

 

[§ Lισи Hεαят §]

كل قصصكم رائعة
بس صوتي كان لأبو المر
​

 

[جمانة]

أنس ​